#سحرتني_عيناها

ثالث

#سحرتني_عيناها
ثالث
بقلمي فردوس عبد اللطيف
جود
جدا صعب تقترب من شخص غصبا عليك
وارجع اباوعلها واكول خطيه شنو ذنبها
اعرف بقت محتاره رادتني ابادر اقترب منها
لكن مشاعري مو وياها حاولت انام واهرب من الواجب الي فرضو علي

وره ساعه واخلاص تفتر بالغرفه جتي نامت وحاولت تصححني
واني سويت نفسي نايم وغافي
بقت تتكلب يمنه يسرى تحاول تتقرب علي .... واني منطيها ظهري
لحد ما كعدنا ع صوت الباب يندك
فتحته اخلاص وخواتي اسمعهم يسألوها !!!!ها بشري ؟
تعالو تريكو ونزلي سلمي ع امنا صبحي عليها
اني كاعد بس بعدني بالسرير
اخلاص ،،جود جود اكعد ينتظرونا عالريوك
جود اي روحي انت كدامي اني بس اخذ دوش واجي
حضريلي ملابسي
اخلاص حاضر
نطتني المنشفه والملابس كالت انت اسبح واني اناوشك من تكمل
لا يوكعن بالحمام
باوعتلهه كتلهه روحي يمهم وفد ربع ساعه تعالي
كملت سباحه بس صحت اخخخخلاص
اهووو اسمها شثكله
اخلاص هياتني تفضل
لبست تراك و نطيتها المنشفه تشرها عالحبل ورحت تعطرت بغرفتي
جتي وراي تباوعلي وتبتسم
جود ها شكو شبيج ماترحين للمطبخ يمهم
اخلاص استحي انتظرك نروح سويه
جود امشي امشي تنتظرني
هو اني يومين وراح التحق منو يبقى وياج
اخلاص اتعود عليهم سهله
جود مو اختج سهير وياج بعد منين تخجلين
سلمت ع اخوي عباس وبست راسه
شاورني ها بشر ؟؟؟؟؟
باوعتله وسكتت
عباس شني السالفه ؟
جود خويه جنت تعبان مو صارلي يومين منايم
جرني من ياختي ودنك راسي يمه وشاورني
الليله اريدك تاخذه وماخليك تروح للمعسكر اذا ما راويتنا العلامه
جود خفت منه هو اخوي الجبير بمقام والدي ماكدر اكوله اي شي
شراح افهمه هي مشاعر واحساس
سمعت صوت زهراء تحجي بصوت عالي
زهراء الف مبارك عروستنا واشتغل البوس والتمطك
طلعت ركض اريد اشوفها
واريد اكولها ماكدرت لان بعدج بكلبي
باوعتلهه وعينها صارت بعيني
صفنا اثنينا
نتبهت اختي رباب
رباب كللللللوشششش كلللللوش مبرووووووك خوي تعال بوس راس امك ا
تنتظرك
جرتني ودخلت عالوالده بوست راسها وكتلهم جيبولي الجاي هنا يم الحجيه

جتي زهراء وسلمت عالوالده وكعدت كبالي
تحاول تلطف الجو
بس خواتي وسهير اخت اخلاص جتي يمنا
وره شويه اجتي اخلاص وجايبه الريوك والجاي

جود انت تريكتي ؟
اخلاص لا انت اكل
جود بس ردت اقهر زهراء
كعدي تريكي وياي سويلي واهس
طفرت من مكانها زهراء وراحت للمطبخ
تريكنا وضحك وسوالف
اريد اتعود ع اخلاص واتقبلهه
البنيه من فرحتها ممصدكه وجها ورد وتوزع بتسامات

كملت ذاك اليوم ويه اهلي سوالف وضحك
كتلها اني صاعد انام
صعدت لغرفتي ونمت بفراشي
خطيه جتي نتظرتني واني غفيت .....عبالك منايم سنه

اليوم الثالث
اجاني ياسر وكال اخوك عباس يصيحك
جود شراح اكوله هسه
رحت يمه ها خوي
عباس شلون بيك ؟
هاك هاي حبوب اخذلك حبتين واصعد يم مرتك وماتنزل الا تجيبلي العلامه
لاتطلع من باب الغرفه اليوم الا وانت فاضها !!!!!