أنا أعتذر فأنا لن أيأس

الحمد لله لقيت شغل

_ خالتو  زينب هوا ينفع أخد عربية التين وألف بيها أشتغل شوية وكلانا يستفاد

_ بجد يا محمد

_ اه يا خالتو زينب وأربوكى وافقى انا محتاج أشتغل أربوكى

_ ماشي وانا مش عاوزة منك فلوس انت خد العربية وإشتغل وانا هجبلك كل يوم التين بس تجيلى كل يوم بفطار بس هوا هيبقى تمن الفطار بس

_ لاء مينفعش انا لازم أديكى فلوسك كاملة
وانا أخد جزاتى من الشغل بس عشان مينفعش

_يا حبيبى انت مش فاهم انا لو خدت الفلوس دى جوزى انت عارفه ممكن يخدها منى ويشرب ف بدل ما هوا يشرب انت تخدها تستفاد بيها أحسن وانا مش طالبة منك غير الفطار

_ مينفعش كدة هيبقى حرام عليا

_ انا مسامحة فيها والله

_ طب انت إيه مصلحتك فى ده

_ أمك

_ مالها

_ انا عاوزة اساعدها وأساعدكوا انا بحب أمك أوى يا إبنى
ما هى يعتبر صحبتى من زمان
وانا لو مجرد العربية دى هتساعدك انت وأبوك عشان علاجها وكمان تعليمك وأكل اخواتك الصغيرين هساعد بإذن الله

فكرت شوية ورديت

_ طب انا موافق بس بشرط انتى لو عاوزة فلوس منهم تيجى تخديهم علطول والفلوس دى هتبقى غير الفطار يعنى انا هجبلك الفطار عادى وأى فلوس تانية انتى لو عاوزاها اتفضليها عادى

_ يا حبيبى متخافش مش هحتاج حاجة غير فطار بس
متقلقش
فيه راجل هيجى ب قفص تين وقفص برقوق
الراجل زمانه جه إيه رأيك تبدأ دلوقتى

_ بجد

_ اه يلا الراجل اهو برة

عدت الأيام وانا فعلا بدأت أشتغل بمساعدة زينب
انا فرحان أوى لأن بقا فيه أكل فى البيت
وبابا فلوسه بقت على علاج ماما
الحمد لله

***

انتهى ..

رأيكو ...