#سحرتني_عيناها

اول

#سحرتني_عيناها
اول
بقلمي فردوس عبد اللطيف
محافظه واسط قضاء الحي سنه / ٢٠٠١
وينكم الحكو شيخ عناد توفى بحادث سياره
تعالو ا نروح وياهم
شيخ عناد احد وجهاء مدينه واسط غني وكريم يعطف عالصغير والكبير
صاحب واجب لكل العشيره
مسافر لبغداد ل ناديه  واجب قراءة الفاتحه لاحد ابناء عمومته في والطريق
زلك ومطر والوقت متأخر تالي الليل
انقلبت السيارة وتوفى الشيخ ابو عباس
عباس الابن الاكبر
شيخ عناد ، لديه ٨بنات واربع ولد
بطل قصتنا الابن (جود )
تسلسل /٧/ بين اخوانه واخواته
جود / في هذا اليوم المشؤم صحيت على صريخ اخواتي واخوتي
كنت بعمر ١٥ /سنه الشاب  المدلل بالعائله كوني مريض
مرض الصفائح الدمويه (وهو عدم تخثر الدم  مع بعض المضاعفات )
وهذا المرض تسبب اي مشاكل بحياتي

بيوم الصدمه بوفاة الوالد والدتي تمرضت ومرضها كان بسبب الوفاة المفاجئة
لا تحجي ولا تتحرك حبست حزنها بداخلها بدون ماتصرخ او تلطم
بقت فقط تنظر النا بعيونها
اني تخربطت بيومها لان مناعتي ضعيفه وحزني ع والدي شديد
ماريد ابجي كدام  الزلم بالفاتحه وانما اطلع بالبستان وره الجادر ابجي احد ما ارتاح وارجع اغسل عيوني واكعد يم اخوتي نستقبل المعزين

من هذه الحادثه فقدت الام والاب
الحمد لله اخوي عباس هو الي تكفل بينا من بعد الوالد
لكن الوضع تغير لان من راح الوالد راح كل الخير والفلوس الي جانت
مخليتنا بخير وترف
خسارة الوالد اكبر حزن اما المال مو مهم يجي ويروح

اخواتي اربعه متزوجات واربعه غير متزوجات
اخوتي علاء اكبر مني اما ياسر وكاظم اصغر مني

تركت الدراسه وتوجهت للشغل مع ان عمري صغير وظعي الصحي ميسمحلي اشتغل شغل بي جهد
واخوي عباس ممقصر ويانا
لكن شعوري بالمسؤليه تجاه اهلي واخوتي

عباس انت ليش تركت المدرسه واشتغلت بمطعم هو اني مشتكيالك
جود خوي انت ماشتكيت بس جاي اشوفك تشتغل ليل نهار
تعبان ومجاي تلحك انت هم متزوج  وصاحب عائله واطفال
خليني اشتغل واعينك وعلاء هم ممقصر بس علاء ادري بي يجمع حتى يتزوج وانت اخونا الجبير وبمقام الوالد من حقك تشوف حياتك
عباس انتو ولدي اذا الوالد توفى اني بمكانه وشتردون  اني حاضر
جود خوي هذا مطعم عالطريق الخارجي لبغداد
هم اتعلم صنعه الطبخ وهم اطلع مصرفي وهم اكلي وشربي عليهم
عباس انت زلمه وماينخاف عليك وجبار ابو المطعم خوش انسان
راح اوصي عليك والولد كلهم ولد للولايه مابيهم غريب
جود خويه  الوالده  شيكول الطبيب مايجي يوم وتطيب ونسمع صوتها
مثل قبل 
عباس الوالده من اثر صدمه وفاة الوالد بعد رافضه تعيش بدونه
كانما عقلها يرفض الاحداث بس تباوع بعيونها والشفاء بيد رب العالمين

جود باشرت بعملي بالمطعم وحبيت الشغل وتعلمت بسرعه كل الاكلات
والحجي جبار رجال خير وينطينا رواتب زينه يكول
الله وارقني ع عينكم وانتو اصحاب عوائل