#سحرتني_عيناها

ثاني

#سحرتني_عيناها
الثاني
بقلمي  فردوس عبد اللطيف

عباس  شيلو ودخلو للبيت
علاء خويه الولد تخربط خل تاخذه للمستشفى
ياسر راح اجيب السويج خل نروح للمستشفى

دكتور اشبي اخوي
الدكتور وظعه مستقر بس تعبان شنو متعارك ؟ سجلوا بلاغ
عباس لا دكتور هو بسبب مرضه من يعصب يتخربط
الدكتور لازم اليوم يبقى بالمستشفى وراقبوا المغذي
من يخلص نادو عالمضمد يجي يخليله مغذي
وباجر الصبح نشوف وظعه

جود صحيت الفجر واني بالمستشفى واخوي ياسر نايم عالكرسي
شنو مخليلي مغذي ولكم ليش ماخليتوني انتقم منهم كلهم
يأسر ها حبيبي الحمد لله ع سلامتك شلون صرت ؟ ولك انت تخبلت البارحه
جود  غير الطبيب ضربني فاليوم وخلاني هادي ورجلي ماتشيلني
جان رحت ركض
ياسر ايباااا ثاري اخوي رامبو وماندري
جود دروح صيح المضمد خل يرفع المغذي مو ايدي ورمت

اجه اخوي علاء
علاء سلام عليكم شلونك ابو الجود البارحه شسويت بينا
حايجي المضمد يرفع الابره ونطلعك
جود هسه ارتاحيتو من خربتو شغلتي ؟
علاء ولك ليش هي سهله تريد تكتلك خمسين نفر
بعد وين ننهزم من الفصول يلحوكنا للمريخ
چا انت مافكرت بينا ؟.  ياهو يدفع الفصول مال الموتى
جود اني اتحمل
چا مافكرو من باعو بتهم واحنا نحب بعض من چنا صغار
علاء خويه الحياة كدامك وبنات العشيره هواي انت بس اشر
نخطبلك  توكل بالله وخل نطلع
جود اني بعد ما ابقى هنا راح اسافر اشتغل ببغداد

بس اني كرهت القضاء والشغل هنا مايعيش
عباس اصبر علي جود راح نأجر البيت وناخذ بيت ببغداد وكلنا نروح
جود هذا الحجي العدل.

بعد سقوط بغداد
احد اصدقائي يشتغل بمعسكر تابع للامريكان
واجاني وكال بس تنقلون ل بغداد اتصل بي اشغلك ويانا
بلغت اخوتي وطلعت قبلهم واتصلت بصديقي وحصلت شغل بمعسكر بالتاجي
اشتغلت طباخ (شيف )
وكدرت أتأقلم وياهم وطبخي عجبهم

عباس الو ها خوي جود شلونك شخبارك
جود الحمد لله انتو شخباركم
عباس خويه نتقلنا لبغداد بعد ميحتاج تروح لواسط تجي كبل علينا
جود اي خويه فرحتني يوم الخميس اخذ اجازه وانزل اشوفكم
واكلف الطباخ الثاني يلزم مكاني
رحت عالعنوان ودخلت داخل واني مشايفهم مده شهر
مكانهم زين وملحكين يرتبون البيت بنات وولد يركضون ويشتغلون
جابوليا صينيه الاكل
واني كاعد اكل واسمع صوت زهوره
وينكم بنات
ركضت رباب طلعت من الغرفه
باوعت ل ياسر هذا صوت منو ؟
ياسر هاها
دخلت زهراء
نصدمت غصيت باللكمه ناوشني اخوي الماي
زهراء   شلونك جود بالي يمك
جود صفنت بوجها
متغيره هواي ومخليه مكياج ولابسه عبايه وكانها كاعده قريب
انت شسششجابج ؟
زهراء يا چا ماتدري بيتي كبال بيتكم
جود باوعت ع اخوي ياسر طلع نهزم
رباب شيلي الاكل ماريد
زهراء ليش ماتاكل مو اني طابختلك برياني عفيه دكول منه
جود زهراء انت مرتاحه ويه رجلج ؟
شلونه وياج خو مايضربج
زهراء  دارت وجهه وكانما تريد  تكذب بس ماتخلي عينها بعيني حتى
لا اكشف كذبها
اني الحمد لله مرتاحه رجلي مدللني وممخليني محتاجه شي
جود باوعيلي انت سعيده ؟
هنا فقدت وبجت بدون صوت ماتريد احد يسمع
قتربت منها زهوره ليش امج سوت بينا هيج ؟
ليش فرقتنا ؟ علمود الفلوس ؟
لج والله كولشي اكدر اسوي واجيب الفلوس
لكن تربيتي ماتسمحلي امشي بالغلط
الوالد ربانا عالعز والخير وعيونا شبعانه ونمشي وراسنا مرفوع
زهراء انت صحتك شلونها ؟ مرتاح بشغلك ؟
جود شكد حاولت انساج واشغل نفسي بالمعسكر
منين طلعتيلي وشجاب اهلي يمج
زهراء ماجنت اعرف حتى اهلك ميعرفون
بالصدفه طلعت وشفت اخوتك تفاجئت
وزوجي هم من شافهم راح حجه وياهم وكاللهم اي شي تحتاجون
جود مادري انت قدري مدري مكتوب علي اتاذى طول عمري
انوب كاعده كبالنا باب كبال باب
حتى اذا احاول انساج من اشوفكم تطقون الضوه اكول حاتنامون
حايقترب منج راح يبوسج
ولج منين جيتي
عفتها وطلعت امشي وامشي لا اخذت تلفوني ولا حتى جزداني
والدنيا تخوف شو امريكان تفتر بالشوارع
خل ارجع بس لا اضيع البيت