خـــواطـــري ..!🍃

🦋 لو علم العبد مقاصد الاقدار ، لبكى من سوء ظنه بالله 🦋

"لو عرف ابن ادم ما أخفي له في علم الغيب وأطّلع على القدر الذي اختاره اللَّه له لرضي به كل الرضا ولما وجد خير منه.."

كنت وأنا صغيرة لفترة كبيرة من حياتي بعترض حرفيًا علي أي شئ يحصل ومايكونش زي اللي في دماغي .. حرفيا كنت ببقي قاعده وأقول إشمعنا أنا يحصل ليا كدا !!!

سنين كتيرة كنت شايفة إن ده عقاب وإن عدم تحقيق أشياء كتير كنت أتمناها تحصل ده بيدل علي عدم حب ربنا ليا ، وكان سؤالي دايمًا هو أنا عملت إيه لكل ده !!!

افتكر ماما في مرة ساعتها قالت ليا :
"لو عرف ابن ادم ما أخفي له في علم الغيب وأطّلع على القدر الذي اختاره اللَّه له لرضي به كل الرضا ولما وجد خير منه.."

وقتها ماكنتش فاهمة معني العبارة وكنت ومازلت ساعتها مستمرة في عدم تقبلي لإرادة ربنا .. لحد ما في مرة حصل موقف كدا معايا وفتح عيني للعبارة وساعتها نظرتي اتغيرت تمامًا لأي حاجه بتحصل..

يتلغي مشوار ليا فبالصدفه ألاقي إن الطريق اللي كنت هطلع عليه كان عليه حادثه يومها..
نزولتي تتأخر سيكا عن الميعاد اللي كنت عايزاه نكتشف إن لولا التأخير ده كما هننسي حاجه مهمة..
نفسي أقابل شخص كان مريض وبعدين أعرف خبر وفاته فأعرف إن ربنا بيحبني وإني لو كنت شوفت الشخص ده قبل ما يتوفي قلبي كان هيوجعني..

بدأت أشوف إن كل الإبتلاءات خير .. كلها خير بجد ، كل اللي بيحصل جميل حتي لو ماكنش مرضي ليا..

حتي لما الأشياء اللي مابتقاش متوقعه بالنسبة ليا إنها تحصلي يمكن أحزن وقتها حزن طبيعي بس فجأة أهدي وأقول لعله خير ، لعله خير والأيام هتيجي وتبين الخير فيه كان فين♥️✨

Written by:
Omnia Moustafa 💙🦋