انتبهوا✋قبل فوات الاوان 😞

الحلقه ال٦🌹

السلام عليكم اخواتى واحبتى ❤️ موعدنا مع قصتنا اليوميه قبل فوات الاوان 😞 ويلا نصلى ع الرسول 🌹 وندخل ع قصتنا ع طووووول 🥰

#قبل_فوات_الاوان
#جيهان_سلامه_البارودى
#محبه_الرحمن

الحلقه ال ٦🌹

داليا خلصت شغلها وراجعه على البيت
وبتكلم توفيق فى الموبيل......

بقولك ايه يا سى بابا.....اوعى تتأخر عليا زى كل مره
..................

لاء طبعا مش هاكل إلا لما تيجى
بس اوعى انت تكون كلت من غيرى
ده انا اخاصمك فيها وربنا😠

........................

طب خلاص يا حبيبى مستنياك ...انا خلاص اهو قربت على البيت..........وبصيت واستغربت
ايه ده🤔
دى عربية ايمن واقفه قدام العماره.....هو قال لحضرتك انه جاى ولا ايه

...................

ااااااااه ....علشان كده 😏
طب حاضر هقوله يستناك.....سلام يا توتو واوعى تتأخر على دودو حبيبتك 😁

داليا قربت من عربية ايمن وخبطت على الازاز
وابتسمت......ايه المفاجأة الحلوه دى😊

ايمن كان بيتكلم فى الموبيل ...وانتبه ليها وابتسملها وشاورلها تستنى 🤌.....وبعد شويه خرج من العربيه........وسلم عليها

ايه يا بنتى التأخير ده كله... ده انا بقالى ساعه واقف قدام العمارة مستني حد فيكو يجى

ودخلوا العماره وطلعت مفتاحها من الشنطه
طب مدخلتش ليه .... مش انت معاك المفتاح

ايمن بزهق: انا عارف بقااا راح فين.....شكله ضاع

داليا: ماهو انت اللى غلطان ...متصلتيش بيا ليه وقولتلى انك جاى... كنت استئذنت وجيتلك

ايمن: راح عن بالى إنى اتصل بيكى...ده انا زهقت من القعده فى العربيه

داليا: اصل كان عندى انهارده الحصه الاخيره
وبابا ااا
ايمن قاطعها
عارف عارف........بابا عند مى .....ما انا كلمته قبل
ما اجى

ودخلوا الشقه......

داليا حطيت شنطتها على السفره ....بس ايه يا ابنى الغيبه دى كلها.....طب حتى اتصل واطمن علينا

ايمن : مشاغل والله يا دودو... اخوكى مسحول فى الشغل

داليا: ربنا يعينك..... وسهام والولاد عاملين ايه
دول وحشونى اوى

ايمن بص فى ساعته وكان متوتر...كويسين الحمد لله.... بيسلموا عليكم

داليا لحظت التوتر اللى هو فيه : فى ايه يا ايمن مالك كده واقف مش على بعضك..... ما تقعد

ايمن: اصلى مستعجل و عندى كام مشوار مهمين
المهم ....هو انتى كلمتى بابا انهارده

داليا: اه...لسه مكلماه قبل ما اشوفك على طول