قبل ماتقرأوا ادخلوا اشتركوا بقى بلييييييييز انا تعبت بجد في الحلقة وكتبت فيها مشاهد جميييلة اووووووووووي
ومش الاخيرة😂😂
ياجماعة اعذروني والله انا مشغولة غصب عني وعروسة 😂😂.......
#الحلقة_٣٤
#رواية_أحفاد_البارون_ج٢
#بقلم_إيمان_جمال
سيد اخد سلمى وركبها العربية وساق بيها وهي بتبصله اوي
سلمى: مش هتقولي بقى حصل ايه
سيد بصلها وابتسم: اللي حصل ان الجاسر كان حاسس من الاول ووقعني
سلمى ضحكت: الله عليك يابابا، طب وصلني الشركة عنده
سيد: حاضر
سيد وصلها لحد الشركة وطلعوا سوا فوق لمكتب جاسر والسكرتيرة سمحتلهم يدخوا وكان الفهد جوا، سلمى اول مادخلت جريت على أبوها اللي استقبلها بكل حب وحنان وحضنها
سلمى: حبيب قلبي انت والله
جاسر ضحك: والله انتي بكاشة ذي امك
فهد ضحك وبصله: طب خاف بقى عشان هقول لنور
جاسر بصله وضحك: ابوس ايدك مش ناقص جنان
سلمى خرجت من حضن ابوها وبصتله: بحبك اوي يابابي والله
جاسر باس راسها: انا اهم حاجة عندي هي سعادتك يابنتي
جاسر بص لسيد: بص بقى اللي هيتقال دلوقتي هيتنفذ بالحرف
سيد بقلق: خير يارب في ايه؟
جاسر بص لفهد: اتكلم انت بقى
فهد بص لسيد: اقعد
سيد قعد وسلمى هي كمان قعدت جمب أبوها….فهد: بص ياسيد دلوقتي من ولادة سلمى واحنا متفقين ان كل الولاد هيكونوا في الڤيلا بتاعتهم
سيد: بس
فهد: ماتقاطعنيش اسمع للآخر، انا بقولك كدا عشان اقولك ان مكانكم مع الباقيين في الڤيلا وهتكونوا عيلة واحدة وايديكم في ايدين بعض وغير كدا مش هيحصل
سيد بحزن: بس انا كدا مش هكون مرتاح
في اللحظة دي ناجي وصل ودخلهم وقعد قصاد سيد
فهد بص لناجي: اتفضل قوله انت عملت ايه الفترة دي
ناجي بص لسيد: من يوم ما اتجوزت سارة وانا اخدت قرار ان اكون في شقة ملكي ومن حقي بس دلوقتي انا بقيت معاهم في القصر ودا قراري ومش ضاغطين عليا فبقولك يا ابني دا اختيار كويس اوي صدقني كلنا لما نكون سوا هنبقى مرتاحين وبعيد عن أي قلق
سيد: بس انا كنت عايز ان ليا يكون بيتي من فلوسي
فهد ابتسم وقاله: اعتبر ياسيدي انك جبت البيت
سلمى بصت لسيد: خلاص بقى وافق
ناجي ضحك وبص لجاسر: الحق بنتك مستعجلة
سلمى بصتله بكسوف: ايه ياعمو بقى
جاسر ضحك: انتي خليتي فيها عمو ياختي اتنيلي
سيد ضحك: انا موافق تمام بس انا محتاج اقول حاجة
فهد: ايه؟
سيد: مش عايز احس ان الغلطة اللي عملتها هتفضل نقطة سودا في حياتي يعني دكتور أمير لما عرف بحبي لسلمى فكرني بالغلطة دي فأنا مش عايز كدا مش عايز في يوم احس انهم خايفين مني ومش واثقين فيا
جاسر: بص انت لو ماكنتش قولت كدا كنت فعلاً شكيت فيك بس لا احنا طالما دخلناك هنا يبقى احنا واثقين فيك جداً
سيد ابتسم وبصلهم: انا فعلاً محظوظ عشان في وسطكم
فهد: ايه رأيكم نعمل خطوبة بكتب كتاب والفرح بعد الامتحانات
جاسر: وانا موافق بس الباشا سيد يتفضل بقى يشرفنا الليلادي ويجي يطلب ابنتي المصون
سيد ضحك اوي: انا هيطلع عيني ولا إيه
فهد قام ووقف جمب سيد: ماتقلقش انا هبقى معاك
سيد ابتسم: حبيبي والله
جاسر قام وبصلهم بثقة: تمام انا مستنيكم تشرفوني بقى
ناجي ضحك: انا مش مطمن والله
سلمى بصتله: ولا انا
أنت تقرأ
أحفاد البارون (الجزئين)
Romanceقلب قاسي لم يعلم الحب كيف السبيل لقلبه المتعجرف؟ يعيش حياة مليئة بالقيود التي وضعها بنفسه فهو الحفيد الأكبر للبارون، فهو أكبر رجال أعمال في مصر والشرق الأوسط من هو هذا الأحمق الذي يجرء على الوقوف أمام أحفاد البارون؟! أخذ من طباع جده القسوة والقوة...
