الجزاء الثاني
الشيعي والسنية
بقلمي عاشقة القراءة
... ـــــــــــــــــــــــــــــــــــ....
فتحت عيني علة هوسة برة وصياح صوت كرار ومصطفى يفرفحون وبابا يحجي بصياح ماسمع بس هوسة جسمي رجف واسناني اصطكت بعض
اكيد عرفوو وصارت هاي لهوسة شوي ونفتح لباب ودخلت شمس ترجف ومصفرة وصلت يمي
وحجت بصوت يرجف ... ولج اية شنو. هاي لصور حقيقية لو مفبركة
اية فتحت عيونهة علة وسعهن . وصرخت .. وووويننن شفتوووهن تلفوني وين وگامت مثل لمجنونة ادور بل غرفة
شمس لزمتهة تهديهة.. اگعدي وفهمينة شكو شصاير
اية لطمت علة وجهة وشهگت بلبجي ... ولج نفضحت واني لابيهة ولا عليهة ضعت بغبائي وفطاريتي وبجت بحرگة وهنا فتح لباب كرار ودخل شايط لوجة محتقن ولعيون حمر واعصاب نار صاير
تقدم ناحيت اية بخطوات بطيئة عكس لبراكين البداخلة
باوع علة شمس وحجة... عوفينة وحدنة
هزت راسهة بخوف وطلعت
شافت لكل منجمعين بصالة اله امير وفاطمة ماكو
ولكل خايف ومتوتر وعمتي ضغطهة صعد وعمي شايط وكل شوي يريد يدخل يكتلهة ويستوقفة كرار ومصطفى
مصطفى الي نگول علي هادي صاير مثل لاعصار ومتاكدة هسة اذا يشوفهة كدامة يكتلهة وميرفلة جفن
عمي كل شوي فاتح لتلفون وشايف لصور ومتحلفلهة
ورة ربع ساعة من دخلت كرار سمعنة صوت صياحهة تستنجد بينة ولا واحد تحرك وساعدهة عبالك مدايسمعونهة
عاد لتفتنة كلنة علة صوت فاطمة واكفة بل باب وجهة اصفر ليمون وشفة ترجف
گالت... هاي شكو شنو هلصياح
اني من شفتهة رحت يمهة بسرعة ... الحگي ابو حسين راح يموت اية
من كلت هيج شهگت ولطمت علة صدرعة. وين اية وليش كرار شعندة وياهة
شمس بخوف... بل غرفة اسمعي صياحهة راح تموت الحگي عليهة
فاطمة توجهت للغرفة بخوف ومو فاهمة شي فتحت لباب ودخلت ومن شافت منضر اية شلون مدماية تصيح بل گاع هبطت وبعد ماحسينة عليهة بس صاحت وگعت
كرار نتبه عل صوت ومن شافهة تسودن ذب لحزام من ايدة ورگض عليهة شالهة وطلع يركض بيهة عسيارة واخذوهة هوة ومصطفى وعمتي ونخبصو بفاطمة ونسو سالفة اية
ضل بس عمي بل بيت ونغم وساره الي خايفة وترجف علة حالت اختهة
عفتهم ودخلت لغرفه لبيهة اية
