السلام عليكم اخواتى واحبتى ❤️ موعدنا مع قصتنا اليوميه 🌹 ويلا نصلى ع الرسول 🌹 وندخل ع قصتنا ع طووووول
اللهم ارزقنا تقواك والعمل فى رضاك 🤲
#قبل_فوات_الأوان
#جيهان_سلامه_البارودى
#محبه_الرحمن
فى منزل مى
مى صحيت من النوم على صوت عياط ابنها
وبصيت فى الموبيل وهى مش قادره تفتح عينها من النوم
وشافت الساعه ٨ ونص😳وقامت مفزوعه😲خاااااااالد
قامت تجرى على اوضة النوم ملقيتش خالد
نايم فيها واستغربت🤔
ايه ده.....هو خالد مشى ولا ايه
وسمعت صوت التليفزيون شغال وخرجت تشوفه فى الريسبشن
لقيته نايم على الكنبه و الاطباق محطوطه على تربيزة الانتريه وفيها بواقى الاكل
وبتحاول تفتكر🤔
ايه دااااا.....هو انا قومت حضرتلوا العشا امتى🤔
وقربت منه تصحيه وهى خايفه من رد فعله لما يعرف الساعه
وحطيت ايديها على كتفه...وبصوت واطى وخوف😟
خالد....خالد إصحى.... الساعه بقيت ٨ وااااا
ونص......قوم يلا علشان تلحق شغلك
خالد فتح عينه......انتى قولتى كااام
مى بتبلع ريقها من الخوف.....٨...وااا...نص😟
خالد اتفزع وقام بسرعه ..... ٨ ونص😠
ااااه...ماهو طبعا سيادتك اكيد لسه صاحيه من الغيبوبه اللى كنتى فيها من امبارح 😠
ودخل الحمام ورزع الباب وراه
مى اتفزعت من رزعة الباب .. وقربت من الحمام
غيبوبة ايه بس يا خالد....اومال مين يعنى اللى حضرلك الاكل ده
خالد بزعيق من الحمام😠
انا اللى حضرته لنفسى يا ست هانم 😠
طبعااااا....ما انتى مش حاسه بنفسك
مى: والله يا خالد غصب عنى 😔
اعمل ايه بس...ولادك مش بيناموا بسهوله
انيم ده ...التانى يصحى...وارجعه انيمه
الاتنين يصحولى ....وطول اليوم على كده
ده غير الذن بتاعهم طول النهار😩
ودول تؤام يا خالد...يعنى تعب زياده وقلة نوم
دى اللى معها عيل واحد بتشتكى من التعب وقلة النوم😟
ودول اتنين ..ما شاء الله يعنى ربنا يحفظهم
خالد فتح باب الحمام وكلمها بنرفزه😠
وهو انا يعنى هحسد عيالى علشان تقوليلى ما شاء الله
مى : لاء والله مش قصدى كده خالص
انت فهمتينى غلط😔
خالد بنرفزه: قصدك بقا ولا مقصدكيش 😠
واوعى من وشى خلينى البس و اروح شغلى اللى شكلى هترفض منه على ايدك انتى وعيالك
وجرى على الاوضه يلبس 🏃
مى دخلت وراه وبتحاول تصلحه ..طب هحضرلك الفطار بسرعه
خالد بتريقه: فطار😏
لاء يا حبيبتى متتعبيش نفسك انتى وادخلى كملى الغيبوبه اللى كنتى فيها من امبارح
قال فطار قال😏
طب مش لما تبقى تحضريلى العشا الاول يا ست هانم
ولا تحطى اكل يفتح النفس فى التلاجه ....على الاقل لو رجعت زى كل يوم ولقيتك نايمه الاقى حاجه عدله اكلها
مش اكله بقالها يومين تلاته لحد ما قربت تحمضوتعفن😠
أنت تقرأ
انتبهوا✋قبل فوات الاوان 😞
Mystery / Thrillerقصه اجتماعيه ..بتناول فيها كالعاده حياتنا الاجتماعيه اللى هنلاقى زيها كتير فى حياة كل واحد فينا ...واتمنى الرساله اللى فيها توصل وتعملوا بها.......بس😞 قبل فوات الاوان 😥 فنتظرونى انهارده بإذن الله الساعه ٩ مسااااء ❤️ انتظرونى بذكر الله ☝️ والصلا...
