زوجوني عريس ختي 💍مكتملة 💍

الجزء 3💍

البارت 3
دخلت للدار كيالعادة اول وحدة كاتقلب عليها مني كادخل هي مك نوااارة دارك اريناس: مامااا ماماااا ... الام(من الكوزينة)هاناااا.. مشات من موراها وعنقتها اريناس: اش كاااديير نواااارة الدااار .. الام: نسيتي عاود اريناس: (جات قدامها) شنو نسيت .. الام: عييد ميلاد ختك زعمة اريناس(ضربت جبهتها): وييييييلييي لااا الام؛ماشي جديدة اريناس: اري اري نمشي نشري ليها شي كااادووو هاالعااار جبدت بزطامها من سوتياماتها ومدات ليها 100 درهم شدتها كاتشوف فيها اريناس:اش ادييير هااادي مااتجييبش حتااا ريحة مقاااادة الام: نتي ديييماااا نااااتفااااني.. اريناس:واناااا ماالي راه ليها مالي غانديهم زادتها 100 درهم اخرى شدتهم منها دغيا وضربت بجرية .. ....في جهة اخرى كانت واقفة قدام اجمل الملابس والماركاات وعنيها لامعيين بالفرحة وهو موراها داير يد فجيبو والاخرى شاد بيها الكونطاك والتليفون ... راسم ابتسامة جانبية على شنايفو الورديين واقف وقفة كلها رجووولة جبد يدو دوز بيها عل شعرو المارو الكثيييف كايحيد دوك الزغيبات اللي طايحين على وجهو الاسمر وحااضيها بعنيه العسليين المشفرين اللي الشووفة فيهم كاطييح منك النص قرب حداها وهضر بصووت رجوولي وبحة مميزة .. هارون: مزاال محتارة .. ضارت عندو وهي كاضحك بابتسامة بريئة وعنيها صغارو ...كاترجع شعرها مور يديها سمر: هههه حرت هارون: ممم انا نعاونك ... سمر: هههه اوكي نرجعو عند اريناس اللي كاضور فمحل تجاري اريناس: لاا واااش من نيتي جاية ب 200 درهم وباغا نشري كادووو بففف يااااربي الصبر معليش ماشي خسارة فيها حلت صاكها اللي ديما معاها ...جبدت جوا فيه فلوس بقاات شحاال كاتشووف فيهم كانو هادووك فلووس ربحتها فمسابقة ديال الرقص خدات منهم اللي تحتاج سمر: ماشي بزااف هارون: حتا حاجة ماتغلا عليك ..(باسها فخدها) سمر:(بتاسمت بخجل) الله اخليك ليا .. هارون: امين (شد فيدها ) يلاه نمشيو .. مشاو لاكيس خلص داكشي وخرجو وهوما مشادين الايدي طلعو فالطنوبيل رانج روفر وديمارا مخلي موراه غير العجاج ... كانت واقفة كاتشوف الكاادوو كايتغلف ..مدت ليه الفلووس خدااتها من عندوو وضربتهاا بجرية...ماوقفت حتاا باب بيتهاا... خبعتهاا وبدلت عليهاا..لابسة سالوبيط فالكري الغاامق وتحتو ديباردوور غووز ...سباادريين بوويض شعرهاا خلاتو مطلوق على راحتو رشات من برفاانها وميكااب خفيف بينهاا بصوورة بريئة ...وسنسلة محجرة فعنقهاا زاادتها لمسة انثوية وخرجاات ...كاتوجد الطاابلة مع مهاا وتزوق الصاالوون ... حتا بدااو اسمعوو الدقاات مشات رقية فتحاات ...كانو بنات الحوومة جااييين ومعااهم هدااياا رمزية ..دخلتهم للصالوون بالترحااب... حبس الطنوبيلة قداام باب الداار حل ليها الباب ..وهي ناازلة بكل شيااكة جبدليها الحواايج اللي شرااو وهي من عنييهاا بااينة الفرحة دقت فالباب وضاارت لعندو منين حساات بقبلة في خدهاا... هاارون؛ كل عااام وانت بالف بالف خيير ... سمر:مغسي😻