سامح : انت مش قادر تفهمينى يا سامى
يوسف : مش قادر افهمك ايه .. بقى تسيب ابحاثك وتجاربك علشان تعمل وردة
سامح : الوردة دى مش عادية.. دى وردة الحب الانسان اللى يشمها يحب كل الناس
يوسف : ياسلام
سامح : انا هوريك
يوسف : ازاى بقى ؟
سامح : انده مصيلحى البواب علشان نجربها عليه
يوسف : اشمعنى مصليحى
سامح : بيكره كل الناس وكمان علشان مبيعملش حاجة الا بفلوس
يوسف : عادل انت متاكد
سامح : اندهله وانت تشوف ( يخرج ثم يدخل وهو يدفع مصيلحى )
يوسف : ادخل بقى عزبتنى
مصيلحى : متزقنيش بقى .. انا مش شغال عندك
يوسف : بقولك ادخل
مصيلحى : بقولك ايه منيش داخل يعنى منيش داخل
سامح : يا مصيلحى اهدى .. ما انت دخلت خلاص
مصيلحى : هه دخلت .. طب منيش خارج
سامح : خلاص يا مصيلحى .. تعال تعال انا عايزك
مصيلحى : ايوه يا بيه .. بس ابعد اخوك عنى
سامح: انا عايزك فى حاجة مهمة
مصيلحى : خير يا بيه
سامح : اسمع .. انا هعمل معاك صفقة
مصيلحى : صفقة اوه ...يا بيه يعنى انت هتطبل وانا اصقف.
سامح : اصقف ايه واطبل ايه .. صفقة يعنى بزنس
مصيلحى : ايوه ايوه .. بس بس قطط يعنى
سامح : قطط ايه .. بقولك ايه سيبك من كل ده .. قولى يا مصيلحى انت بتحب
مصيلحى : ليه يا بيه حضرتك شايف لى عروسة
سامح : عروسة .. لا يا مصيلحى مش قصدى الحب ده .. انا قصدى الحب التانى
مصيلحى : ايوه فهمت يا بيه
سامح : فهمت ايه "؟
مصيلحى : انا بحب الملوخيى بالتقلية
سامح : تقليه ايه يا مصيلحى .. انا اقصد حب الناس.. تحب الناس ويحبوك .. يعنى انت مثل ايه رايك فى يوسف اخويا . بتحبه
مصيلحى : قبر يلمه قال يزقنى واحبه
يوسف : انت بتقول ايه ؟
سامح : استنا بس يا سامى . طيب انا هعمل معاك اتفاق ... لو شميت الوردة دى هديك 5 جنيه
مصيلحى : معقول اشم وردة واخد 5 جنيه .. طيب بقول لك ايه يا بيه انا هعمل معاك صفقة .. اكلها وتدينى 10 جنيه
سامح : يا مصيلحى انت هتشمها وبس وتاخد 5 جنيه
مصيلحى : خلاص يا بيه هات
سامح : براحة يا مصيلحى وانت بتشمها
مصيلحى : متخافش يا بيه دا نا شمام كبير
سامح : فعلا انا كنت شاكك فى كده من زمان
يوسف : احنا استحملناك كتير قوى متشم بقى وتخلصنا
مصيلحى : سامح بيه ابعد الراجل ده عنى
سامح : تعال هنا يا يوسف ( مصيلحى يشم الوردة ويطوح ثم يسقط ) ايه ده .. الظاهر انه مات .. نجحت يا يوسف
يوسف : نجحت نجحت ايه بس .. دا باين عليه مات فعلا .. انا كان قلبى حاسس
سامح : مصيبة ليكون مات بجد
يوسف : ايهده دا ابتدى يتحرك اهوه
مصيلحى : اه يا دماغى اه يا نفوخى
سامح : مصيلحى .. حاسس بايه؟
يوسف : انا هجيب له كباية ميه
سامح : بسرعة يا سامى
مصيلحى : نفوخى يا باه .. حاسس ان فيه قردين عيتعاركوا فيها
سامح : عيتعاكو يعنى ايه ؟
مصيلحى : يا عيتخانقوا يا بيه
يوسف : الميه اهه
سامح : خد خد يا مصيلحى اشرب
مصيلحى : ايه دى ميه .. معندكمش عصير كلب اشيله
يوسف : فى عصير فى الدنيا اسمه كلب تشيله
مصيلحى : ايوه
يوسف : ميكونش قصدك كابتشينو
مصيلحى : ايوه هو ده.
يوسف : لا معندناش. اشرب بقى كوباية الميه دى
سامح : اشرب الميه يا مصيلحى علشان تفوق
مصيلحى : حاضر يا بيه
سامح : كفايى يا مصيلحى الكوباية جالها جفاف .. هه حاسس بايه؟
مصيلحى : خلاص يا بيه كانت دوخة وراحت
سامح : طيب والقردين
مصيلحى : بينهم اتصالحو .. انى نفوخى دلوقيت عامل زى الصفحة البيضة.. حاسس انى بحبك بحبك قوى يا سامح بيه .. ( يعفصه فى حضنه ) وانت كمان يا يوسف بيه
يوسف : بالراحة يا مصيلحى ضلوعى
مصيلحى : حاسس انى بحب مرتى وبنتى وبحب كل الناس
سامح : نجحت يا يوسف نجحت
يوسف : مبروك يا عادل مبروك
سامح : خد يا مصيلحى ال5 جنية اللى وعدتك بيها اهيه
مصيلحى : 5 جنيه ايه يا بيه .. انى بتاع الحاجات دى برضك .
سامح : هايل شوفتى يا سامى اخيرا قدرت اوصل للحب الحقيقى
يوسف : فعلا يا عادل دى معجزة.
مصيلحى : اه يا راسى ..
