جواز بالخناق
الخامسه
سبحان الله وبحمده
جريت قمر علي اوضتها مع ام ادهم وامها
ام قمر : عملتيله ايه يا مقصوفه الرقبه خلتيه اتجنن كده
قمر ببرائه : مش عملت حاجه
ام ادهم : قوليلي انا الحقيقه
قمر : بصراحه عصبته وجننته والحقيقه قليت ادبي عليه . لا وكمان شتمته وقولتله يا صايع .. هههه
امها ضربتها علي رأسها : ما معرفتش اربي ، يا كلبه بتقولي لجوزك يا صايع .. ليه حق يقطع رقبتك
قمر : ليه أن شاء الله يقطع رقبتي. وانا قولت حاجه كدب ما هو صايع وقليل الادب وبتاع راقصات
ام ادهم : حتي لو هو كده مينفعش تقوليلو في وشه
قمر : اهو اللي حصل . كنت متعصبهام ادهم : ليه . حصل حاجه بينكم
قمر : كلب البحر اتصلت بيه وبعتتله رساله عايزه تقابله. ده غير اني فتحت موبيله وشوفت الرسايل اللي بنهم كلها +١٨ يا خالتو .
ام قمر : شديه ليكي بالعقل مش بالخناق وقله الادب
قمر : انا لا عايزه اشده وله عايزه اشوف خلقته وياريت تطلقوني
ام قمر : عايزه تتطلقي تالت يوم فرحك . ليه يا بت
عايزه تفضحيناقمر : انتم عارفين من الاول حقيقه الموضوع . ادهم مش بيحبني هو بيحب زيزي .
ام ادهم : بس يا حبيبتي احنا متفقين مع بعض . يرضيكي ادهم واحده زي زيزي تضحك عليه وتخليه يتجوزها دي كانت متجوزه تلت مرات قبل كده . غير أنها بتحب فلوسه . مش بتحبه هو . انتي عارفه بيصرف عليها كام في الليله الواحده .. ده داين أبوه وبقت حالتنا حاله. واحتمال عمك يعلن افلاسه
قمر. سكتت شويه وحضنتها : اممم . خلاص يا خالتو . انا هربيه بس عايزه حمايه ، عشان لو زودتها تلحقوني
ضحكت : متقلقيش كلنا في ضهرك
قمر : حيس كده. عليا وعلي أعدائي . الي الجهاد
....
في الغرفه الأخري
ادهم قاعد مع والده
ابو ادهم : ياريت تفرق بين معامله ولاد الشوارع ومعامله بنت عمك اللي هي مراتك
ادهم : قصدك علي زيزي . بس علي فكره بقي زيزي مش بنت شوارع
ابوه بسخريه : اه صح . زيزي راقصه ، فتاه ليل
ادهم : لو سمحت يا بابا متتكلمش عليها كده . هي عمرها ما قله ادبها عليا وله كلمتني زي بنت عمي المحترمه ما بتعمل
أنت تقرأ
مجموعه قصصية( هي وهو)
Mizahمجموعه قصص منوعه بطلتها هي . والبطل هو هي والعصابه هي والمافيا هي والجواز بالخناق هي والشيطان هي وصقر