انتبهوا✋قبل فوات الاوان 😞

الحلقه ال ٢٥ 🌹

السلام عليكم اخواتى واحبتى ❤️ موعدنا مع قصتنا اليوميه قبل فوات الاوان 😥 ويلا نصلى ع الرسول 🌹 وندخل ع قصتنا ع طووووول 🥰

اللهم تقواك 🤲 العمل في رضاك 🤲

#قبل_فوات_الأوان
#جيهان_سلامه_البارودي
#محبه_الرحمن

توفيق نزل من شركة خالد  وقلبه مكسور من اللى شافه وسمعه💔 وحزين على بنته ومش عارف يقولها ايه😞

وماشى سرحان وبيكلم فى نفسه......وبتنهده طالعه بوجع قلب.....
وبعدين يا توفيق😞
هتسيب عيالك كده....وبيت كل واحد بيتخرب ورا التانى.......لا حول ولا قوة الا بالله 😞

طب ذنبها ايه  المسكينه اللى ما صدقت انها اخيرا هتفرح  ويبقى ليها زوج و بيت زى اخواتها

ذنبها ايه تنكسر فرحتها قبل ما تبدأ ..
وبص للسما.......يارب🤲
يارب  انت المعين وقادر تغير الأحوال لأحسن حال😞

وفضل ماشى يكلم فى نفسه.....سمع صوت بينادى عليه...وعربيه وقفت جنبه....سيادة المستشار
يا سيادة المستشار..... توفيق بيه

توفيق انتبه ولف للصوت......مين

نزل رجل من العربيه وقرب منه... وسلم عليه بعشم وحب🤝
ازاى حضرتك يا سيادة المستشار😁
ده انا عمال انادى عليك . .مش سامعنى ولا ايه

توفيق: معلش مش واخد بالى

ليك وحشه والله يا سيادة المستشار ...فينك من زمان.......وعامل ايه بعد المعاش

توفيق استغرب:الحمد لله...بس هو حضرتك مين الاول

شكلك لسه  مش فاكرينى...انا عطيه
عطيه ابو زيد...زميلك فى وزارة العدل😁

توفيق افتكره :ياااا...عطيه...فينك من زمان يا راجل
وسلم عليه وحضنه🙂
ده انا كان نفسى اعرف عنوانك من زمان واجى اعزيك فى المدام.....البقاء لله

عطيه:الدوام لله يا سيادة المستشار...والحمد لله على كل حال...بس الموضوع ده بقالوا يجى سنتين

توفيق: اه.....ما انا عرفت من مدام امال بالصدفه شوفتها مره  هى وجوزها فى مطعم  وسلمت عليهم وسألتها عليكم......قالتلى الخبر ده...واتصلت بيك علشان اعزيك..كان  مقفول على طول

عطيه😔:ايامها مكونتش عايز اكلم حد ...ونفسى اتسدت عن الدنيا كلها...بقيت شبه عايش ...وكنت بتمنى الموت فى كل لحظه ....هقعد فى الدنيا لمين
لا عندى ولد ولا بنت علشان اتونس بيهم وينسونى همومى

توفيق ضحك جواه بتريقه وكلم نفسه
.دينسوك همومك....واتنهد....قصدك يشيلوك همومهم😞

المرحومه فراقها اثر فيا اوى يا سيادة المستشار
وموتها كان مفاجاءه..... واخدت اجازه من الشغل
وقفلت على نفسى  ومكونتش عاوز اشوف ولا اكلم حد....واهو الحمد لله على كل حال...فتره وعدت