وقعت في يد الصقر
الرابعه
سبحان الله وبحمده سبحان الله العظيم
الصبح .. راحت حبيبه علي بيت عمار . صحيته ولبسته ملابس المدرسه ....
. قعدت تأكله وفجاه الباب اتفتح ودخل صقر
صقر : الناس الوحشه اللي مش بتسال .. كده متسالش عليا يا عمار
عمار : ثقرررررر. وحستني
حبيبه وقفت بصدمه وفتحت عينها : انت بتعمل ايه هنا
صقر كان بيحضن عمار و سمع صوتها بصلها بصدمه
: انتي ايه اللي جابك هنا
حبيبه : انت اللي بتعمل ايه هنا
عمار : انت عارف حبييه ؟؟
صقر :انطقي وقولي جايه هنا ليه ؟
حبيبه : انا بشتغل هنا .
صقر : ااه . انتي بقي الداده الجديده..
حبيبه : انت بتعمل ايه هنا ؟
صقر : ده بيتي .
حبيبه ؛ فريده هانم تبق والدتك
صقر : ايوه.
حبيبه : انا لو كنت أعرف أنه بيتك مكنتش وافقت اني اكون هنا. انا مستقيله .
صقر : في داهيه
حبيبه : مش هرد عليك .
عمار : حبيبه رايحه فين .
بس حبيبه كانت مشيت
. عمار بص لصقر : انا مس هكلمك تاني .
صقر : ليه كده يا عمار . مش انا حبيبك
عمار : لا انت مش حبيبي. انا عايس ( عايز ) حبيبه . مليس دعوه.
صقر : متعيطش بس .. بكره هجبلك ناني احسن منها
عمار : لا . انا عايس حبيبه . و مس هروح المدرثه
عمار فضل يعيط .. وصقر حاول يسكته بس مش عارف
دخلت فريده و اتخضت : في ايه . ماله عمار
جري عليها وحضنها : ثقر وحس يا نانا . هو زعل حبيبه. انا عايسها
فريده طبطت عليه : في ايه يا صقر .
صقر : كله بسبب الزفته اللي اسمها حبيبه . معرفش ايه اللي عاجبه فيها ..
فريده : علشان هي بتخلي بالها منه وكمان بتراعيه . ايه اللي مش عاجبك فيها انت
صقر : اقسم بالله لامحيها من علي وش الارض
فريده : اياك يا صقر . لو قربت منها . انا اللي هقفلك. فاهم وله لا
صقر : انتي بتزعقلي علشان واحده زي دي
فريده : حرام يا بني الافتراء علي الناس. البنت الشهاده لله مؤدبه ومعملتش حاجه وشايفه شغلها
عمار : نانا . انا عايس حبيبه . مس هينفع اروح المدرثه من غيرها
صقر قعد علي رجله قدام عمار : عمار حبيبي .. ينفع تبطل عياط وتتكلم معايا زي الرجاله
أنت تقرأ
مجموعه قصصية( هي وهو)
فكاهةمجموعه قصص منوعه بطلتها هي . والبطل هو هي والعصابه هي والمافيا هي والجواز بالخناق هي والشيطان هي وصقر
