انتبهوا✋قبل فوات الاوان 😞

الحلقه ٢🌹

السلام عليكم اخواتى واحبتى ❤️ موعدنا مع قصتنا اليوميه ( قبل فوات الاوان)❤️ ويلا نصلى ع الرسول 🌹 وندخل ع قصتنا ع طووووول 🥰

الحلقه ال (٢)🌹

#قبل_فوات_الأوان
#جيهان_سلامه_البارودي
#محبه_الرحمن

فى شركة اسامه.....

اسامه دخل الشركه وهو  متعصب ومكشر
وقعد على مكتبه وهو بيستغفر..... 😠

استغفر الله العظيم
انا كان مالى ومال الجوااااز.......انا مش عارف اتسرعت على ايه😠 ولا ده ذنب المسكينه اللى ظلمتها  معايا وافتريت عليها😞

زمايله داخلوا عليه المكتب ....

اسماعيل: السلام عليكم......ايه يا بنى مالك بس على الصبح......صوتك واصل لأخر الطرقه وانت بتكلم نفسك

باسم: ايه يا عم اسامه....انت هتعقدنى من الجواز ولا ايه
ده انا لسه بفكر وبقول يا هادى
وعمال ادور على عروسه تكون بنت حلال علشان نفسى استقر بقا و ادخل دنيا زيكو

بس بعد ما سمعتك وشوفت منظرك ده
لاء يا عم خلاااااص..... رجعت فى كلامى ومش عاوز اتجوز......هو انا ناقص نكد

اسماعيل بهزار: الله يسامحك يا عم اسامه...كده عقدت الواد
ده انا ما صدقت انه اخيرا هيتهد ويتجوز
تقوم تخليه يتقعد كده....روح يا شيخ الله يسامحك 😃

اسامه بنرفزه: بقولك ايه انت وهو😠
انا مش ناقص هزاركم البايخ ده ع الصبح
وكفايه إللى الواحد فيه

باسم شعر بإلاحراج ....وغير الكلام
طب انا رايح الكافيه تحبوا اجيبلكم حاجه معايا تشربوها

اسماعيل فهم انه زعل : اه الله يخليك يا بسوم
هاتلى معاك قهوه علشان اظبط دماغى
هتشرب حاجه يا اسامه

اسامه: لاء ...مليش نفس😠

اسماعيل: تمام ....هاتلوا قهوه معنا

اسامه بعصبيه: ما قولتلك لاء....مش عاوز اشرب حاجه 😠

اسماعيل: يا عم ملكش دعوه بيه وهات انت بس القهوة

باسم: تمام........وخرج

اسماعيل جرى على الباب وقفله ...وبص لاسامه بزعل....
ايه يا اسامه ...مالك كده متعصب ع الصبح
إهدى كده ووحد الله يا راجل...ده انت كسفت
الواد حتة كسفه ......حرام عليك يا اخى
ده الواد  لسه جديد معنا فى المكتب من شهرين
ومخدش علينا اوى يعنى علشان تحرجه كده

حاول تهدا شويه وبلاش نرفزتك دى تطلعها على حد فينا.....احنا مش ناقصين🤨

اسامه نفخ واتعصب😤: بقولك ايه يا  اسماعيل
اطلع من دماغى الساعاتى انا مش ناقصك انت وهو😠

اسماعيل: طب انا  وبستحملك علشان صاحبى من زمان وعارف إن قلبك طيب ....لكن ده ذنبه ايه تكسفه معاك كده