أمســـيت قـــربان

البارت السادس

💙صباحكم محبـه💙
...نازك الحمراني..
البارت السادس
..........
شيخ جبار...
يمه شوفي هل سوارات شلون حلوه...
-يخبلن يمه أمهات السعفه عندي واحد منهن
يلوكن على ايد بنياتك يايمه..
ربي يرزقك وتجيب أكثر..
-اشكرج يمه..
شمس"
قمر تعالن بعد أبوچن...
-هلا بويه صباح الخير..
-صباح العافيه شوفن أبنياتي
الباچر العید فا حبيت أعايدجن غير
فا کل وحده تمد ایدها الیه...
-بویه آني أني أول قمر تولي شنو جبت
-لا بابا شموس قمر خيتچ..کلمة التولي موحلوه..
هاي كل وحده منچن أسوارات ذهب اثنين
لأن الله رزقني  على وجهجن ربي يحفظجن ویرزقني وا جيلجن الاكثر..
لبستهن كل وحده أسوارين راحن يركضن الأمهن...
قبلها بوسني بخدي
أمي كاعده يمه وتتحسر
-هايمه وليدي جبار بشر شو ماكو شي...
-شبشر يمه ترى خوش رح تلكين سالفه عليه
-ههههههههي لايمه ماالكى سالفه
اظن هي السالفه موجوده يا مهروم
-يمه  أعرف تحبيني وترديلي الخير
بس يا يمه عندي نعمه..
شمس "وقمر"وعاطف يجوز هذا حدي..
-مو كتلك السالفه موجوده ماأسوي شي
بس انت يمه تتفلت منها
-ربي يحفظج يمه اشكد أحب سوالفج أم جبار..
-ليش مو أم رحيم يا مدهور.
-يمه رحيم مو هنا...
وهسه بس أني ابنج يمج فدوه يمه اروح الكصايبج
الحمر شحلاتهن..
-شورى غزلك هذا
-انتي الخير كله
بس يا تاج راس النسوان ...
لا تحچین بلخلفه یم شمامه..
-لا یمه آبد بلاي ماتوصي..
بس آخذها أنت الدختور...
-قصدج الدكتور يمه لا لا خليها
بكيف الله وعطاياه مامستعجل
-يمه ابنك صار أصبي...
يرادله عزوه بهل دنيا الكشره
-يمه لسى عمره خمس سنين نصبر بعد...
-اوف يا أبني باجر عكبه يرادلك سند..
خو ماتبقى على هذا  مرهون للدوم يمه
-اي يمه ذكرتيني بهل  مرهون
هذا مرهون خوش شاب صارله سنتين عدنا
ومثل ماخببرتج شايل المضيف"وبيع المحاصيل...
يمه ماتعرفين اشكد ارتاحيت لأن هو هنا...
احس الله خلاه بطريقي..
وهو حسبت أبني..
-ابو گلب الچبیر تستاهل یمه لیش ماتشوفله مریه
وكسبه لعندك
-اي والله أسئله خطي بلا زواج..
يجوز اشوفله..
لو عندي ابنيه چبیره چان زوجتها له..
-اي يمه سئله یجوز یرید زواج....على طاري رفجانك(اصدقائك)
شخبارهم...خاصه هذا ابو الشربت
-يمه ماادري والله شكلج أبو عارف صار تلث سنين مشايفه من بعد ماصار بيه جلطه...
وبوكتها كلي سالفه موخوش
-شكلك يمه
-كلي من استلم عبد السلام عارف بعد عشر أشهر
غلق قصر النهايه..
لأن صارت سمعته موزينه كد التعذيب الي بيه..
بس بقى هل شاب الي اسمه صدام ولي أسس الجهاز الخاص للأمن اسمه جهاز حنين..
-يمه كلشي ولا فهمت منك..
-ولا أني يمه هههه
بس الي فهمته هذا الجهاز ولي أسسه
سمعتهم المرعبه تسبقهم وسموهم
جماعة قصر النهايه...
-ليش يخوفون
-لأن رح يزرعون الرعب بكلوب الناس..
يعني اي واحد يحكمهم بينا قبل لايحكم هوسجله
عباره عن قتل"ودم"وغدر"
فتخيلي شرح يكون وضعنا
-لا يمه لاتحجي هيج خفت..وذا على الزلمه عبد السلام راح الدار حقه...
بس سمعت بل راديو اخو هسه ريس
-اي يمه أخوه رئيس وهو هواي بنا شغلات..
-اي سمعت براديو
-يمه ماندوخ روحنا بل سياسه لأن ماتخلص
هسه أني رايح...
أشوف سياره تاخذ البنات للمدرسه..حتى لو ربل
لأن شمس ثاني بتدائي"وقمر أول..
والمدرسه بعيده عن البيت..
-خوش يمه خل أروح أكعد عاطف..
-اي يمه اريد اشوف وجهه...أجتي شمامه
وهي تخلي الصينيه يمي..
-صباح الخير ابو شمس شجنتو تحجون عني..
ترى چنت آخبز...
-یا کلبدون ابوشمس کل خیر نحجي..شو ضايجه
-والله يا أبو شمس رحت زرت الأمام علي عليه السلام..
وزرت النبي حزقيل...
وسبحت بدم النذر
ورحت للجده وماكو حمل شسوي..
وأنت..
-واني شنو شمامة .لا تفكرين
اذا الله ماكاتب خلاص قانع برزقي
-مو أنت كلت تريد عزوه...
واخوك رحيم ماشاء الله...
زوجته كل سنه تخلف له..
وخاف أنت تضوج..
-استغفر الله ياشمامه هاي انتي الطيبه هيج تحجين
-لا والله مو قصدي..
أنت تعرف كلش زين هند أم غالب أختي..
ويجوز اعز من أختي والله
بنتها غريم اخيطلها حالها حال شمس وقمر..
بس كلت خاف انت تفكر...
وتكول ليش اخوك عنده وانت لا
-حشا وعفا ماظنيت هيج تفكرين بيه..
من يمتى عيني على جهال خوي...
-زعلت شيخ جبار سامحني مااعرف شنو اكول..
والله شاهد لان احبك هيج حجيت.
-ميخالف شمامه رايحه بويه اتريكي انتي..
-لا ماتطلع اله تتريك..
-مااشتهي يامره ...كمت لبست ألعبايه على كتفي..
مشيت خطوتين...
مااحس اله تحظني من ورى وتبچي..
-ماتطلع اله وتتريك وياي...
وذا متريكت معناها زعلان..
ينكص الساني لأن هيج كلت..
التفكير تعبني....
-لا تهتمين يابوي
عمر تاخر الحمل ماچان سبب من أنسان..
بكد ماهو رزق  من الله...
والحمدالله قانع برزقي مو اني الي  آباع
على لكمة غیري..
وأنتي كافي تفكرين بل حمل..
اني مااريد ليسمعج ماعدنا جهال أ
بد...
شمس"قمر"عاطف خذوج مني..
تردين تجيبين الرابع..
-مو انت..
-اني حجيتها ردت أحنصچ ...
-تعال تریك
-هو انتي علمود الريوك ترديني ههههه
هلا بأبني عاطف هلا بشيبة أبو...
تعال نتريك اخذك للمضيف صرت زلمه...
كعدنا تريكنا...
وطلعت العلاكه بيها ملابس فصلتهن له...
سبحته شمامه..
واجى يمي نشفته
لبسته ثوب وعباية كتفه...
-صرت اشبهك بابا..
-وانا ابوك اي وليدي اريدك تجي وياي..
-ليش وين اروح
-صار عمرك خمس سين اريد اخذك للشغل
مو بس للمضيف...
-شمامه رايح يابوي لايظل بالچ..
اعرفچ آم گلب الطیب..
-ربي يوفقني اسعدك وجييلك العزوه الي تريدها...
-الله يسهل...جاي أطلع رجعت اسلم على أمي
دخلت للغرفه چانت تسبح بسبحتها..
-آم جبار رایح رایح اسلم المحاصیل..
دعواتچ..
-ربي يسهل دربك ابني...
........
عاطف
وكفت عل المرايه متعجب بلعبايه الي لبسها
أبوي اليه..
دخل يسلم على جدتي..
وامي تمشط بشعري...
طلع والدي وهو يرتب العبايه والشماغ زين..
وکف وهو یسولف وی أمي ويضحك...
تقربت عليهم
-بابا يله اريد أتباها ملابسي كدام اهل الچفل...
-يلوك ألك يبوي
اباع على والدي ضخامته "وطوله"واني ابالي
اكول اشوكت اصير مثله وبکده...
أيجوز أغار منه لان يحضن أمي هواي..
ويمسح أدموعها بيده يكلها
-مااريد ادموع على خدج كلبدون...
-ربي مايحرمني منك ابو شمس
تقربت من ابوي بالي سؤال اسئله..
-بابا انت أكبر من أمي...
-هههه اي اكبر منها باربع طعش سنه..
طلعت ايدي احسب فتحتهن أثنينهم..
-ايدي بس عشر أصابيع امي كالت..
امنين اجيب بعد كعدت ضايج واني مااعرف أحسب
بس للعشره...
كعد على رجله لحتى يوصل الطولي وهو يفتح ايده
-هذن أربعه وبيدك عشره هلكد أني أكبر منها..
وهسه خلينا أنروح..
جاي تحرج ابوك كدام أمك...
غمز بعيونه واحنا نطلع
ايدي الزغيره حاضنه ايد ابوي...
وامشي متباهي بيه
بديت اركز ملامح آبوي وكلامه
واحفظ كل حركه منه...
وبالي لازم اصير مثله...واساعد الناس
جاي ندخل للمضيف وشفنا بطريق عمي رحيم توه جاي من الحله..
بيده جنطة السفر...
وياه زوجته عمه هند.."وغريم"وأماني"وسمير"وامير "ولد عمي
بس ذول احبهم..لأن فرق بينا فقط سنين قليله
لأن غالب "وغالي كبار...
حضن ابوي عمي رحيم..
-منور الچفل یخوي...شونچ خویه آم غالب..
--اهلا بآبو شمس..
-آبو غالب آخذ العائله نص ساعه وارجع للبيت
-صار ابو شمس...
رجعو للبيت واني واكف يم أبوي أجى مرهون..
-السلام عليكم..
-وعليكم السلام مرهون رايدني..
واني همات اريدك براس كلمه....
بس احجيلي شنو حاجتك...
-الي اريده منك شيخ أني ملزوم بثار قتل...
والعشیره مالتي تريدني أستعجل...
-ليش أبني القتل حرام
-ولي قتل ابوي مو حرام عليه...
-اوف يامرهون وين چنت هل سنتین ماتحجي
الله یساعدك ابوك انقتل ليش مخبرتني
ماتامن بيه...
-لا شيخ بلعكس خيرك على راسي"وبفضل خيرك عشت
--لعد سولفلي سالفتك...
-شيخ أبوي چان فلاح عند ناس...
هذول الناس أقطاعيه قتلوه
لأن طالب بحقه...
وعشيرتي بقت تعير بيه من چنت صبي..ويلقبوني
الجبان"الخنيث"منو ينطيك مره تزوجها"ابوك نقتل
والبارحه كلولي استعجل لأن انزوجك احلى مريه عدنا