#سحرتني_عيناها

ثامن

#سحرتني_عيناها
ثامن
بقلمي فردوس عبد اللطيف
~~~~~~~
شمس حتى بالاجازه المرضيه مارتاحيت
افكر بجود وبكلامه
صح كلبي حبه لان اهتمامه بي ونظراته مواقفه وياي
غيرته اذا طالب من طلاب المدرسه فكر يباوع علي
ينزل من السياره ويريد يتعارك وياه
كل موقف اتذكره يشعرني بالسعاده
لما تشوف شخص مهتم بيك وبكل تفاصيلك
شلون اكدر اتزوج شخص آخر ؟
من ناحيه اخرى وضع جود
زوجته واطفاله ؟؟؟؟
كيف اقبل ع نفسي اكون زوجه ثانيه ؟
شلون اكدر اتقبل هيج موقف واهلي ماعتقد يقبلون اتزوج شخص متزوج
التفكير قتلني !!! بين وضع جود وبين اي عريس تقدملي
لكن القلب ومايهوى
شهد اليوم انت مو ع بعضج
شمس شحجي اذا اني متردده وظعي مخربط
شهد انت معقده الامور
شكم عريس تقدملج واحد افضل من الثاني وانت بعدج صغيره
وموظفه وخريجه وجميله
كل مواصفات الجيده عندج شتردين بعد
شمس مو اني اريد
اشرت ع كلبي هذا يريد ،،،،
شهد هلا هلا نطق ابو الهول
كلبج حب اخيرا !!! منو سعيد الحظ ؟
شمس ياريته ماحب ولا نطق
ياريتني باقيه بدون حب ولا حبيب
شهد احجي يامعوده مو قلقتيني
شمس ارجوج شهوده  خل الموضوع بيني وبينج
شهد هاي شبيج قابل شبي حبيبج مجرم وتخافين ماما تعرف
شمس راح احجيلج لان بعد مجاي اتحمل

~~~~|
جود يومين مرت علي وشمس ماتداوم
صارت علي سنتين ومن اتصل عليها تلفونها مغلق
خايف ترفضني وتبتعد عني
لا جود لا ما اخليها تضيع من ايدي
شموسه كاعده ومتربعه بكلبي
شوكت يجي الدوام واداوم
وبيوم دوامها تكشخت واستلمتني اخلاص
انت تحب وحده من المدرسات الي توصلهن
مبين عليك متغير علي وع جهالك
جود ممقصر وياكم مصرفج ومصرف جهالج تاخذين
شتردين مني بعد
اخلاص اني زوجتك ومن حقي عليك تطلعني اني وجهالي
تفررنا  بالسياره فد يوم ،،،،
تاخذنا سفره من تروح تصيد سمج
جود عفتها تحجي وطلعت
اخلاص. يا واني المن مسويه الريوك والجاي
سهير شبيج تخبلتي ؟ ترى الي يحجي وحده يسمو مخبل
اخلاص هو تاليتي اتخبل من هالرجال
مسويتله ريوك وخابزه الخبز من الصبح وتاليتها يعوفني ويطلع
سهير عاشت ايدج خوش مكسبه البيض اني احبه مستوي زايد
اخلاص اكلي خيه اكلي بالعافيه
واني هم خل اكل بلكي يروح القهر
~~~~~~

شمس السلام عليكم
صعدت بالسياره وسلمت بدون ما اباوع ل جود
بس كلبي احسه يريد يطلع من مكانه
حاولت الزم نفسي ،،،ماكدرت باوعت عليه نظره سريعه
وهو مركز وياي ،،،،
جود شلونج ست شمس ؟ صحتج ان شاء الله احسن
شمس شلون اجاوبه بلعت ريكي واريد اطلع الكلمه كوه طلعت وبيهه رجفه
الحمد لله بخير ،،،شويه احسن
بقينا ساكتين لحد ماوصلنا
والظهر كذلك هو بعيونه كلام واني متردده اخاف اتورط واكوله احبك
وادخل بنفق مضلم ،،، منا اهلي اكيد حايرفضون
وزوجته شحايكون موقفها ماعتقد راح توافق

بقيت ساكته مده شهرين ودخلنا بالشهر الثالث
وكلما يريد يسألني اتهرب ماريد اكوله اي ولا ارفضه لان كلبي رايده