#سحرتني_عيناها

خامس

#سحرتني_عيناها
خامس
بقلمي فردوس عبد اللطيف
~~~~~~~~
ام فراس بعد شتردين الولد تنازل عن شروطه ورايدج
شمس ماما هي مو بالكلام
يجوز وره الزواج يفرض علي اكعد بالبيت
ذيج الساع شسوي ؟ ابقى محتاره
ام فراس نشرط عليه بالعقد يمه نضمن حقج
ام عصام خيه والله الولد يكول البنيه عجبتني مجنت متوقعها بهالجمال
ومستعد يتنازل عن شروطه
بعد شتردين بنتي ترى هذه فرصه يجيج واحد بهالمواصفات
ام فراس يمه كولي موافقه خل نفرح بيج
شمس خالتي نطيني وقت افكر وهاي لخاطرج

ابو فراس  حبيبتي شموستي شلونج باباتي
شمس الحمد لله زينه انت شلونك بابا
ابو فراس شتاقيتلج اليوم ماشفتج عالغده
شمس اي اليوم تغديت بالمدرسه عدنا مدرسه نرفعت وستلمت زياده
وجابتلنه خوش دولمه من الي تحبها
ابو فراس عوافي بنتي
هسه احجيلي شقررتي ؟
شمس بابا اني ممجبوره اتزوج هالمهندس
اخاف تالي يبطلني من وظيفتي وره الزواج شراح نحجي
بعدين اني بعدني صغيره خلوني اشبع منكم
لو ضجتو مني وتردون تخلصون مني
ابو فراس لج بابا انت زهرة هالبيت ومن اشوف ابتسامتج تضحكلي الدنيا

شمس حضنته حبيبي بابا ربي لا يحرمني منك
ابو فراس راح ابلغ امج تبلغ ام عصام بالرفض
شمس اعرف ماما دزتلك وتريد ك تقنعني
ابو فراس معليج براي احد المهم قناعتج
لما دزيتج تدرسين ببغداد بالجامعه اعرف بيج حاتبيضين وجهي
تستاهلين الثقه الي منحتها الج وكنتي متفوقه وفرحتيني
مامستعد اخسرج

الحمد لله خلصت من هالعريس المغرور الي معتبر نفسه فلته

بالمدرسه استاذ عامر المدير
ست شمس اكو شخص شايفج بالمدرسه وكلفني احجي وياج يريد يتقدملج
شمس منو هذا ستاذ ؟
عامر مشرف تربوي استاذ خميس
شمس استاذ هذا متزوج !!!!! وعنده اطفال
عامر اي بنتي منفصل عن زوجته وعنده طفلين
ومن شافج طلب مني عنوان بيت اهلج
من سالته ليش تريد  عنوانهم ،،، كال اريد اتقدملهه
كتله خل أسالهه واذا موافقه انطيك العنوان
شنو رايج ست ؟
شمس استاذ خميس انسان محترم وممكن اي وحده تقبل بي لكن اني لا اعذرني ماكدر اتزوج رجل عنده اطفال وممكن يرجع ل زوجته
والكي نفسي زوجة ثانيه
اعتذر منك ومن استاذ خميس اني ارفض قبل اهلي
استاذ عامر بنتي نطي ل نفسج وقت فكري بالموضوع إسالي اهلج
شمس اهلي من راي ميحتاج اسالهم

الخال شوكت هلا ب شموسه ها سمعت رفضتي المهندس
اكيد تفكرين ب أمير ترى يوميه يخابرني ويكولي قنعها
شمس خالو امير مثل اخوي ورفضته وانتهى الموضوع
ليش تفتحه مره ثانيه
الخال شوكت شموسه ترى ماكو غلق والولد رايدج وبنات خالتج كلهن
يحبوج اما امير كل يوم يسألني عليج
شمس  خالو  رجاءًا لاتفتح هالموضوع امير رفضته ونتهى
الخال لا مانتهى وانت ماتاخذين غير امير

شمس عفته ورحت ل غرفتي ميفيد احجي وياه
مادام ابوي موجود محد يكدر يفرض علي
من يجي وقت المغرب هم اختنك واريد اطلع
نزلت بالحديقه اريد اشتم هوى صحي
ام فراس مادام انت بره غسلي الطارمه
شمس اوك راح اغسلها
اريد التهي بشي الدنيا كوله ظلمه مجاي اشوف شي حلو بيهه
ليش كلما يجيني عريس مجاي اقتنع واختنك من اسم الزواج