الجزء الثاني
الشيعي ولسنية
بقلمي عاشقة القرائة
ــــــــــــــــــــــــــــــــــــــــــــــــــــ♡«♡»«♡»«♡
امير اريد انام ماكدر خلصت ليل اتگلب وروحي مخنوكة تعودت علة وجودهن بلغرفة وهسة احس بفراق جبير تصلت عليهة. يرن ومترد
مانمت للفجر وكعدت ب ٨ علة صوت تلفون يرن شفتة احمد اخو شمس رديت بسرعة
.. الوو
احمد.... هلة امير شلونك
امير... هلة حمود زين الحمدلله انت شلونك بنتي شلونهة ليش ادك علة شمس متجاوب
احمد... والله بخير بس دكيت اكلك بنتك تخربطت بليل وهسة ابوي راح. ياخذهة لدكتور بس كال اخبرك حتة تعرف
امير بخوف. احمد شبيهة ملاكي شلوووون تخربطت شمس وين عنهة
احمد.... مدري رضعت وكامت تتغياء فجئا
امير.... خليي ينتضر اني اعرف دكتور. صديقي اخذهة علي هسة ربع ساعة اني يمكم
احمد... خوش منتضريك
امير سديت لخط ويا وبسرعة بدل وغسلت وطلعت للسيارة وجهي مامنشفة من كد مامخبوص
وصلت بيت لشيخ بخمس دقايق نزلت دكيت الباب شوي وفتحليا ولد يطلع عمرة ١٨ سنة كتلة واني مخبوص وين شمس وبنتي
اسلم.. هاي جوة تفضل اكعد بلمضيف بين ماصيحهن
امير. بنفاذ صبر...... ماريد اكعد صيح شمس خلتجي اودي لبنية لتنشمر يصير بيهة شي
اسلم.. بس لحضة ودخل للبيت يصيح. عمة شمس زوجج برة يناديج
امير .. عمة هية ليشوفهة يكول بنتة لصغيرة نتضرت شوي وطلعت شمس مورمة عيونهة بجي وشايلة ملاك بيدهة
........
شمس تخبلت شبيهة بنتي بس تتقياء وبدت تختنك
شلتهة وركضت لغرفة ماما هجمت لباب عليهة دگ دگ
طلعت مفزوعة شافتني وگالت.... وج هااا مااامااا شبيج مخروعة هيج شبيهة بنتج
شمس.بخوف ودموع.... مااماا بنتي. ملاكي مريضة وبس تتغياء شوفيهة شلون نكلبت صفرة خايفة ماما ليوم شيخلصني من امير يمشي ويوصي بية
ام شمس.. شبيهة يمعزاية خاف مشربتهة شي متسمنة
شمس بخوف.... والله مامنطيتهة شي غير لحليب
ام شمس... انطينياهة ومشي للغرفة ابوج نايم ليكعد خطية
نطيتهة لماما ورجعنة للغرفة غيرتلهة ملابسهة نوب لان كل شوي تتغياء
