قلت بتوتر "دكتور نفسي"
المدير ضحك وقالى بسخرية " إيه ده كنت فاكر انك عاوز تبقى زى باباك بتلم زبالة من الشارع وبتنضفه"
فى هذه اللحظة لم أستطع كتم غضبى
وقلت بصراخ "علفكرة بينضف الشارع اللى حضرتك بتوسخه انت وأى حد ماشي وخايف يحط زبالته
فى جرادل الزبالة اللى مركونة فى كل جنب فى الشارع
وبيرميها تحت رجله
الرسول أمرنا بالنضافة وقال النظافة من الإيمان
بس معلش أصل الوسخين اللى زى حضرتك
مش مؤمنين بالجملة دى
وانا فخور ب بابا لأنه على الأقل بيشتغل ومش بيدوس على الناس ولا بيتكبر على حد
ولا قاعد بيشرب زى أى شمام ماشي فى الشارع سايب مراته وعياله
مرميين من غير أكل ولا شرب ولا حتى بيت
انا الحمد لله بابا مش مؤمن بعجزه
ومؤمن بقدراته واما ينضف الشارع اللى حضرة البشوات
بيوسخوه زيك
ف دى حاجة مش عيب وانا أفتخر بيه
ان هوا بيشتغل وبيدوس على نفسه عشان يخلينى حتى أجى هنا المركز
وأتعلم وأكون واقف ادام حضرتك كدة وانت بتشرح دلوقتى"
بعد ما قلت كل الكلام ده خرجت وانا عارف ومتأكد ان انا اطردت من المركز خلاص
وروحت البيت ولقيت بابا متعصب جامد
وعرفت ان الأستاذ عزت مدير المركز اتصل بيه
....
***
انتهى ..
رأيكو💙
أنت تقرأ
أنا أعتذر فأنا لن أيأس
Short Storyمستقبلى متحددلى من يوم اما اتولدت بس أنا عليا ان أتعب عشان أوصله وإلا ممكن يتغير لو أنا كسلت واستسلمت #انا_أعتذر_فأنا_لن_أيأس #مريم_محمود
