أمســـيت قـــربان

البارت الثاني عشر

💙صباحكم رحمه💙

....نازك الحمراني..
...امسيت قربان...تنويه قمر ثاني مرحله بلمعهد..
خطاء مطبعي بذاك البارت
شمس...
البارت الثاني عشر
غالب اجى بسيارته..
عاصم بدربونه يروح ويجي...
عيوني له ابتسم من شافني دمعت عيوني
مقهوره عليه..
لان يحرك ابأقدامه من التعب..
مااعرف اشكد واكف
درت وجي وتذكرت ماانطي أمل ...غالب وكف سيارته بوجه وملامحه الحاده..حتى ذقنه حاد صلب
وكف سيارته يمنا
-اشلونهم الحلوات يله صعدن.....
-وصلنا ماحاجه..
-مريتي صعدي مااكرر مرتين موحلو بحقي.
كمشت ايدي غريم..
-حبيبتي شمس اصعدي يمه لاتعندين...
متعرفي ميحب العناد
-امري الله...
ركبت مدنجه راسي واريد أخطف نظره العاصم..
الي بقى صافن مقهور......صوت غالب فززني..
-هذا النذل أشعنده هنا ..
قبل لا أجاوبه وكف السياره بقوه
ردت انضرب بلكشن أله شوي....
وكفت السياره نزل
وهو يبتعد بخطوات طويله " مثل الثور هايج
واني أراقب الثنين بين عاصم الهادء الطيف ...
وبين غالب الي يبن عنه انسان جدي"قاسي
مابي مجال للنقاش..
وهو يوصل يم عاصم يتكلم بعصبيه
ويحرك ايده صوته عالي..وصل النا
-شدا اسوي بفرعنا دكتورنا العزيز ترى مو من المرجله
توكف مقابل بيوت الناس...
.لو الطب من علموك مثل" لاحياة في الدين"
علموك لا حياة في الرجوله...
-لا أخ غالب شدا تتكلم أرجوك ..
-ها أتتكلم وفصحى  أنت من جماعة ماركس"لو جيفارا"لو منو منهم....ههه
حبيبي أتنحى من شارعنا لو اتصرف غير شكل وياك
درت وجي الغريم
-انزلي الاخوج لا يتعارك وي الولد خطيه..
-ونبي اخاف منه عصبي مااكدر
-اخته وتخاف منه شفتي ليش رافضته..
دنزلي وأتبعج اني غريم...
نزلت كوه خايفه منه شافها غالب اقتربت منه
خنزر عليها...بقت بعيده وتباع عليه
ترددت ولازم ادخل لأن اخته خايفه منه...
بسب عصبيته
عاصم انسان مسالم مو مال طلايب
وغالب يدفع بكتفه
اقتربت وغالب يتهدد وعاصم يتكلم بهدوء
-أخي عندي حاجه جايكم بيها ولا ترجعني خالي الوفاض..
-كتلك مااعدنا بنات أبو وفاض..
افتهمتها لو افهمك بلغتي
اجى يرفع ايده يضرب عاصم جريت أيده
-يله خل نمشي غالب أتعطلنا ياعيني....
خطفت نظره وحده له
واشوف عاصم منهار ويجر النفس كوه..حزين
ويباع على ايدي تسحب ايد غالب..
دنج راسه مأيس"خذلان
وبالي لازم انقذه
أجر بأيد غالب الى أن صعدت للسياره بشق النفس
ركبت وگلبي يخفك بقوه
كد عصبيته غالب السياره نزلت كلش من ركبها
اندار عليه
-لو مخليتني اربيه..وعلمه
طبيب و يفتر بشوارع
تفو على هيج زلم...
-مالنا علاقه بيه غالب...
-زين أنتي اجيتي بوقتج متعرفي اثر هل لمسه
كيف خلتني اهداء...
واله چان مرعدت وجهه...
السياره تعدت من يم عاصم ودي ارفع راسي
وانظر له نظرة وداع ...
میدري كيف نقذته من غالب
وصلنا للبيت
قبل لا يفتح غالب  باب السياره اليه
فتحته..
ونزلت ابسرعه وركض...
اريد اطلع حسره بگلبي
دخلت للغرفه اسد الباب دفعه غالب
-شنو الي صار وهيج تصرفين احجيي...
-مصار شي والله....بس عصبيتك ماأطيقها"تخوفني
شون أكمل...
-شتكملين
-اكمل وياك حياتي  وهيج عصبي متعرف اصار بيه
واني اشوف ايدك ترجف من العصبيه.
وجهك احمر...
عيونك حمر...
تحجي بحشرجه خشنه"
كأنما تتكلم بفرض سيطره
-اريد انسى صورتك القديمه بيوم شايل السلاح
من تتعصب هل موقف يرجع بالي...
أقترب مني اتلمس وجهي...
-يعني حاقده عليه من ذاك الوقت..
-مااعرف..خفف عصبيتك
-زين متعرفين أني من شلت السلاح..
و رميت على الولد الاجل اخذ ثار عمي...
لأن عاطف ازغير...
والدي الي هو عمج حلاها بلتي أحسن..
والتي احسن متفيد بوقتنا...
-اي وأنت انت طلعت بسلاحك تفتر بچفل
-اي وأن...غير اقتل ماضي..
-والقتل سهل عندك..
-أي أن استوجب ألأمر اقتل
عندي أسهل من السهل...
-زين مو أنت خريج واكاديمي
-زين الخريج والأكاديمي ينسى اصله.وثانيآ موضوعنا غيرتي غير تجاه..
يعني تضوجين مني لأن أخذ ثار أبوج..
لو لأن عصبي..
-لأن عصبي....
وأ أنت  مقتلت ماضي...
قتلت ولد  شاب مسكين"بريء..
-أي غير يشبهه اني ممتعمد أقتله...متوقعه ماضي
أو مرهون مدري شسمه..
-كافي غالب جاي أضوج اكثر منك...
يعني تتكلم بلا متبرر...
بلا ندم شنو أنت
-أني احبچ
-لا غالب مااكدر خل انأجل العرس الشهر الجاي..
مااريد هسه...
-صدك دتحجين الجمعه الجايه الزواج..ابد
-لیش
-شنو ليش مجاي تشوفين الوضع...
بعد حادثة الجامعه الي بغداد
والي أنقتلت بيها البنيه "ولد
بسبب صاروخ"مدري رمان يدوي...
ورح اتصير حرب
-واني شكو...
-لج شلون شكو ...
انتي متقدرين اني احبج
من نعلعله الحظ الي خلاج بگلبي
استغفرك ربي.....
خفت منه كعدت على الچربایه آبچي..
یرید یتهدد عليه...
ويرجع يفتر داخل الغرفه..
واني كل جسمي ينفض منه..
وكف مقابيلي
اشوف بس بنطلونه الاسود...من دموعي
-آشتردين انطول الخطوبه
أشو أسنين يمج اني
لو تردين مثل مراهق أكعد وياج نتعارف وطلعج ونفرفر....
-لا..
-لعد...
جر ايدي بقوه وكفني كباله....
اشتردين احجي..
لچ باعي عليه
لاتنزلين عينج...
-ايدي توجعني عوفني...
-لچ وافقتي عليه دون ضغط مني
وعقدنا وكلتي أي
من دون ضغط قوي
-اي اعرف بس انت تعرف اني كوه وافقت
-اعرف لأن احسن من غيري
-غالب هسه اني وافقت خلاص..
-اني خلاص..
الاخشاب جبتهم..
والذهب والملابس
انتي وامي اخذكم بعد شكو..
--هاي هيه....تقرب جرني الحضنه برغم اسمع نبضه بس مثل حايط بشري...
-لا تعبيني شمس أنطيني مجال ورح اتشوفين..
اشكد احبج.....
دخلت قمر وابتعدت عنه
-اسفه قاطعتكم...
-لا خويه ماكو شي ادخلي..طلع بسرعه ومبي ذرة خجل
-واني خجلانه من قمر....
-اي حاضنج شموس حبيتي شبسرعه..
يله يستاهل ترى حلو....
-لج ياحب ياصخام أخاف منه...
-امداج تخافين بنت شيخ جبار تخاف.
-لا بربج مجاي تشوفين شلون عصبي على طول..
-وذا اعتبري مخبل وتعتنين بيه هههه.
-ألعرس الجمعه الجايه...
-شبسرعه...
زين ليش ضايجه هذا أختيارج..
وكتلج شنو معنى زوجه ثانيه.
معناها الثانيه بكلشي.
بحياته..
بمشاعره..
بهتماماته...
مااخذتي كلامي بعد لا تحجين زايد
-والتسجيل..
-شنو قابل دليل قوي...
اسكتي خوافه..
بعد قبلتي بيه...حاولي تهيئين نفسج له
وتقنعين هذا قرارج..
لا اني ولا عاطف اخذتي رأينا..
دخلتي مموافقه..
طلعتي موافقه..
-يعني انتي شتسوين مكاني..
-ابقى عانس وماازوج غصب..
-لا تلوميني كافي افكر اشلون اداوم باجر عكبه..
-وليش عيوني..همات اجلي مااوصيج
-اي اجل لأن عاصم يداوم بمستوصف قريب على مدرستي...
-اشمدريج..
-مرتين شفته يطلع منه..
-يجوز صدفه..
-هيج دكولين...
-اي ديله تعالي ارتب ايدج واقدامج أكملهن..
ونسيت اكلج هل عاصم شفته من أجيت..
طلع من فرعنا...
-اي اعرف..هو مقهوره عليه..
-انقهري على نفسج..
رجال يعيش مجرد حبج من بعيد
فلا تتوقعين رح ينصدم..
-يارب ينساني كولي أمين..
-أمين يارب
بقت قمر ترتب بايدي واقدامي .تجهزني
..........ء
قمر....
فترة االبكلوريا اصعب فتره مرت علیه..
لآن آفکر بمعدل یوصلني كليه زينه...
صديقتي بلعداديه اسمها
أمل أقرب انسانه اليه...
محجبه" وخلوقه"مااعرف ليش صادقتها..
لأن هي من القله المحجبات"ولبسها عريض...
أو لأن اشوف بيها الانسان الي تمشي عكس المجتمع
بهل لبس...
اعرف نفسي دائما يعجبني الأشخاص
المتمردين على وضعهم....
هيج شفت بلبسها تمرد عن لبس أغلب طالبات..
افتقدتها فتره كل يوم أدور عليها...
اندليت بيتهم دلتني جارتهم...
الي بطريق سولفتلي
-تدرين هل امل  سباعيه
-ليش
-يمه اخذت اجازه مرضيه أسبوع
تريد تعرف مصير اخوها..
تفتر من سجن السجن...
-ليش انسجن
-لأن هو يشارك وي اصدقائه الطلبه بخدمة المواكب الحسينيه ومارجع...
-وشبيها هل مواكب...باوعتلي صفح..
-انتي وين عايشه ومتعرفين ألاخبار بنجف خو حتى بلراديو ذاعو الخبر.......
وصلتني للباب بيتهم وراحت
بيتهم يصير يم عكد اليهود..
بيت كلش بسيط بابه خشب بي يده حديد منها ادك
دكيت مرتين...
طلعت مريه بلأربعينات بيدها سبحه تسبح
لابسه حجاب أسود..وجها نوراني ألاول مره
ارتبك من انسانه بسبب ألتزامها..
-تفضلي بنتي أمر خدمه...
-خاله اسئل عن أمل...التفت يمنى يسرى
-أدخلي بنتي حياج الله.....
دخلت مقابل الباب برده
ومسلك بارد تمشي بي ست خطوات منها للحوش
الي مفروش بسجاد جوزي...
وصورة الأمام علي عليه السلام تتوسط الحايط
وسبحه چبیره معلکه.....
طلعت آمل من غرفه جانبیه..
-اهلا قمر نورتیني ....
إشكد أصيله لج اشجابج
-والله توحشتج وين هل غيبه...تباوسنا وكعدت..
-اشكرج قمر ملتهيه بأخوي..
تعرفين الوضع بل نجف
بعد أن صدر قرار من حسن بكر يمنع المشايه...
-أي وأنتي شعليج عادي
ورى الأربعين وروحي زوري
-ليش قمر وعقيدتنا هاي وماممكن احد يتعداها
لأن مضاره بشر...
اسنين واحنا انزور ونلطم"ونطبر...يجي شخص يمنعنا
ويفلش المواكب ويطشر الأكل...
-زين انتي غبتي ليش
الزياره وخلصت..
-غبت لأن اخذو اخوي عبدالله الي متعلم يخدم
من هو زغير وي المواكب..
-وهسه..
-هسه طلع من السجن هو وجماعته"
لأن مثبت عليهم شي...والبقيه...
-البقيه عدموهم اقري جريدة الثوره علنت اعدامهم
-زين انتي اشوكت اداومين..
-بعد يومين انشاء الله...
من هل حادثه قوت علاقتي بأمل
واستمرت الى أن
تخرجنا من العداديه...
هي طلعت طب بغداد...
واني معهد تنكلوجيا..مضجت برغم حلمي  كليه
لأن من  يسألني أي شخص أكلهم كليه..
برغم هل شي منفصلنا..
بقينا نتواصل كاأخوات...
تتكلم عن أخوها...
وكيف هو قدوتها...
وكيف يدرس
ويدير شغل والده..
صادف اول يوم دوام بيه...
ركبت باص الأمانه چان زدحام.
وخنکه من الشرجي"وطالعه بلاريوك...
فات رجال يبيع بقصم...
طلعت افلوس اشتري منه
واشوف عبدالله باب المعهد...
بيده كتب
هل ولد الي كلي غالي الله يرحمه...
لاتقتربين منه..
اي متاكده هو لان مجرد كبران عن شكله..
ماتكلمت وابتعدت هو شافني ظل يباع عليه..
افتريت عل قسم مالتي...
من الحر شفت الظل مالت الشجر
وكفت جواها.....
ارفع شعري
لأن جنت حالته بطوله.. تعرقت
لميته مثل الكعه بسبب الحر...
انداريت على صوت يصيح..
-من رخصتج أختي...ممكن كلمه..
-أتفضل بسرعه لان عندي محاضره...
-انتي تقربين ألبيت أبو غالب..
-أي بيت عمي...بعد
-زين معناها أنتي بنت شيخ جبار الله يرحمه..
فرحت أو اول غريب يكلي بنت شيخ..
-أي تفضل شتريد
-يعني حبيت أسلم اعرف غالي چان صدیق عمي
-وهسه شنو مطلوب...تركته ادخل للقاعه
وبقيت كل يوم أشوفه...
قررت ابيومها اذا هل سبوع اشوفه أتعارك وياه..
وصار بوجي...
-السلام عليكم..
-وعليكم السلام اعرف انت تعرف عمي..
بس ميجوز تتبعني....
ترى اقسم بالله..
تشوف وجهي الرجولي...أبتسم دون
-حلو المرأه الشجاعه..
-اذن لا تختبر المرأه الشجاعه فاهم..
ابتعدت منه وبيومها رادونا أجتماع كل الأقسام
لأن أخر مرحله...
ولي يطلع من الأوائل يكمل جامعه...
أو يدرس بلمعهد...
كعدنا ننتظر الأجتماع
الاچتماع برعاية اتحاد الطلبه
صعد رئيس الأتحاد يلقي التحيه والمقدمه الطويله
.بعد تعب..
دخلنا للقاعه
وبوراي دخل استاذ ..
كعدت تعبانه من هل أجتماع...
إنتجيت على ايدي
كوه كامشه روحي ردت أنام....
او نمت...
وسمع واحد يحاجيني
-ممكن سؤال...
رفعت راسي معصبه لان عبدالله
هو نفسه بلقاعه ...
التفت الطلبه تباع عليه لان عصبيه
-أنسه قمر إذا تعبانه أطلبي أجازه...
-لا لا اشوي لان حر....
كعدت خجلانه من نفسي
هاي أسبوع معنده وياه طلع يدرس هنا..
بجامعتنا...
أقصد معهدنا لأن جان بودي جامعه
بس تعرفين الحله مبيها كالو عود ديبنون بنايه للجامعه
خلصت المحاضره...
طلعت وراه اعتذر..
-أسفه استاذ عبدالله بس كنت أظن..
-شتظنين
-لا هيج..
-زين بلا ماتظنين
أمل إختي مسولفتلج عني"وعن طبعي
-اخو امل انت...
-اي اخوها ولسى حافظ شكلج من اجيتي البيتنا..
لأن شفتج بيومها...
-ها صدك شفتني..
-اي وهاي مو أول مره..
لان شفتج بلمكتبه من دنشتري
كتب...مكتبت المعارف...
-اي تذكرت..وشرفت بيك...ابتعدت منه
واني متحسفه على تصرفي وياه.
مااعرف اسمي اعجاب اكثر من حب
لأن مرت السنه
دون أن نتكلم سوه مجرد سلام..
الى أن بدت السنه الثانيه...
وحلمي بلجامعه وياي
لازم اكمل قبل لا اتخرج..
عبدالله اختفى فتره صادف بداية الثمانين..
شهر الاول
كلشي بدا يتغير..
كل مره عبدالله يعتقل فتره ويرجع...
ومن يجيبون أسماء
أنو شخص أنعدم اخاف عليه
بيومها اجى وجه تعبان
كل مره الطلاب يجتمعون يمه يسوولفون وياه..
ويخلصونها ضحك"نقاش"تبادل كتب
بهل فتره...
لا يكعد وحده...
مجرد سلام من بعيد يسلمون عليه..
لأن الناس تخافه..
التجمعات الطلابيه خفت اقل من قبل..
اتامل عبدالله ملامحه النازكه...
جسمه متوسط لا سمين ولا خشن....
لحيته الي القله تسوي لحيه...
بيده كتاب يقراء بيه
تقربت منه واشوف يقراء
شعر المتنبي الكتاب مفتوح  داخله ورقه زغيره
من شافني سداه...
-تفضلي انسه قمر...
-اشكرك....فركت ايدي جريت نفس...
-ستاذ عبدالله ولو فضول مني
لكن اتمنى تخبرني
لويش كل فتره يحققون وياك..
يعني شنو القانون الي تجاوزته بهل دوله..
-ماكو اي قانون اجاوزته
مجرد شخص يحب عقيدته
ويحترم علمائه
-ليش ادخل نفسك..
-شوفي امل أسنين احنا بلعراق
كل طوائف عايشه بسلام وأمان...
هل شي مصرف ألهم.
.شافو هل بلد يحب علمائه
يحب شيوخه"ويقدس شي اسمه متدين..
ودليل الملوك..وعبدالسلام عارف"وحسن بكر
لازم يرحون للنجف يسألون عن علمائنا..
هاي الحكومه الجديده..
تريد تكون هي الافضل والاوحد..
منو قصدك..
-المسؤل عن جهاز حنين..نفسه الشخص
-زين هو حزب البعث حلو شعاراته وطنيه"قوميه
-اي ولااستاذ  لاوطني ولا قومي..
لان يخاف من الأنقلاب
خلى العراق يملك ثالث جهاز مخابرات بلعالم
تشتغل الأجله"والاجل بقائه
لأن صفى العناصر الوطنيه بهل جهاز
عناصر خارج العراق
منهم وزير الدفاع التكريتي
اغتاله وهو بلكويت..
يعني يعرف شلون يصفي خصومه
قتل انزه الناس دينيآ"
شيخ ألسنه عبد العزيز السامرائي..
عدم علماء الشيعه
عدم قادة الشيوعيين
والبقيه صارو يخافون
صارو معاه..
عدم اليهود بساحة التحرير"والبصره..
صادر املاكهم..
-بس هو بعثي
-هههه حقبة البعث انتهت رسميا" بتاريخ 16 تموز 1979 بحادثة قاعة الخلد الدموية
صفى كل شخص يعترض على قرارته
ومنها المقامرة بشعب..
فا انتهى حزبالبعث باعدام درويش البعث الطيب
-شنو سبب اعدامه متعرف
-لأن رفيق حزبي ميقبل بتبذيرهم
يركب باص أمانة بغداد..
مااعنده سياره خاصه
وعتبر تصرفه اهانه يحرج القيادة...
لأن يريد كل أعظاء حزبه مترفين أغنياء..
حاله حاله التجار الفيليين"واليهود"الشيعه
كل اسواق الشورجه"وجميله الهم..
وبساتين الدجيل
يبدي بتصفيتهم بحجج واهيه..
-متخاف على نفسك..
-لا اكيد الخوف موجود
بس المبداء اقوى
منريد شي منه بس يتركنا نمارس شعائرنا بحريه
-دتخوفني عليك..كلتها وخجلانه
-اذن يمج حلين هسه...
اني معجب بيج
بحكم حرمة الكلام...
اريد اخطبج تقبلين..
-اي..
-خريج سجون...شنو رأيج
-لا لا تذكر هل شي لان مثابت عليك شي
-اي مجرد تحقيقات لأن صدقآ ماانتمي الاي حزب
حتى والدي من جان بلحزب الأسلامي
مجنت راضي عنه..
-ليش..
-لان الحزب يجردك من مبادئك المبادئه..
الأنسان يكون حر بتصرفه"
-مثلي مااحب احد يحكمني..
-اليوم اجي اخطبج..
-هيج ابسرعه..
-اي لان مجاي نظمن شيصير
واني اريد اكمل دراسات
وانتي همات مو..
-اي حلمي الجامعه....
بيومها كعدنا أني وعمتي هند"وغريم
كعدنا انلف كليجه...
العصريه اجوي ناس شيوخ"وأفنديه...
عمي من شافهم"
وغالب"وعاطف نعجبو بيهم
وبهيبتهم...
خصوص هم من الدجيل..
ناسها ملاكه "ولد عشاير..صارت الموافقه
ورى يومين صارت الخطبه
فرحانه لكيت شبيهي...
احلى خطبه...عقدنا عقد شيخ..
كام عبدالله وهو يبوس راسي...
اشوف اخته اقربائه كلهن محجبات..
فقررت ألبس واسويها مفاجأء
داومت اخر يوم...واني البس الحجاب..
شافني عبدالله وهو فرحان...
-احلى مفاجأه من احلى بنيه بكل الحله..
زواجنا بلقريب حبيبه شدكولين
-ابكيفك