الشيعي و السنية
الجزاء الثاني
بقلمي عاشقة القراءة
........................
عدلت نومتهة. وفزت باوعت علية وتوترت حجت بصوت مبحوح اثر نوم ... عمو شتريد مني
فركت وجهي بتوتر ... ماريد شي بس نامي عدل لا تتاذة اركبتج
هزت راسهة وصدت عني ودنت نامت علة طارف لجرباية من شافاتني نايم يمهة شكد ضجت ليشوفهة. يكول هية لمجبورة
ماهتميت صديت عنهة ونمت.
.............
في الصباح
بيت كرار وفاطمة
ميمي ... مااامااا
فاطمة بفزع .. هاااا ماما
ميمي ... دولي حسون يدلبني (كولي لحسون يضربني )
فاطمة بضجر ... اويلي على حسون راح يجلطني
كعد كرار علة صوت بجي ميمي حجة بصوت مبحوح اثر لنوم .... هااا بابا شبيج
راحت بتجاة ابوهة وهية تبجي شالهة وخلاهة بحضنة مسح دموعهة وباسهة
شبي حسوني وياج
ميمي برائة .....يدلبني
كرار باوع لحسين الي جان كاعد يباوع عليهة بغضب ... شبيك وياهة
فاطمة ... كرار شوف شلون يعكد حاجبة من يعصب مثل حركتك
حسين بجة ... باابا ادول ماهبك احب عمر
كرار ... وعلة هاي كتلتهة
حسين .. اي ليث تهب غيلي اني ماليت تهب غيلي
كرار جر نفس بهدواء وزفرة وحجة وية حسون ...
حسون بابا ميصير تضرب اختك هيج راح تخليهة تكرهك ومتلعب وياك بعد بس وية عمر لان عمر ميضربهة ويحبهة
حسون بصياح ... بث انيييي ماليت يحبهة هية احتي اني بث اني احبهة
كرار ضحك علة نفعال ابنة لطفولي وحركاتة من يحجي محروك كلبة من غيرتة علة اختة .....هههههههه كافي بابا تعال اكعد يمي خل اسولفلك
اجة حسون كعد بحضن ابو وباوع ل ميمي بزعل وصد عنهة كرار خرب ضحك علة حركاتهم
بوسهم وبدة يحجي وياهم بهدواء
شوفو بابا انتو اخوان ميصير هيج تتعاركون وانت حسون لمفروض تحمي اختك ومتخلي احد يضربهة مو تجي انت تضربهة وتزعلهة منك وتخليهة تكرهك
حسين بجة ودنك راسة بطفولية
كرار مسح دموعة ورفع راسة خلا يباوع بوجهة
عيب بابا لتبجي علة اي شي انت رجال لازم تصير سبع وتحمي امك واخواتك ومتخاف بس من رب لعالمين
