مابين_الحرب والحب

مابين الحرب والحب(الحلقه الاولى)❤️

#مابين _الحرب والحب

#الحلقه_الاولى

الكاتبه مسك المصراتي♥️♥️
.
.
.
الساعه9:20ص
ساجده راقده اتصلت بيها امها مره وتنين لين ردت
ساجده:ايوه ياماما
حوريه:نوضي خالتك طيبه جايه قريب توصلك نوضي اغسلي وجهك وديري قهوه واني شويه ونجي كان جت قبلي قوليلها ماما مشت لمدرسه وسكرت الخط...
ساجده:قاعده كيف نايضه وتستوعب فـ كلام امها وتفكر زعما خالتي معاها داره الكبد وجت فـ بالها فكره صدمتها 😟(معقوله تطلع ماما وخالتي مخططين بش يجيبو ايمن 😞💔)وهي تفكر تسمع ف صوت الباب يخبط ناضت تجري غسلت وجهها وقامت شعرها كعكه ومشت فتحت لخالتها
طيبه بإبتسامه:صباح الخير كيف حالك ياسجو 😄
ساجده :صباح الورد خويلتي وحضنتها😍🫂
ساجده وخرت من حضن خالتها وجت لبنت خالتها ساره تسلم عليها:كيف حالك سرو وشنجو الزواج معاك❤️
ساره:الحمدالله اهو حامل ونتوحم غر ع البطاطا تشبس😂😂💔
ساجده:خزي حتى وححمك تافه زيك😂💔تعرفي ماتجيبيش العيل عيونه خضر زيك وزي خالتي نقتلك 🙃😂😂
ساجده فرحت اللي مالقتش ايمن تحساب ماجاش بس هو قاعد تحت يركب ف الساكوات😂😒وتكلمت بعدها:تفضلو خالتي راهو ماما ف المدرسه قتلي قريب نوصل 😄
طيبه:وباهي ع راحتها اني وخيتها مش برانيه وانتو بنياتي حتى كان بتلولو ترقدو نخش معاكم♥️
ساجده:سلمها خويلتي الغاليه وربي حتى حني نحبوك زي غلا ماما واكتر لاكن خلاص مدامني نضت اهو قاعده معاكم نديروه قهوه مابين جت ماما 😗❤️

ملاحظه:ساجده تحب خالتها هلبا للكن ماتحبش ايمن ولد خالتها لان عصبي وتشوف فيه كيف يكسر ع امه ف الدنيا لما يتعصب وساجده نوعها هاديه وحساسه مايمشيش معاها نظام ايمن .
.
.
.
وهما يحكو خبط الباب ساجده تحساب امها فرحت وقالت لخالتها:حي هادي شكلها ماما😍
طيبه:لايابنيتي ماضنيت راهو لان موعد حصتها مزال مش توا تطلع
ساجده :خلي نشوف مني امالا مرات بابا ناسي مفتاحه ديما يدير فيها تعرفي 😂😂😂
مشت ساجده فتحت الباب ونصدمت بايمن اللي مش ف الحسبان وتحسابه مش معاهم😟😂
ايمن:خيرك مصدومه شن ماتبينيش نجي اهو تو نروح كان مش عاجبك وكيف ماشي بينزل من دروج
تكلمت ساجده :تعالا هني مانقصذش هكي اني نحساب ماما لان مانبيش خالتي تقعد بروحها وبعدين حوش اختك اني شن دخلني فيك تجي ولاتمشي 🙃
ايمن رجع ركب للحوش وهو يتكلم:صح حتى اني مفروض ماحرجتش وماندورش لان حوش خالتي حوشنا التاني❤️
ساجده تتكلم بينها وبين نفسها(بليد وسافل واشي كيف يشبحلي الصايع بليد وصايع هلبا عليا اخخ ياسجو قداش بتتحملي رزن دم وصياعه هادا راي امي وشن يدير😩😒😂)
ايمن:شن تفتي بروحك عارف روحي عيوني زرق وحلوات لاكن مش لدرجة تهدرزي مع روحك عليا
ساجده:تعرف انك حقير والله كان تعطيني ربع الثقه اللي عندك بس حياتي كلها تمشي القدام😒🙂
ومشت ساجده ادير ف القهوه وتفكر بروحها(اخخ ياربي حاسه شعور غريب زعما لان اول مره نخش ف جو الخطوبه ولا لان ماعمريش تقابلت مع ولد بطريقه هادي ولا لان هو ولد خالتي توا بيبذا خطيبي😩 اخخ ياراسي النبي معاش نبي نفكر اللي بيديره ربي باهي🙂💔)
قريب فاجت القهوه جتها ساره تجري وتضحك
ساره:هي يافرخه القهوه قريب فاجت وانتي سارحه هادا كله فرحه بخوي 😂
ساجده شبحتلها ع جنب مش عاجبها:جهنم الحمرا انتي وخوك هادا ماناقصني ع الصبح اصلا خاطري نفهم شن دايره ف عمري بش ربي يجازيني بخوك المستكلب😒😒😒
ساره تضحك:شكلك ضاربه شروق ودعت عليك دعوه فجريه😂😂😂😂
(طبعا استغربتو كيف ساره مازعلتش ولاردت ع ساجده لان متعودين ع ساجده تحكي ع ايمن هكي ديما وهما عارفين ولدهم عصبي بس ف النهايه هادا ولدهم)
وهما يحكو خبط الباب قالت ساجده لساره:وراس سوسو بري شوفي الباب اكيده ماما جت طلعت ساره تفتح الباب خشت حوريه سلمت ع ساره
حوريه:اهلين سوسو كيف حالك وحضنتها🫂
ساره:الحمدالله ياخالتي كيف حالك انتي
وخشو مع بعض لدار الجلسه متع حوريه
.
.
.
.
.
نوصفلكم الحوش (اول ماتخشي من الباب يقابلك صالون بيج ف الابيض وجنبه بلكونه ع اليسار وع اليمين حمام بعدين جنب الصالون حيط طويل شوي وممر فيه دار فيها صالون تاني موڤ للعيله وفيه تلفزيون بعدين ع اليمين تجيك درجة تركبي منها يجيك ع اليسار جلسه مفتوحه يعني نظام بار لونها احمر ومقابلها الكوجينه وبعدين تقدمي درجة فيها تلاته ديار وحمام❤️❤️)
.
.
.