خـــواطـــري ..!🍃

أنا وانتَ مين ..؟!

- أنا وانتَ مين علشان مانغرفش لحد غلط معانا في مرة ؟!

من أربع سنين كان ليا صديقة من السوشيال ميديا كان عدي ع صحوبيتنا سنة ساعتها وكان حصل شوية خلافات ساعتها وغلطت في وقتها غلطه لاني إنصعت ورا أوامر بنات بيحبوا الهزار البايخ ويوم ما صديقتي عرفت واعتذرت منها رفضت نرجع صحاب وساعتها قررت أعمل زي ما هي عملت وإن أي حد يجي يعتذر مني أرفضه زي ما إترفضت..

بعدها بسنتين عرفت صديقة تانيه وكنا دايما تقريبا شبه نافر ونقير علشان مش بنبقي فاهمين بعض وفعلا بسبب كثرة الخلافات بينا جه وقت وإتخانقنا خناقة كبير وإتقاطعنا شهر بسببها ، بس فاجئتي لما إعتذرت مني ع أسلوبها ساعتها عيني دمعت وكنت ما بين إني إرفضها زي ماترفضت أو أقبل إعتذارها ونرجع صحاب .. وفعلا طبعي للي عارفيني شخصيًا غلب عليا ووافقت علي طول نرجع صحاب بعد ما اتفقنا بعد كدا إننا نتفهم بعض وهنحترم بعض ومش هنقلل من قيمه حد فينا..

نظرتي ساعتها إتغيرت ، قلت يمكن أنا إترفضت ساعتها علشان مثلا الشخص التاني كان مستني أي حاجه تنهي علاقته بيا فماصدق ومارضاش يسامحني .. وعلشان صديقتي التانيه شارياني إعتذرت مني ..! ، ساعتها قلت خلاص مش لازم نقلد حد في الغلط إحنا هنبدأ نسامح الناس كلهم إحنا مين علشان مانسامحهمش أصلًا ..؟!

بعدها بفترة إتخانقت مع زميلة ليا برضه وكانت خناقة كبيرة وكانت بسببها إني زعلت من نفسي إني عملت شي إستحالة كنت أعمله في حياتي لانه مش أنا اللي تعمل كدا ، وقاطعنا بعض شهرين أو تلاته ولما إفتكرت موقف صاحبتي الاخير معايا قلت خيركم من بدأ السلام وفعلا حاولت أرجع علاقتي بالبنت دي بس إترفضت لتاني مرة وبحجة إنها مسامحاني بس هي مش هتقدر تتعامل معايا عدل تاني..!

بعديها بفترة واحدة صاحبتي كانت بتحكيلي إنها أحرجت صاحبتها مرة قدام مجموعه من صحابهم وصاحبتها مارضيتش تسامحها لما إعتذرت ، وقتها إستوقفني الموقف وخلاني أسترجع كل المواقف وأقولها :
" إحنا مين علشان مانسامحش بعض !
مين إحنا علشان مانعرفش نتعامل مع بعض تاني علشان غلطنا في حق بعض مرة في وسط خناقة أو عملنا تصرف ماكناش نعرف إنه هيوصلنا لطريق مسدود ؟!
أنا وأنتِ وإحنا مخلوقين من طين .. بشر زينا زي بعض .. مافيش حد كامل كلنا فينا عيوب ، بنغلط كتير وبنستغفر كتير وفي الاخر ربنا بيغفرلنا وبيعطينا من رزقه دايمًا مابيحرمناش من حاجه !!
نيجي إحنا عباده نقول مش هنسامح فلان ومش هنغفر لعلّان !!"

- اللي أنا أقصده إن إحنا ممكن نسامح ونخلي علاقتنا ببعض لطيفة وتبقي علاقة طيبة حفاظًا علي أي ذكري قاضيناها سوا علشان أنا عارفه إن في أوقات الإعتذار فيها مابينفعش علشان مابيداويش حاجه وقبل ما أكتب الكلام ده أنا بدأت أنفذه ، أنا كمان مابقتش أنهي علاقتي بزميلة ليا لو حصل مشكله بيني وبينها بالعكس بنتعامل بس بأسلوب محترم علشان نحافظ علي أي ذكري بينا ، ماتستهونوش بالبعد ..

- ربنا غفّار ماعتقدش إن من حقنا مانغفرش لحد ..❤️