မဟာဆန်သော ချစ်ခြင်း (on going)

Ep 8

Unicode

ရဲတင်းစွာ ရှေ့ဆက်လျက်ဆက်နေသော ဓားသွားအား ကိုင်ထားသော ခွန်အာဏာ ကြွေစေ့ဖြင့် ဓားကိုင်ထားသော လက်ကောက်ဝတ်အား ပြစ်ပေါက်လိုက်ရာ ကိုင်ထားသော ဓားမှာ လွတ်ကျသွားသည် ။ သိုင်းပညာဆိုသည်မှာ ဤသည်နည်း ။ ခွန်အာဏာသည် သိုင်းပညာနှင့် ခုခံတိုက်ခိုက်ခြင်းပညာရပ်ကို အလကားသင်ထားခြင်းမဟုတ် ။

မာန်(ရာစုသစ်) ပြုံးမိသည် ။ စိတ်ထဲ၌လည်း အံ့အားသင့်နေသည် ။ သူဤမျှတော်သည်မှန်း မာန်မသိခဲ့ပေ ။

ကျားကွက်ကတော့ဆော့မြဲဆော့ဆဲပင် ။ ဘေး၌လည်း ကိုယ်ရံတော်မှာချွေးစေးစေးကျလျက် ။ တစ်ယောက်ပြီးတစ်ယောက် ကိုယ်ရံတော်၏ ဓားစာချက်ကြောင့် လဲကျကုန်သည် ။

ထိုစဥ် နောက်ပုန်ကန်သူ ခုနစ်ဦးထပ်ရောက်လာလေသည် ။ရောက်လာသောသူများမှာ ကိုယ်ရံတော်နှင့် ထိပ်တိုက်ရင်ဆိုင်ရလေသည် ။ သို့သော် ကျန်နှစ်ယောက်မှာ ကိုယ်ရံတော်အားကျော်၍ မာန်နှင့် ခွန်အာဏာဆီတို့ တည့်တည့်လာရောက်နေသည် ။

ခွန်အာဏာ၏ နောက်ကျောဘက်မှ လာခြင်းဖြစ်သောကြောင့် မာန်ရုတ်တရက်လန့်သွားသည် ။ အလို အဘယ်သို့လျင်မြန်လိုက်သနည်း ။ လူသားမှဟုတ်သေးသလော ။

လာနေသောပုန်ကန်သူနှစ်ယောက် အား ခွန်အာဏာသည် မတ်တပ်ရပ်၍ လည်ကုတ်နေရာကို လက်ဝါးတစောင်းဖြင့် တစ်ချက်စီ ရိုက်လိုက်ရာ လဲကျကုန်သည် ။ ထို့နောက် မာန့်၏ နောက်မှလာနေသော ပုန်ကန်သူသည် ဓားအားလက်နှစ်ဘက်ဖြင့်ကိုင်ကာ ခုတ်လုနီးနီးအချိန်တွင်

လက်အိတ်မပါဘဲ လူသားတို့၏ အသားကိုမကိုင်ရဲသည့် ကိုစိတ်တိုသည် ဤယုန်ဖြူလေးကို လက်ဗလာဖြင့်သာ လှမ်းဆွဲလိုက်သည် ။ ယုန်ဖြူလေးမာန်အား ဓားမထိစေလိုသောကြောင့် ဆွဲမိဆွဲရာလှမ်းဆွဲလိုက်ရာ ပုခုံးမှ ဇာစကလေး ပြဲကျသွားလေသည် ။

ဖြူဖွေးနေသော ပုခုံးသားလေးသည်အထင်သား ။ ခွန့်၏ ရင်ထဲတွင်ဆွေ့ဆွေခုန်ကာနေလေသည် ။ ပုခုံးအထင်းသားလေးကို မျက်တောင်မခတ်တမ်း ရှုစားနေသော ခွန်အာဏာသည် သူ၏ လက်မှာ မာန်၏ ခါး၌ရောက်နေမှန်းသူမသိသေးချေ။