انتبهوا✋قبل فوات الاوان 😞

الحلقه ال ٣٢ 🌹

السلام عليكم اخواتى واحبتى ❤️ موعدنا مع قصتنا اليوميه قبل فوات الاوان 😞 ويلا نصلى ع الرسول 🌹 وندخل ع قصتنا ع طووووول 🥰

اللهم تقواك 🤲 وجنتك ورضاك 🤲

#قبل_فوات_الاوان
#جيهان_سلامه_البارودى
#محبه_الرحمن

فى شركة خالد....

خالد فى مكتبه بيشتغل.......والباب خبط

الساعى....باشمهندس خالد
البشمهندس على مدير الشركه عاوز حضرتك فى مكتبه ضرورى

خالد: اكيد علشان الرسومات...ثوانى واكون عنده

وخرج الساعى وقفل الباب

خالد لف الرسومات ....ولبس جاكته ولسه هيخرج

فجاءه صورتها جت فى باله وحس بحنين واشتياق ليها....وبص لتليفونه شويه.......واتصل

الو......وحشتينى اوى على فكره ❤️

مى: مش اكتر منى على فكره 😊
هتصدقنى يا خالد لو قولتلك انى كنت هكلمك دلوقتى حالا

خالد: هصدقك يا قلب خالد ❤️وحشتينى اوى
يا مى وهاين عليا اسيب الشغل واجيلك حالا
ولا هاجى الاقيكى نايمه زى زماااان😠

مى: لاء متخافش.. صاحيه وفايقه اوى كمان
ده شربلك يجى لترين قهوه😀

خالد: 😄

مى: اصلى انا منمتش من ساعة ما انت مشيت والحمد لله الولاد ربنا هديهم وناموا لحد ما خلصت كل اللى ورايا.......بس متتأخرش انت بقا علينا

خالد: لاء مش هتأخر ....انا هقفل معاكى دلوقتى وهدخل للمدير اشوفه عاوز ايه....وبالمره هاخد
اذن وامشى بدرى....اصل وحشتنى القعده معاكم
وحاسس كده انى مش عارف اكمل يومى من غيركم
وبالذات لما بقعد العب مع القرود ولادنا 😀
دول طالعين دمهم خفيف اوى يا مى

مى: طبعا يا حبيبى ...طالعين لامهم 😁شربااااات

خالد: طبعا يا حياتى...وهو ايه اللى لفت نظرى ليكى الا خفة دمك اللى زى السكر دى😄

مى: خفة دمى بس 😠

خالد: قصدى يعنى......بعد جمالك طبعا 😀

مى:ايوه كده اظبط كلامك يا حبيبى.....خلاص هستناك... وهعملك حاجه حلوه كمان علشان الكلمتين الحلوين دول😊

خالد:يا سيدى ياسيدى على الدلع 😀ايوه كده
هى دى مى حبيبتى

مى: خااااالد 😠امشى يا حبيبى وعينك فى الارض
لا تبص شمال....ولا تبص شيرين.....قصدى يمين 😠
سااااامع😡

خالد 😀 لاء يا قلبى اطمنى خاااالص....انا بعد اللى حصلى ده بقيت لا اسمع لا ارى لا اتكلم🙉🙈🙊 غير معاك انت وبس يا جميل 😀

مى: شاااااااطر😀استنى اشوف مين بيتصل
دى ولاء بتتصل بيا
اكيد بتأكد علينا عزومة انهارده ....ما هو اشرف مصمم يرد العزومه بتاعتك يوم الصلح