أنا أعتذر فأنا لن أيأس

ياريت لو كان بجد هزار

روحت ودخلت الأوضة وقربت منها براحة وهى لسة على الكرسي لقيت فعلا نفس اللى فى الصورة بتاعت تسنيم ادامى
معرفتش أعمل إيه فضلت واقف فى مكانى
وانا واقف بالعافية
وشي مفهوش أى تعبير أى رياكشن
مفيش أى حاجة خالص
رجلى حرفيا مبقتش شيلانى وقعت على الأرض ادامها وتسنيم مكنتش فاهمة حاجة طبعا
أصلا عقلها الباطنى بيقول ان ماما بتهزر معانا
ياريت
ياريت فعلا كان هزار

بابا كان ساعتها قام عشان هوا علطول بيقوم فى الوقت ده يصلى الفجر ويروح الشغل

بابا لقا باب أوضة ماما مفتوح ف إستغرب لأنها مش بتخرج خالص ف دخل واتفاجيء بيا جوا بس ماما كانت مواجهة لبابا من ضهرها وانا من وشي

_ إيه يا محمد مالك قاعد عندك كدة ليه يا ابنى قوم يلا تعالى الفجر هيأذن نصليه سوا

قومت بكل هدوء وروحت أدام بابا
ومعرفتش اقوله إيه

أقوله مراتك اللى انتى بتعشقها
وبتتعذب عشانها وعشان تجيب علاجها
بقت فى ذمه اللى خلقها خلاص

أقوله انها ماتت كافرة بسبب مرضها النفسي

أقوله إنها بسبب المرض النفسي انتحرت
وخلاص مش هنشوفها تانى

أقوله إيه ولا إيه

انا نفسي مش مصدق

_ يابنى مالك فيه إيه فيك حاجة

بدون أى مبرر بابا حضنى وقال بهدوء: انا عارف انك زعلان على أمك يا حبيبى بس متخافش انا جمعت فلوس وهروح أوديها المصحة النفسية عشان بيقولوا فيه دكتور أجنبى هيجى بكرة وانا خلاص جمعت الفلوس بتاعتها
بدات أجمعها من شهرين واشتغلت كذا شغلانة فوق عامل النضافة
الحمد لله من ساعت اما انت بدأت تشتغل
بدأت أجمعهم
انا عارف انك تعبت جامد الشهرين اللى فاتوا
وانك كنت بتتهان كتير من كل الناس
انا أسف يا إبنى
عارف ان تعبتك معايا
بس خلاص امك هتروح المصحة وهتبقى كويسة
وهتبقى بخير
وانا هحاول أضغط على نفسي أكتر فى الشغل
وهسيبك عشان تهتم بتعليمك عشان متضيعش

يا إبنى انت عارف أمك لو بقت كويسة
انا هبقى أسعد حد فى الدنيا
وإبتسامة منها هتخلينى أفرح وهشتغل أكتر عشانها
وعشانكوا
يارب افرجها من عندك
يارب شكرا ليك لأنك بعتلى الفلوس دى
يارب يقبلوا بيها يارب

رديت بكل هدوء وانا على أخرى لأن بعد
ما انا تعبت وبابا تعب
هى فى الأخر ماتت

_ ماتت

_ بتقول إيه

خرجت من حضنه بهدوء وقلت

_ بابا هى ماتت ماما ماتت
انتحرت يا بابا

بدون سابق إنذار دموعى نزلت بحرقة على أمى

ماتت بعد كل التعب ده