الجزء الثاني
الشيعي والسنية
بقلمي عاشقة القراءة
ــــــــــــــــــــــــــــــــــــــــــــــــــــــــــــــ
فاطمة كاعدين نشرب شاي بعد ماتغدينة واحس نفس الخنگة الي لزمتني قبل لغدة هسة رجعت علية لزمت گلبي لان صار عندي خفقان قوي
سئلتني عمة سنا بقلق.... يمة شبيج. شو وجهج مطعون
فاطمة بخنكة... عمة مابية شي بس راح اروح اتمدد شوية لان دخت
سنا.... روحي يمة رتاحي
فاطمة بعدني توني كمت وجان نسمع صوت رقية رج لبيت رج وهية تصيح لااااا لالا
ايسر كمز بسرعة وفتح لباب ودخلنة وية ماصاحت لااااااا عثمان ميمووت
من سمعتهة صاحت هيج حيل ماضل بية كوة حجيت احس لساني ثكل.... ش شصاار
ردت وهية تلطم ورمت وجهة... عثماااان حبيبي كتلووووه كتلوووو لميخافون الله.
فاطمة احس جسمي ثكل وكعت علة ركبي
وعمة تصيح .... ولج منو كالج شلون صار هيج وهية ادك علة صدرهة وتصيح علة ايسر ولك خابرهم وشوف لخبر صدك خابرهم بعد مابية حيل راح اكع
ركض عليهة اسر ولزمهة كعدهة علغنفة وراحت وعد جابتلهة مي وعهد راحت علة فاطمة ولكل يبجي وعم لبيت حالة من لفوضة ولصياح رقية تبجي وتصيح وتلطم وفاطمة بس صافنة ومصدومة وحسين وميمي وتيم. يبجون علة امهم لان مترد عليهم
وفهد يبجي ويصيح علة رقية.. من وراج مات بابا انتي ليش ماخليتيني احجي ويا وضل يبجي ويصيح
واسد يبجي بزاوية كاعد خايف ويبجي لان يشوف امة منهارة
لوحيد الي جان ماسك نفسة ايسر طلع تلفونة وطلع برة يتصل لان ميسمع شي جوة من لصياح
تصل علة محمد وين يلة رد
ايسر.. الو. محمد تسمعني
محمد بصوت مخنوك وتعبان... اسمعك ايسر احجي
ايسر... محمد عثمان شبي مرتة منهارة جوة وتصيح. عثمان مات
محمد بنهيار. لا اسم الله. علي وبجة بحركة. ورجع كمل... مامات بس حالتة خطرة كلش ضاربي طلقتين وحدة بضهرة وثانية بطنة ولثنين خطيرات وهسة بغرفة لعمليات صار ٤ ساعات محد طلع لهسة وطمنة
ايسر... زين محمد شوي نوب ادك عليك وسدة ورجع للبيت
...
رقية. لكل منهار واني احس نفسي ختنكت وروحي زهگت كمت اريد اذي روحي باي شي كدامي بس حتة ابرد كلبي لان اذيت عثمان هيج. مر شريط ذكرياتي ويا من تزوجنة واول ماجبت فهد خوفة وغيرتة علية. حنيتة وضحكتة كلشي حلو تذكرتة وتذكرت كلامي قبل يومين ويا من كالي لتغثيني خاف اموت. نوب تخبلت بزايد وكمت الطم واضرب براسي علحايط بقوة لكل منهار محد اجة علية مثل لمصدومين وممصدكين لخبر اسر من شافني هيج طلع يخاف افرع واهلس بشعري وكال لامة يمة كومي واسي لبنية راح تموت نفسهة وطلع
بس امة تبجي وتنعي مانتبهت علي
نوب علة بجيهة ملخت نفسي تملخ
