أمســـيت قـــربان

البارت الثامن

💜مسائكم رحمه💜
...نازك الحمراني...
البارت الثامن
#امسيت_قربان
.......
عاطف...
وهم يجرون بأمي...صوت على بوسط الهوسه
-أني ازوجها على سنة الله ورسوله..
التفتت على الصوت
هذا عمي كالها وهو يباع على خالي همام..
امي متفاجأ وكفت من الصريخ والبچي
وهي تمسخ  حلكها من الدم
كد الضرب...
واشوف عمي هو الي نطقها..ونفسه يلهث
جدتي ركضت حضنت امي تمسح ادموعها...
-بنيتي رحيم رح ينقذج وافقي..
-اي اي عمه مااريد افارك جهالي...اوافق
شمس "وقمر كعدن بلكاع يمها...
واني بعيد عنهم...
ودي أحضن أمي....
طلع من السياره شاب لابس أفندي..
طويل كلش بشرته حمره بشكار
لابس مناظر سود...
نزعهن وعيونه خضر عاقد حواجبه يجوز لان طفل لون عيونه عجبني..
أو لأن مثل عيون خالي هادي "وقمر اختي..
نسيت بچي أمي وخواتي..
وعيوني الهل شاب
دنج على أمي ودي أمنعه باوعت ايدي زغيره مااكدر..

-شمامه الغاليه هيج يصير بيچ بنت عمي
انطیني ايدج يل غاليه مااكدر اشوفج مكسوره..كام وهو يمد ايده
-لاتحجي كريم اسكت...
ماكو اليه رجال بعد عين جبا...
ماكملت كلامها ولا كملت أسم ابوي
خالي همام جراها من ايدها بعصبيه وهو يزكح
-لچ خذاچ فصلیه شتردين تحجين شمامه
لچ تنذلين هنا حقيره..
انتي فصليه عدهم يا دلال...
يكفي هل أسم يشيل كل الذل وياه
تقرب على شمس "وقمر يمسح أدموعهن
خالي هادي بيده چیاس آثنین لونهن صحراوي
بوس خواتي ونطاهن كل وحده چیس...
وهو یدخلهن للبیت...
اتقرب خالي هادي"وهمام على عمي رحيم
خالي همام باس راس جدتي وهو يكول
-ام رحيم أبريلنا الذمه بس هذا قانون العشاير..
لا انتي ولا أني أنغيره..
اختنا فصليه...
مات زوجها....كلشي يرجع المكانه
وانت خويه رحيم كلت أزوجها على سنة الله ورسوله
وين چنت عنها كل هل سنين
لوهسه من شفت الفاس وکع براس
-بس اني اخطبها منكم...
-اسف يخوي أبن عمها سبقكم وتقدم..
وتعرف الاقربون أولى...عندك بيت ولد متكدر تخربه
أني أب واعرف الاب من يزوج زواج ثاني يهمل بيته

-بس حرمة أخوي مااريدها تروح منا...
-اسف يخوي هذا قانون العشاير لا بيدي ولا بيدك
كلشي يرجع مثل الاول..
-هادي خويه حاجي اخوك همام...
ولد اخوي يضيعون بعد امهم...
-مكدر خويه رحيم حاجيته قبل لا اجيكم..
لكن تقرر الامر من الاكبر مني...
-مو اني اخطبها منكم يخوي...
-نطيناكم مهله يخوي اسف... اجى يصعد عمي هادي
للسياره..
التفت عليه بيها لابس دهداشه مخططه حافي..
واكف بين الباب والحايط...
تقرب يحضني
-اسف وليدي الي صار ظلم...صعد سريع للسياره
وهو ياخذ بيده أمي
شيلتها واكعه للكاع...
کصایبها(جدائل)صفر مثل شعاع الشمس طالعات
هل ضفاير الي اكثر من مره اشوف أبوي يبوسهن
أول ميدخل البيت...
خالي همام تقرب الأمي وهو يشاورها اشوفها ضحكت
كامت وياه...
دون أن تلتفت ألنه...
اجى الرجال الأفندي كمش ايدها...وهويصعدها السياره..
اريد اركض الحك بيها
تحركت السياره خواتي يبچن وجده حاضنتهن...
ركضت ورى السياره
اريد امي  تلتفت عليع تسمعني واني أصيح
-يمه"ماما
والله بعد اكول ماما مثل ماتردين
مااشوف اله وكعت على ركبي..
عمي رحيم شالني..
-يبن أخوي شسوي لا تتعب گلوبنا..
ترکته اركض للبيت...
دخلت الغرفت أبوي جريت ثوبه الي كله دم
ولفيته على ركبي المجروحه من الكاع...