السلام عليكم
يتيمة المشاعر
نور ال زياده
*************
نورزان: من طلعت وفتت للصاله الداخليه مال بيت ألي كاعدين بيها بيت عمهم، أنصدمت !!
وكفت مثل الصنم مااعرف شنو اكول ولااكدر امشي رچلي تبنچت
صار ٩ اشهر مشايفته، ومتوقعت راح ارجع اشوفه
صارت عيني بعينه، حسيت هو هم تفاجأ من شافني
من باوع عليه شفت لهفه وشوق بعيونه
واني مو اقل منه گلبي راد يطلع من مكانه
ورجلي احسها ماعادت تحملني
انقطع تواصل عيونه من تكلمت عمه ام رافي
ام رافي: تعالي يمه نورزان ليش واكفه؟
نورزان: السلام عليكم
كلها ردت بس هو رد ببرود ودار وجها سوا نفسه
يحجي ويا ابن عمه،
هنا عرفت هو ميريد يشوفني ولا يتواجه ويايا
انقهرت وبلعت الغصه ،، انتبهن سمر وعمه وحاولن يهدئن الجو
سمر: يله نورزان البنات بالصاله منتضرات امشي
نورزان: باوعت عليها بنضره مليانه قهر وهي سوت حركه بشفايفها تدل على الاسف من الموقف والفشله
شنو اريد اكول اصلا حقه كنت متوقعه انو ماكو شي بينا يرجع مثل الاول ،، حسيت نفسي بعد مااكدر ابقى او اجامل احد قررت اروح
_عمه اني رايحه
ام رافي: ياا،،، يمه شفتهمنه منج اشو كضيتيها يم عمج وهسه راح تروحيين
نورزان: غير مره اجي ان شاء الله
ام رافي: يمه لتكطعين عمج نبيل يفرح من تجين
نورزان: لا ان شاء الله اجي دائما اشوفه
تفاجات من سمعت صوته بس ياريت باقي على سكوته
رافي: اكيد تجي شلون لعد،،، عمها صاحب فضل عليها، لكالها شخص مناسب وزوجها اقل شي تسوي أله تسأل عليه وتجي تشوفه،،، مو صح ست نورزان؟
(باوع بتحدي ورفع تك حاجب)
نورزان: انتبهت عمه وسمر يخزرن بي، واني اتمنى اختفي من كلامه
باوعت علي بقهر، حسيت عيوني غوركت من قهري
من صارت نضراته على عيني رخت ملامحه ونزل حاجبه،
ردت ارد بس احس اذا كلت اي كلمه راح تنزل دموعي ومااريد احس نفسي مذلوله وضعيفه كدامه،،، عرفت بعد هذا كلامه احنا انتهينا للأبد ماضينا راح ومات،، بعد كل ألي عشنا هسه صرنا نجرح ببعضنا
كلت...من رخصتكم،
عفتهم ومشيت، وسمر تمشي ورايه لحكتني لبره
سمر: اوكفي يمعوده، خلي احجي وياج وين رايحه
نورزان: للبيت
أنت تقرأ
يتيمة المشاعر
Любовные романыشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
