حكايه ملك (مكتمله)

الفصل التاسع عشر

ملك بعدم فهم:انت عارفنى وهو انت عارف أيمن
يس بغضب عامر:انا يس البدوى كنت زميلك فى الجامعه
ملك بتذكر:اه بس ايه دخل أيمن وهو اصلا يعرفك منين
يس بغضب:اه طبعا اعرفه عز المعرفه
ملك بعدم فهم:انا مش فاهمه اي حاجه ممكن تحكيلى واحده واحده
يس:كان نفسى اخلص الكليه واجى اتقدملك بسرعه بس كنت خايف متوفقيش فقولت استنى شويه احاول اكون نفسى والحمد الله بعد
ما كونت نفسى وجيت عندك الفيلا انتى بعتى ايمن ومعاهم ناس يضربونى فلما ضربونى ولسه بيكمل
ملك وقفته
ملك بصدمه:ثانيه واحده انا بعت حد يضربك
يس:اه
ملك بصدمه اكبر:طب كمل انا ما بعتش حد يضربك اصلا
يس:فلما ضربونى كان الضرب جامد جدا فا فقدت الذاكره
ملك باستيعاب:ثانيه واحده يعنى انتى لما جيت عندى الشركه كنت فاقد الذاكره
يس:ايوه
ملك بصدمه:طب ليه ايمن يعمل كده
والله انا معرفش اى حاجه اصلا انا ايمن خد شركتى وطلع بيتاجر فى المخدرات
يس:هو قالى انك بتحبيه وانك مش عايزنى فى حياتك
ملك:محصلش والله
وبدات بالعياط فى اللحظه ديه جت مامت يس ومحمود اخو ملك
رحمه بدات تحكى ان يس لما فقد الذاكره الدكاتره قالو انو ممكن ما ترجعش ليه الذاكره تانى
يس:ليه يا ماما ما منعتنيش انى اروح اشارك ملك وانتى عارفه انها السبب فى فقدانى للذاكره
رحمه بصت للملك:كنت متاكده انها استحاله تعمل كده
محمود حكى كل الا حصل للملك وازاى ان ايمن هو السبب
يس قرر انو ينتقم للملك وليه من الا ايمن عمله فيه
نسيبهم يفكروا ازاى يعملو كده
''''''''''''''''''''''''''''''''''''''''''
  عمرو بغضب شديد:يعنى ايه هو فاكر انها خلصت على كده يبقى غبى
اما انا هعرفه مين عمرو
مسك التلفيون واتكلم
احجزلى طياره وسافر فعلا  بره مصر
مسك التلفيون
عمرو:انا قدام الفيلا انت فين واجيلك على فين
المتحدث:تعال على.......
عمرو:تمام خمس دقايق واكون عندك
قفل السكه وطول الطريق بيفكر هيعمل ايه
راح المكان المتفق عليه الا كان عباره عن نادى وقعد يدور لغايه ما لاقى الناس الا بيدور عليهم
مسك كرسى وقعد معاهم فى هدوء
ازيكم اخباركم ايه
محمود:الحمد لله انت اتاخرت اوى يا عمرو
عمرو:معلش كان عندى شغل كان لازم اخلصه واول ما خلصته جيت
وجه كلامه للملك ازيك يا ملك
ملك:الحمد لله
عمرو:بصو انا عندى الخطه الا هنوقع بيها ايمن
ملك:بس مش غريب أنك عايز توقع صاحبك وتدخله السجن
عمرو:انا حاولت معاه وكان نفسى يتغير
محمود:ايه هى الخطه
عمرو:انا هقولك وبدا يحكى الخطه
محمود:بس كده محتاجين حد يساعدنا فى الخطه ديه
ملك:وانا عارفه مين يقدر يساعدنا
عمرو:كويس جدا على البركه
'''''''''''''''''''''''''''
ايمن بزعيق:يعنى ايه ازاى ده حصل
الرجل:انا اسف جدا
ايمن بغضب:وانا اعمل ايه باسفك ده
انا اعمل ايه دلوقتى اكيد ملك عرفت ان انا الا كنت عايز اخطفها
الرجل:نخطفها تانى يا باشا
ايمن بغضب:اقفل وما تكلمنيش تانى واختفى خالص واوعى تظهر انت فاهم
الرجل:حاضر
ايمن قفل التلفيون فى غضب
ورن على رقم
ايمن:تتصرف وخلال اسبوع بظبط تكون شوفت حد يشترى الشركه
المتحدث:بس ياباشا انت عارف ان احنا متراقبين وحركه زى كده هتفتح العين وبعدين ديه مش شركه بجد
ايمن:انا عارف اسمع الكلام واضرب اى ورق علشان الا يشترى الشركه هو الا يلبس وانا كده كده هسافر
المتحدث:حاضر بس لو البوص عرف حاجه هيقلب الدنيا
ايمن فى غضب:اسمع الكلام قولتلك
♡♡♡♡♡♡♡♡♡♡♡♡♡♡♡♡
تفتكروا هيحصل ايه
وايمن نهايته قربت ولا هو هيعرف يهرب
عمرو فعلا هيقدر يساعد ملك انها ترجع حقها من ايمن ولا لا
ومين الا بينقل الا الاخبار للعمرو
تعلقاتكم ورايكم
بقلم فاطمه رافت جندى