السلام عليكم
يتيمة المشاعر
نور ال زياده
************
سمر: مر اسبوع ورافي معتكف ومبتعد عنا ميحجي اي شي؛ بس اراقبه من بعيد لبعيد
يمثل النوم طول الوقت وبس يشوفنه نمنه يكعد يدخن ويسهر الليل كله بقينا اني وامي وسيف ويا بالبيت
مره كعدت نص الليل رحت لغرفته اشوفه مالكيته دورت البيت كله ماموجود،
عقل مضل براسي خفت علي .ياربي وين راح؟
، ردت اكعد سيف، بس سمعت صوت طكطكة چداحه بره،
باوعت من الشباك وشفته كاعد بالحديقه ضليت اراقبه من بعيد انتبهت كل شويه يمسح بعينه،
هنا عرفت اخويه فاض بي ماعاد يكدر حتى يخفي دموعه وألمه رحت عليه..
_شتسوي كاعد لسه؟
ماجاوبني وانتبهت يمسح بعينه ويبعد وجهه عني
رحت كعدت بصفه، وهو يتهرب بعيونه ألي رغم المكان ضوءه خافت شفتها صايره حمره دم، وكل حسره يجرها تهد جبل،
_وتالي ياعيني راح تضل هيج؟
رافي: ليش شنو بيه؟
سمر: هي هنا المشكله وهل شي ألي مرضك وجلطك، تسوي نفسك مابيك شي،وانت تدمر بنفسك من الداخل، بس لشوكت؟
رافي: خلص ماضل اكو شي ادمر نفسي على موده
راحت،، باعتني واختارت طريقها وابويه هم ماقصر
ماشاء الله الغدر اجاني من اقرب الناس ألي
سمر: ترا نورزان مجبوره على الزواج مو برضاها يعني ماغدرتك وكل شي قسمه ونصيب وهي مو نصيبك
جاوبني بعصبيه ...
رافي :شنو انتي تعلميني بنورزان، ؟؟اني اعرفها كلش زين...ماكو احد يكدر يجبرها على شي
تكلب الدنيا على روسهم،وان لزم الأمرالعرس تسوي عزه اكشر عليهم متتزوج وميهمها حتى لو يموتوها اني اعرفها شكد قويه ومتمرده اني ألي ربيتها واعرف متستسلم بهل السهوله الااذا هي برضاها او اختارت الطريق الأسهل او يجوز عجبها حسام بيك بس لتكوليلي مجبوره اعرفها اكثر من نفسي واعرف شكد متمرده
سمر: صدكني رافي نورزان مجبوره
رافي: لتكملين،،،، خلص ،،،هيه اختارت طريقها والله يوفقهاوقررت امحيها من حياتي كلها،
تدرين اكبر غلط سويته بحياتي رجعتي للعراق، لهذا راح ارجع مين مااجيت
سمر: لا رافي عفيه احنا ماصدكنه رجعت بعد سنين شنو ترجع تسافر،اذا على ابويه فمعليك بي هاي انته كاعد ببيتك وهو هناك،،، واذا على نورزان فأنت كلت راح انساها واطلعها من حياتي معليك بأحد
رافي: وكسرت گلبي شسوي بيها؟؟ والنار ألي بصدري منو يطفيها؟ منو يوقف عقلي من التفكير؟ ماضل عندي حتى ثقه بأحد، فهميني شسوي؟
خليني اروح يم ناس مااعرفها بلكي، اكدر اعيش
وأبدي من جديد
سمر: الانسان وين ميروح ياخذ مشاكله وحزنه ويا
يعني قابل هناك راح تنسى؟
أنت تقرأ
يتيمة المشاعر
Lãng mạnشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
