A Sweven Elegy From Nature

အခန်း (၁၂)

Unicode

မြေအောက်ခန်းထဲရောက်နေပြီဆိုတဲ့အသိတရားကြီးကQuအားပုံမာန်ထက်ပိုပြီးထိတ်လန့်စေသည်။သူ့မိဘတွေဆုံးရှုံးပြီးလိုက်ကတည်းကဤနေရာသို့လုံးဝခြေမချဖြစ်တော့တာဖြစ်သောကြောင့်ယခုအချိန်တွင်မြေအောက်ခန်း၏နေရာတိုင်းတွင်
ဖုန်တွေအလိပ်လိုက်တက်လို့နေပေ၏။

Quဘေးဘီဝဲရာကိုကြည့်ရင်းမသိစိတ်၏စေစားရာကြောင့်ကြောက်လန့်ကာနေမိသည်။

သို့သော်သူ၏လက်ကလေးအားခပ်ကျစ်ကျစ်ပါအောင်ဆုပ်ကိုင်၍အပြုံးနှင့်လှည့်ကြည့်ပေးလာပါသောနေသန့်အားမြင်လိုက်ချိန်တွင်Quတကယ်ပင်အင်အားတွေပြည့်လာမိသည်။

နေသန်ကQuပြန်ပြုံးသည်သည်ကိုမြင်မှ စိတ်ချဟန်နှင့်ဘေးဘီဝဲရာကိုစတင်လေ့လာတော့သည်။ပထမဦးဆုံးသတိထားမိသည်ကမြေအောက်ခန်းသို့ဆင်းခဲ့ရသော လှေကားတွေမှာသစ်သားတွေမဟုတ်ပါဘဲ သဘာဝအလျောက်ရှိနေသောအုတ်ခုံအဆင့်ဆင့်တွေဖြစ်သည်။

မြေကြီးတွေနှင့်ဆက်စပ်လို့နေပြီးတချို့ဆိုပန်းပင်အချို့ပင်ပေါက်ရောက်နေသေး၏။ခပ်ဖြေးဖြေးနှင့်အောက်သို့ဆင်းလာတဲ့အခါတွင်နံရံပေါ်ရှိရေနံဆီမီးအိမ်အချို့ကိုတွေ့ရ၏။နေသန်အိတ်ထောင်ထဲမှမီးခြစ်အားထုတ်လိုက်ကာတစ်ခုကိုမီးညှိကာထွန်းညှိလိုက်တော့တစ်ခဏအတွင်းမှာပင်ဖြတ်ခနဲသောအရှိန်အဟုန်နှင့်အတူမြေအောက်ခန်းတစ်ခုလုံးလင်းထိန်လို့သွားသည်။Quကရှင်းပြသည်။

"ဒါကတစ်ခုထွန်းလိုက်တာနဲ့အကုန်ရတယ်လေ"

နေသန်ခေါင်းငြိမ့်ကာနားလည်ကြောင်းပြလိုက်သည်။ထို့နောက်မြေအောက်ခန်းလေးထဲသို့ဝေ့ဝိုက်ကာကြည့်လိုက်၏။မြက်ခင်းအချို့နှင့်ပန်းပင်အချို့၏မွှေးရနံ့ကသင်းပျံ့လို့နေ၏။ဖုန်တက်နေသောဆိုဖာသုံးခုနှင့်ဗီရိုတစ်ခု။ဖယောင်းတိုင်အချို့တွင်ကပ်ညှိနေသောဖုန်အချို့ကလဲမီးတောက်နှင့်အတူလောင်ကျွမ်းနေ၏။

အလယ်နံရံတွင်စားပွဲခုံတစ်ခုရှိပြီးလက်နှင့်ကိုယ်တိုင်ထုဆစ်ထားပုံရ၍လက်ရာမှာသေသပ်လှသည်။ထိုစားပွဲခုံအပေါ်တည့်တည့်ကိုကြည့်မည်ဆိုလျှင်တော့ဖုန်တက်ကာနေသောပန်းချီကားလေးတစ်ချက်ရှိလေသည်။