خـــواطـــري ..!🍃

💙 مع إحترامي لآراء الجميع ..💙

مع إحترامي لآراء الجميع ..💙

عمرنا ما هنكون صحاب بجد غير حرفيا لما ندي كل شخص فينا من يومنا ١٠ ثواني بس نطمن علي بعض ونشوفنا كويسين ولا لأ محتاجين حاجه ولا لأ ، علشان نقدر نحقق جملة الصحاب هما اللي بيقولوا جنب بعض وقت الشدة ..❤️

بس ماحدش يقنعني إنه هيلاقي صحابه جنبه وقت ما يحتاجهم وهما مش بيطمئنوا ع بعض ولو حتي لثانية واحده .. ماحدش يقنعني أن احنا وقت الشده بنجري عالناس نقولهم احنا في شدة وضيقة ومحتاجنكم ، اصلا عمرنا ماهنحتاج لناس مش محتاجانا لدرجة انهم مابيطمنوش علينا كل يوم والتاني ..💛

الصحاب اللي بجد اللي بيطمئنوا عليك اول باول ويدوك ولو ثواني من يومهم يشوفوا حالك وتشوف حالهم ، ساعتها بالصدفة وانتوا بتسألوا عن بعض تعرف أن صاحبك في ضيقة فتقف جنبه وتسانده لحد ما ضيقته تخلص وتبقي مميز عنده عن الكل ويفضل شايلهالك طول عمره انك كنت بهتم بوجوده في يومك اول باول ووقفت جنبه في أصعب ظروفه وقت ماكان ماحدش بيسأل عنه أو حتي يطمن عليه ..💕

خليكوا فاكرين ماحدش بجد بيجري عالناس يقولهم أنا في مشكلة وخليك فاكر إن اللي بنفضفضله ده شخص قريب مننا ومن قلبنا بجد وإن عمر ما الثانية اللي هتديها من وقتك للناس اللي بتحبهم تضييع وقت بالعكس بكرا لما الناس دي تروح هتفهم قيمة الثانية دي كويس ..🖤

حبوا بعض وقدروا بعض ممكن حقيقي تفرقوا في حياة بعض ..🤍

شكرًا لأي حد إداني ثواني من وقته وقرأ كلامي 🤗💞

Writing by :
- Omnia Moustafa 💙🦋