هي والمافيا
المقدمه
بسم الله الرحمن الرحيم
صوت منبه عالي ومزعج جدا ..
فتحت الام الباب : يا بنتي انتي طرشه مش سامعه المنبه ..
بس البنت ولا هي هنا ..قفلت امها المنبه
الام : انتي يا هبابه قومي ... يا اميره قومي اتاخرتي علي الشغل
اليزا بنوم : هي الساعه كام يا ماما
الام بخبث : الساعه ١١
صرخت اليزا ونطت علي الارض : ايه . ١١ ..ازاي. ليه يا ماما مصحتنيش بدري . انا كده اترفدت دي اول طالعه ليا .. صوتي يا ماماااا
الام ضحكت : قومي علي الحمام يا اخر صبري
اليزا : سبيني ابكي علي احزاني يا امي . الشغل راح ، راح ..
الام : مفروض كنتي قدمتي في معهد التمثيل بدل السياحه
اليزا : كان نفسي بس مش رديت .. رافه بنانسي عجرم
الام :. نانسي عجرم دي مغنيه مش ممثله يا هبله
اليزا : اهو كله بيطلع في التلفزيون يا حجه .. يلا اعمليلي شاي بلبن وهاتي بقسماط اسقي عشان احتفل بخبتي الكبيره
الام وهي بتخرج : هجهزلك الفطار. لسه الساعه ٧
شهقت اليزا وبصت علي الساعه : كده يا ماما خضتيني . بلاش حركات الامهات دي معايا
الام : انتي مش هتصحي غير بكده .. يلا عشان متتاخريش بجد وترجعي تندبي حظك
اليزا : ماشي يا زوزا . ربنا يسامحك
الام : ربنا يهديكي يا بنت بطني ..
.....
هاي نسيت اعرفكم علي نفسي .. انا اليزا ادم عندي ٢٤ سنه .
. شغال مرشده سياحي وانهارده اول طالعه ليا مع جروب سياحي . والمدير قالي لو اتاخرتي متجيش . مديري بقي اسمه حامد. بيحبني جدا .. استغفر الله العظيم علي الكدب اللي بكدبه علي الصبح ده
الصراحه يا جماعه انا محدش بيطقني .. مفيش غير الست الوالده الله يعمر بيتها بس اللي مستحمله رخمتي عشان بنتها بقي وكده .
أنت تقرأ
مجموعه قصصية( هي وهو)
Humorمجموعه قصص منوعه بطلتها هي . والبطل هو هي والعصابه هي والمافيا هي والجواز بالخناق هي والشيطان هي وصقر
