الجزاء الثاني
الشيعي والسنية
بقلمي عاشقة القراءة
............................
كرار... السالفة صارت قبل شهر ونص وصلنة بلاغ عن شركة ال........ الي صاحبهة والد سحر وبما انو عثمان حاجيلي من قبل علة سحر لان لاخت من قبل جانت حاطة عينهة علي فلكيته. فرصة سهلة اوكعهم بلفخ عن طريقهة فكرت وتصلت بعثمان وطلبت منة معلومات عن لشركة
ماخذت معلومات تفيدني فخطرت علة بالي فكرة وهية عثمان يتزوج سحر بسر ويسحب منهة لمعلومات بتدريج. بس عثمان رفض لفكرة رفض قاطع وگال من قير شي كابة بيني وبين رقية نوب اسوي هيج معناتهة اخسرهة بس بعد لح واصرار مني وافق وطلب منهة يتزوجون بسر وعترفلهة بحبة لكذبي هية رحبت بلفكرة بس لكلبة ورة ماعقد عليهة هددتة لو يعلن زواجهم ويجيبهة للبيت لو تطلك وبما انو راح تفشل خطتنة اذا تراجع كتلة جيبهة للبيت واني اتحمل مسؤلية الي يصير وفعلن جابهة ونتو شفتو بعينكم بيومهة شصار
وبعدهة ستمر ابو فهد عل خطة بس جان محملني ذنب الي صار بي هوة ورقية واكثر من مرة يتصل يكول راح انهي كلشي بعد ماتحمل
بس اني اصبرة واكلة نشالله بس هلسبوع لبعدة كلشي ينحل وضل لحال هيج واني ادور وراهم علة اي دليل صغير
بعدين طفح الكيل وقررت اغير الخطة وهية اخطفهم بمساعدة مصطفى وكم جندي وفعلن خطفناهم ولبسنة عثمان قناع لجسمة وهددناهة بي واحنة نمثل بتعذيبة. لحد ماعترفت واني قبلهة تفقت وية عثمان ينضم لابو سحر ويعرف عن ياطريق يدخل هاي لمواد ومن عرفت نصبتله كمين ولزمت كل لمواد الي دخلهة وحلتهة امكافحة لممنوعات
وطلبت منهم يسوولهة تحليل حتة نتاكد منهة دتتعاطة او. لا
وطلعت تتعاطة وساعدنة كلش فديو مصورتة اية الهة وهية تتعاطة
وبعد مانجحت بكشف لمواد لممنوعة بلشاحنات داهمت لشركة ولقيت لقبض علة كل لموجودين بيهة وحجالهم كلشي بختصار بس لهجوم الصار علي ماكاللهم عنة حتة ميخوف امة عليه
وكمل وهوة لازم راسة بدي بتعب....
ومن صبح اني احقق لهسة تعبت سلمت لتحقيقات. لملازم عباس واجيت راسي مو مني احسة يغلي
ام كرار.... سودة علية يمة شصاير بيك ليوم واخيتك مادكيت عليهة وكتلهة اخير ماتلكيهة هسة مقهورة وعبالهة المسيكين مطلكهة من كيفة
كرار بتسم.... لا لاخ رجعهة علة ذمتة وعلة كل حال هوة بطل طلاقهم
ام كرار.... شلون ولك مافهمت
كرار.... يمة رقية حامل
ام كرار بفرحة.... يمة صدك تحجي
كرار... وداعتج خابرت فاطمة لصبح وكلتلي بس بعدني ماكلت لعثمان
