هي وال شيطان
الثالث
أستغفر الله العظيم و اتوب اليه
دخلت لميس مكتبها في الشركه ..
كان يحي قاعد مع والدها
هشام : بتعملي ايه هنا
لميس : بتابع شغلي يا بابي
هشام : انا قولت متجيش هنا . عندك فرح وحجات مفروض تتابعيها ولو علي الشركه يحي موجود يتابعها وانا كمان هتابعها مع شركاتي
لميس : بابي . لو سمحت . ممكن نتكلم بهدوء
هشام بانزعاج: عايزه ايه يا لميس
لميس بصت ليحي بحزن وهو شجعها تتكلم وتقول اللي في قلبها يمكن يحس بيها...
لميس : بابي انا مش عايزه اتجوز عمر . بليييز لو سمحت لو بتحبني افهمني
هشام : انتي غبيه وله مش بتفهمي قولتلك هتتجوزيه يعني هتتجوزيه . ده قرار نهائي انا مش منتظر انك توافقي وله لا
لميس : ترضي تجوزني غصب
هشام : هو انا بجوزك لواحد صايع وله شحات . ده عمر الشرقاوي من أكبر شباب الأعمال في السوق ليه اسم وثروه كبيره
لميس : طز في كل ده . انا المهم عندي راحتي وانا مش هكون مرتاحه مع الكائن ده
هشام : انا قولت هو مناسب ليكي . اتفضلي ارجعي البيت علشان تشوفي ترتيبات كتب الكتاب . احنا خلاص حجزنا مكان الخطوبه وكتب الكتاب .
يحي : لميس ..تعالي اوصلك البيت . عن اذنك يا هشام بيه
هشام : عقلها يا يحي وخليها تعرف مصلحتها
يحي : بس لو تسمعها يا عمي
هشام : انا قولت اللي عندي .
مسك ايد لميس اللي بتعيط وبتترعش استاذن أنه يمشي
وخرج من الشركه : لميس حبيبتي. اهدي مش كده ..
لميس : هيجوزني الزفت ده .
يحي فتح باب العربيه وقعدت فيها
يحي : عملتي اللي قولتلك عليه , اتكلمتي مع عمر
لميس : روحت والزفت طلع حمار و متخلف
يحي : بني آدم غريب ..يعني يقبل علي نفسه يتجوز واحده مش عايزاه
لميس : مش راجل
يحي : بصي يا لميس انا مش عارف اقولك ايه . بس مفيش حل .. قفلت من كل اتجاه
لميس : ههرب يا يحي . مش هتجوز عمر
يحي : من أمتي وانتي بتهربي من مشاكلك، فاكره لو عملتي كده عمي مش هيعرف مكانك . . اهدي و هنرجع البيت نفكر في حل مناسب
لميس : مفيش حل غير اني اتجوزه . هو و بابا عايزين كده
....
رجعت البيت مع يحي واتفاجئت ب مجموعه بنات قاعدين
وقفت واحده منهم : انا جيجي مصممه ازياء وعمر باشا بعتنا بالفستان
أنت تقرأ
مجموعه قصصية( هي وهو)
Humorمجموعه قصص منوعه بطلتها هي . والبطل هو هي والعصابه هي والمافيا هي والجواز بالخناق هي والشيطان هي وصقر
