وقعت في يد الصقر
السادسه
بسم الله الرحمن الرحيم
عمار فتح باب غرفه صقر ودخل كان قاعد بيشتغل علي اللاب توب
صقر : في ايه يا عمار
عمار : انا زهقت يا ثقر
صقر : زهقت من ايه يا استاذ عمار
عمار : زهقت من نفثي ومن الناث
صقر كان هيضحك ومسك نفسه : مين ده اللي اتجرا وزهق عمار باشا
عمار : عايس مامي يا ثقر
صقر : ربنا يرحمها يا عمار . مش احنا اتكلمنا كذا مره في الموضوع ده
عمار : لا.. انت مث فاهم . انا عايس مامي جديده مس مامي قديمه
صقر : اها . قولتلي
عمار : انا هطلب منك طلب . عايسك تتجوز
صقر : انت شغال خاطبه اليومين دول
عمار : مس فاهم انت بتقول ايه
صقر ضحك : عايزني اتجوز مين يا عمار . في حد معين في دماغك .
عمار : اه فيه بث مس تتعصب
صقر : مش هتعصب قول يا استاذ
عمار : حبيبه ..
صقر : اشمعانه؟
عمار : عسان هي طيبه وانا بحبها وقولت لاصحابي أنها مامي . عايسني اطلع كداب قدام الناث
صقر : لا ازاي . ادبس انا واتجوز الست حبيبه علشان عمار باشا ميطلعش كداب
عمار : لو ثمحت يا ثقر متتريقش عليا علشان انا بتكلم بجد دلوقتي
صقر : مين بقي اللي قالك تتدخل تقولي كده
عمار : مس حد
صقر : يا عمار ..يعني مش نانا فريده اللي قلتلك
عمار بكدب : انا عايس انام
صقر : النوم كبس مره واحده دلوقتي
عمار : ايوه ...
جري بره الأوضه .. صقر خرج وراه
عمار استخبي ورا حبيبه : مالك يا عمار
صقر : مش شايفك انا كده
حبيبه : هو عمل حاجه غلط .
صقر : ولو عمل ، هتمنعيني عنه
حبيبه : اه
صقر: اه !!! ..بتقوليها في وشي كده
عمار : ملكس دعوه بحبيبه يا ثقر
صقر بصلهم : ايه فقره العشق الممنوع دي ..
فريده ضحكت : تعال يا صقر ، وسيبهم
......
بليل
حبيبه نيمت عمار .. صقر وقف : تعالي اوصلك
أنت تقرأ
مجموعه قصصية( هي وهو)
Humorمجموعه قصص منوعه بطلتها هي . والبطل هو هي والعصابه هي والمافيا هي والجواز بالخناق هي والشيطان هي وصقر
