يتيمة المشاعر

البارت التاسع والعشرين

السلام عليكم
يتيمة المشاعر
نور ال زياده
************

ريام: نورزان،،، مات!!!

نورزان: تذكرت الحلم طفرت من فراشي.... احجي ريام منو مات؟

ريام: نورزان، رفل كلبت الدنيا بالبجي والصياح
تكول اخويه قتلو

نورزان:شنو رفل ومنو قتلو؟

ريام:  صحصحي ويايا شبيج يارفل يعني مرت زيد واخوها حسام تكول قتلو

نورزان؛ انتي متأكده؟ منو يكول صدك؟

ريام:شنو هل برود اكلها رچلج يكولون مات تكلي منو يكول صدك انتي مو مرته؟ امشي روحي أسألي رفل صدك لو لا لتضلين واكفه تصفنين بوجهي

نورزان: رحنا على غرفة زيد، ونسمع صوتها وبجيها
دكيت الباب عليها،،، فتحه زيد

نورزان:  شصاير؟،ليش رفل تبجي وتصيح اخويه؟ ،حسام بي شي ؟

بعدني ماكملت الكلمه طلعت رفل وهجمت عليه
صارت تغلط وتصيح

رفل :انتي بسببج، انتي موتي، طول  الوگت تعاملي موزين ذليتي بعيشته، كتل روحه عليج وحبج وانت تأذي وجه البومه،، فگرتي وموتي

عطت بيها

نورزان: كاااافي، هاي فوك ألي سويتوا، جايين تذبون بلاكم عليه لصمي حلكج

زيد: نورزااان لتحجين بهل طريقه ويا رفل
متشوفيها هي بياحال، عالأقل احترمي وجودي وتذكري انتي اهنا  أبيتنا

نورزان:  احترمك؟؟؟هههه،،، واحترم وجودي قصدك  بغرفتك موو؟ لأن هذا بيت ابويه موبيتك  وبكيفي اطب واطلع

خزرني ومارد..... زين اكلك مرتك ليش ماحترمتك، ولااحترمت وجودك من هجمت وغلطت على اختك،؟ شنو لازم رفل متحترمك؟

رفل: انتي وحده صلفه، واني صوجي، خليت اخويه ياخذج،

نورزان: الله ياخذج انتي واخوج، ألي يسمعج كاتله روحي، مو عبالكم مااعرف بلعبتكم، وهو هم مشاركم بيها،

رفل: الله لاينطيج، اكيد دعيتي على اخويه
وهيج صار بي

نورزان: لا الكلام ميفيد وياج، انتي الضاهر ،،، زيد تفهمني شنو صاير لو اروح ،؟

زيد: حسام صار عليهم هجوم، وقصفوا المقر مالتهم ومنعرف بعد اخبارهم مندري، عايش ولا، ميت

نورزان: ها هيج السالفه  يله الله كريم، خلي انزل اتغده،،،، اخذو راحتكم

عفتهم ونزلت واسمع رفل ورايا تغلط وتسب وتدعي عليه ولا اهتميت ، صار عندي برود غريب

صح اني مااحب اذيت احد، بس يمكن من كثر ماضلموني واذوني، گلبي صار قطعه من ثليج
فقدت الأحساس  وكلت امري الى الله، وهو شيسوي وشيختارلي اني راضيه