زوجوني عريس ختي 💍مكتملة 💍

الجزء 6💍

‎البارت 6
فالليل .. كانت واقفة قدام المراية بابتسامة بريئة وعنيها ضاحكين اريناس جات موراها وعنقتها اريناس: جيتي تووووت سمر: ههه مغسي حبيبة سمعو الكلاكصون وهبطت عندو بخطوات ثابتة كايتسمع غير صوت الطالون كانت لابسة لاغوب اللي شرات ليها وشعرها مخلياه على راحتو مطلوق مبوكلي غير شويا من التحت مع طالون كان فالبيج وبوشيتة فيدها نفس اللون نزل من الطنوبيل وتكا عليها وهو جامع اديه لعندو كان لابس سروال كحل مع قميجة طاولي ليهاا كماامهاا مخلي وشااموو اباانوو مفتوحة شوياا على الصدر صباط فالبلو ماري شعرو مرجعو لجنب ومع كثيف كايطيح ليه على عنيه بفعل الريح دااير تخنزيييرة مزاادتوو الاا هيبة ورجووولة ... اريناس كانت واقفة فالسرجم كاطل من باب الفضول ومبتاسمة باغا تشوف وجهو مني اشوف ختها هز راسو وشافها وهي حست بقلبها تهز من بلاصتو وهي كاتشوف فعنيه اللي ديما خاليين من اي تعبير وشعرها كايطيييرو الريح وكايطيح على وجها دخلت بالزربة وسدت الشراجم حاطة ادها على قلبها اللي كان اضرب بزااف اريناس : اولييي اناااا مااالي مخلوووعة نااااري على شووفات عندوو (صرطت ريقها) هارون بعد مادخلات حول بصرو للباب وشافها خارجة كاتمايل فشميتها وهي مبتاسمة بتاسم ليها وقرب شد فيدها هاروون: جيتي زوينة سمر:(بخجل) مغسي .. حل ليها باب الطنوبيل وطلعات وهو بلا مايحس مشاو عنيه للسرجم ولكن مكانتش تما عاد طلع وديمارا ... وصلو وسمر فمها وصل لرجليها من الاعجاب كانو واقفين قدام اجمل ما عندو من مطااعم... ريستو اقل ما يقال عليه انه رائع حل عليها الباب ونزلت شادة فيدو وهي باقا كاتفحص بعنيها .. دخلو وهنا كانت المفاجأة انه خاوي وتخصص غير ليهم كان مزوق باحلى انوااع الوروووود والشموووع وعاد موسيقى هادئة ترسمااات ابتاسمة عريضة وضارت عندو سمر:هههه نتااا اللي قلتيلهم اصاوبو هادشي هارون: (بابتسامة جانبية )اه سمر: زوييين بزاااااف مغسي.. هارون:(ضار فيها شوفة من نيتك) سمر: هههه صاف صاف مشاو كلسو فطابلتهم بعد ما جر ليها الكرسي وكلس مقابل ليها وهي باقا كاتفحص المكان بعنيها اريناس تخشات فبلاصتها معنقة نونوسها روبن وكاتلعب بخصلات شعرها اريناس : يااااربيي اطيييح فيااا مجد كيماا طاايح هارون فسمر ونولييي حتا انا نلبس غير الهااي ونخرج غير البلايص الفرييع (تنهدت) نااارييي على احساس غمضت عنيها حتا كاتزورها صورتو وهي تحل عنيها مخلوعة اريناس: لا لا اسيدي ربي اناااا قلت مجد مااشي راجل ختي هو اه عندو فلوس وزوين لا ماشي زوين بوكووووص كااع وعندووو فووورمة وشخصيوو وااو و (ضربت حنكها ) اوليييييي اش كاااانقوووووول نعسي المسخوووطة وليتي تهترسي اولييي احاااي صافي انا انعس وغااانحلم بمجد اوكيي اعقلي مجد مجد نرجعو عند هارون وسمر اللي بعد ماتعشاو ناضو ارقصو على انغام الموسيقى الرومانسية وهي حاطة راسها على صدرو ومغضمة عنيها مخلياه هو يحركها كيف بغا ... محاوط خصرها بيديه ونفسو الحارة كاطير خصلات من شعرها بقاااو شحااال وهوما على داك الوضع عاد وقف وهز ليها راسها مبتاسم هارون: نكلسو؟؟ حركات راسها بيايجاب ورجعو كلسو هضرو فشتى المواضيع حتا بدااو عنيها اتغمضو بالنعاس ... عاد رجعو نزلت وهي كاديرلو باي باي بيديها بتاسم ليها وديمارا وهي دخلت ...طلعت لبيتها لاحت الطاالون اللي قتلها فرجليها وتلاحت نعساات بحواايجهاا ... يتبع