#سحرتني_عيناها

سابع

#سحرتني_عيناها
سابع
بقلمي فردوس عبد اللطيف
~~~~~~
لو كان قلبي يتكلم لنطق باسمك
علاء انت عندك شي ويه البنيه
جود لا ماكو شي بنيه مدرسه محترمه
علاء انت عندك مشاعر اتجاها ؟
جود لا لا ماكو هيج شي
نهزمت من اخوي
ماردت ابوح الي بداخلي ولو متأذي لكن صعب احجي واني بعدني ماعرف مشاعرهه تجاهي
الحب من طرف واحد يذبح
هي كدامي وماكدر احجي وحتى اخوي حس بي من نظراتي
من اهتمامي لكن ماكدرت اكوله
الا اتأكد من شمس

شمس شفتي ماما هذا اخوك ملفيته بيتنا يرشرش سحورت أمير
بغرفتي !!!!! كم مره شفته بغرفتي وبيده بطل بس مافكرت ابد
ممعقوله خالي يسوي هيج
ام فراس وانت صدكتي !!!! بنتي مو كلمن ترحيله يحجي صدك
شمس المهم من اليوم راح اقفل غرفتي وماريد يدخل بيها احد

شمس شفتي شهد هذا خالج عود محسوب علينا
شهد منو يكول صدك
كذب المنجمون وان صدقوا
شمس يالى اني مدرسه وتعبانه ع نفسي
تالي عمري اروح روحانيين وكشافين
المهم خل آرش العلاج واسبح بي ونشوف

شمس رشيت بغرفتي وبالبيت وسبحت بالماي ورشيته بالحديقه
لان ميصير ينذب بالحمام
اذا الماء مقري عليه قرآن ميصير ينذب بالوعه الحمام
وصار وكت العشاء
كعدنا وخالي شوكت يباوعلي مبتسم
الخال شوكت    اليوم وجهج مورد شموسه
باوعتله لا اكدر احجي واكوله اني عرفت بيك انت وأمير مسويلي السحوره
ومأذيني موكفين قسمتي ،،،،
ولا اكدر اعاتبه لان اخو جود كال لاتخليهم يعرفون بيج كشفتيهم
حتى لا يعيدون السحر وياذوج
خالو انت ليش مامتزوج ؟ شتنتظر شو عمرك صار خمسين ؟
الخال شوكت وليش اتزوج وتعال وديني طبيب وتعال ونسني وسفرني
مالي خلك النسوان ولغوتهن
بعدين منو تقبل بي واني صرت خمسين سنه
شمس  ليش اكو ارامل مطلقات هواي نسوان يردن الستر
الخال شوكت   كتلج اني مرتاح هيج اجيبلي وحده تدلع براسي

ام فراس هسه شتردين منه اذا عندج وحده تخطبيها ل خالج
اني اقنعه شوفيله من زميلاتج
شمس بيني وبين نفسي ششوف من زميلاتي
ليش اورط بنات العالم بي هو احنا اهله مامتحملي

شمس اول ليله انام مرتاحه لا شفت كوابيس ولا احلام مرعبه
الف الحمد لله ياربي
كعدت الصبح صليت وقريت قرآن وحمدت ربي وشكرته
بدلت ملابسي وتحضرت للدوام
شهد صباحووو اليوم تغنين مبين عليج مرتاحه
شمس تدرين شهوده البارحه اول ليله انام مرتاحه
شهد الله يساعدج استمري ع صلاتج والدعاء
شمس ان شاء الله استمر تدرين بذيج الايام حتى ايماني ضعف
والصلاه ماكدر التزم بيها يوم اصلي ويوم لا ومجنت اعرف السبب
شهد ديري بالج تركين الصلاه وذكر الله
شمس  حروح تأخرت

شمس السلام عليكم
جود عليكم السلام شلونج ست مع ابتسامه وبيها تساؤل
شمس بخير الحمد لله ابو عمار
جود ماكدرت أسالهه شلونها بعد العلاج امام  المدرسات