الفصل الثاني
ليلا في منزل شمس كان الجميع يلتف حول المائده دلفت تلك الجميله نهار و هتفت بمرح كالعاده
منوره يا حياة هانم
حياة بابتسامة حنونه ... قلب امك عمله اي
نهار بمرح ....عمله خط و مشيه عليه
جاءت شمس من خلفها و ضربتها بخفه ... اتلمي و بطلي الكلام السرسجي ده
نهار بضحك ... اومرك يا شموسه
نظرت شمس ل حياة و هتفت ... فين نيره
حياة بحزن ... من ساعة ما جت و هي مش بتخرج منها
.......
دلفت شمس إلي نيره و جلست جانبه
نظرت لها نيرة بحزن و بكت اقتربت منها شمس بلهفه و ضمتها بحب
شمس .... بس يا حبيبتي خلاص أهدي بس يا حبيبتي
نيرة ببكاء و وجع ... قلبي فيه نار يا شمس حسه ان في نار قيده جوه قلبي كل شوية بتزيد مش بتنطفي هموت يا شمس نار القهر قوية يا شمس لما جوزك يقول ل حد تاني بحبك دي تقتل كان بيسبني و يدخل البلكونه و يكلمها يا شمس كان يقول إسمها و هو نايم يا شمس هو مش بيحبني لدرجة أن احنا لسه مش قربنا من بعض شمس انا مش عايزه الله يخليكي طلقيني منه انا مش عايزه يا شمس
شمس بحزن .... حاضر يا روح قلبي حاضر
جاءت حياة من خلفها ..... طلاق اي مفيش طلاق انتي فاهمه
نظرت لها شمس بغضب و هتفت ... لا هيطلقها غصب عنه انا زهقت من الأسلوب ده في اي يا أمي مينفعش كده بقا كفاية زل هي مش اي حد دي بنت سليم كبير الساغه كلها الله يرحمه مات و الناس فكرات أن احنا سهل اي حد يجي عليان خدي الكبيرة بقا انا كمان هطلق كانت أكبر غلطه عملها بابا لما خلانا نتجوز عيال أخوه فكرهم سند لكن دول مش سند أبدا
جاء صوت غاضب من الخلف ... شمس
.........................
في قصر الرشيدي
الجميع جالس في بهو القصر
حسين والد أسر. سميره والدته و عمر اخوه و ساره أخته و عمه سعد و زوجة عمه داليدا و ابنتهم سهر و اخوها مازن
حسين بشرود ... أسر فين
سميره ... في الاوضه بتعته
ابتسمت سهر بخبث و بعد مرور خمس دقائق سمعو صوت أسر الغاضب
................
صوته الغاضب جعلها تنتبه له
كان صاحب الصوت هو عمها حسان
حسان بغضب ... من امتي و انتم ملكوش حد
شمس ببرود .. من يوم ما شفت ابنك بيكسر قلب اختي و سكت يا عمي
حسان بتوتر ... انا يعني
شمس ببرود قطعت حديثه و هتفت ... بقلك اي يا عمي احنا الي بينا انتها انت عمي و هتفضل عمي و زي مدخلنا بالمعروف هنخرج بالمعروف و كل واحد يروح لحاله و ربنا يسعدهم
جاء سامر من الخارج و هتف بغضب .... انا مش هطلق يا شمس
شمس بقوه ... و انا هخلعك يا ابن عمي
جاء غسان كاد أن يتحدث لكن تحدثة شمس بقوة... كويس جيت يا غسان يله زي الشاطر أرمي اليمين
غسان بحزن .... بلاش يا شمس
نظرت شمس إلي نيره تريد أن تعلم رأيها و عرفة الجواب
شمس بقوة .. أرمي اليمين
غسان بحزن و هو يخفض بصره ... انتي طالق يا نيره
خرج بسرعة من البيت و حزن العالم احتل قلبه
شمس ببرود ... يله زي اخوك كده أرمي اليمين يا عريس
سامر بغضب ... لا يا شمس مش هطلق
شمس بغضب ... متخليك لمره راجل و طلقني
نظر لها سامر بغضب و هتف ... انا راجل غصب عن عين اي حد و بما انك مش عايزني انا هسيبك كده زي البيت الواقف و هتجوز عايزه تيجي بيتك تعالي غير كده لا و هتشوفي يا شمس هعمل فيكي اي علي كل كلمه قلتيها
خرج سامر و والده من المنزل تاركين وراءهم نيران لن يستطيع أحد اخمادها
