#الفصل_التالت
#رواية_أحفاد_البارون
#بقلم_إيمان_جمال
*************************
شريف قفل مع ليل بعد ماعرف إنها خلاص وافقت ورجع القصر عالغدا والكل متجمع
البارون باردوا بيسأل عن ليل: بلغ ليل إنها تقطع أجازتها وتيجي
شريف بيبص على فهد وإتكلم: هي كلمتني من شوية وقالت إنها موافقة عالشغل هنا
فهد بياكل في هدوء وأدهم هيموت ويعرف هو ساكت وهادي ليه كدا
البارون بص على فهد: طب تمام اوي وهتيجي امتى؟
شريف: يومين كدا ولا حاجة
فهد خلص أكله وبص لعمته: عمتو خليهم يجيبولي القهوة في الجنينة الخلفية
فهد قام من عالسفرة وبعد دقايق أدهم خرج وراه، فهد واقف جمب الكلب بيلاعبه وأدهم واقف وراه وهو عارف انه هيجي وراه
فهد من غير مايبصله: عاوز تقول إيه يا أدهم؟
أدهم قرب عليه: إيه اللي انت بتفكر فيه يافهد
فهد بصله: أنا مش بفكر في حاجة
أدهم بغضب: لا إنت بتفكر ماهو مش معقول هتعدي موضوع الممرضة دا كدا عادي
فهد: وفيها إيه؟
أدهم: يعني عاوز تفهمني إنك هتسمح للبارون يعمل حاجة انت مش عاوزها؟
فهد بعصبية: لا عاش ولا كان اللي يعمل حاجة أنا مش عاوزها
أدهم: طب ماتقولي ناوي على إيه
فهد بعيون كلها شر وإنتقام: هتبقى تعرف في وقتها
أدهم بغضب: لا عرفني دلوقتي
صباح جات بالقهوة: إتفضل
فهد أخد القهوة منها: بلغي الشباب إن فيه تمارين كمان ربع ساعة
صباح بإحترام: حاضر
صباح دخلت بلغتهم وبدأواي يجهزوا
أدهم: إنت ناوي تطلع غضبك وعصبيتك فيهم؟
فهد بص لأدهم بغضب: بقولك إيه يا أدهم بلاش كلامك دا عشان انا مش ناقص
أدهم: حاضر يافهد انا هسكت خالص بس خليك عارف إني مش راضي عاللي انت بتعمله دا ياصاحبي
أدهم ساب فهد ودخل جوا وبعد ربع ساعة الكل اتجمع في أوضة الرياضة حتى أدهم بس مش هيتمرن معاهم
شريف: إيه يا أدهم مش هتتمرن؟
أدهم: لأ كفاية فهد عليكم
البنات قاعدين سوا وآيه عاوزة تاخد الدفتر بتاعها من أدهم بس مش عارفة ازاي
آيه للبنات: بقولكم إيه أنا عاوزة مساعدتكم في حاجة
ملك: استر يارب في ايه؟
آيه: عاوزة ادخل الجناح الغربي
هاجر بصدمة: بتقولي إيه ياختي اذا كنت انا معملتهاش
آيه: اتصرفوا انا لازم اخد الدفتر بتاعي
سارة: إنتي عارفة يا آيه إن مش هينفع
آيه: طب والحل إيه
ملك: الحل إن مثلا أبيه أدهم يجي رايح الشغل ونحاول نفتح الشنطة
آيه: ازاي بقى ياختي افرضي ان الدفتر في الأوضة
هاجر: انا عاوزة افهم انتي عاوزاه في إيه ماهو كدا كدا قرأ اللي فيه
آيه: معرفش إتصرفوا
سارة: مش مهم بقى يا آيه عشان مش هنعرف ناخده
آيه سكتت بس باردوا عاوزة تاخده
في ڤيلا أخرى تخص عيلة الصياد
سالم الصياد (الإبن الأكبر لفتحي الصياد، سنه ٥٠ سنة شخص قاسي جداً وبيكره عيلة البارون)
مصطفى(أخوه الأصغر): كفاياك عداوة بقى يامصطفى وخلينا في حالنا
سالم: لا لازم نكون أحسن منهم
مصطفى: بقالك سنين بتقول عاوزين نكون أحسن وهما اللي على طول في المركز الأول في كل حاجة
سالم بشر: لازم اعمل أي حاجة عشان العيلة دي تتفكك بدل ماهما كلهم إيد واحدة كدا
مصطفى: هتعمل إيه أكتر من اللي إنت عملته زمان مش كفاية إنك السبب في موت أكمل البارون
سالم: هو أنا يعني إرتحت ماهو إبنه طلع أقوى منه ومستولي عالسوق كله
مصطفى: وأهو دا يأكدلك إنك تفضل بعيد عنهم عشان مهما تعمل هتلاقي الأقوى
سالم: لا وهفضل وراهم لحد ما أخلص منهم واحد ورا التاني
أنت تقرأ
أحفاد البارون (الجزئين)
Dragosteقلب قاسي لم يعلم الحب كيف السبيل لقلبه المتعجرف؟ يعيش حياة مليئة بالقيود التي وضعها بنفسه فهو الحفيد الأكبر للبارون، فهو أكبر رجال أعمال في مصر والشرق الأوسط من هو هذا الأحمق الذي يجرء على الوقوف أمام أحفاد البارون؟! أخذ من طباع جده القسوة والقوة...
