زوجوني عريس ختي 💍مكتملة 💍

الجزء 8💍

لبارت 8
كان واقف فالبالكون سااهيي بتفكيرو لبعييد تنهد كانه يهدن نفسه بالافضل...هز التليفون اسول فيها سمر: الو هارون: صافا عليك سمر:(كاتلبس) وي حمد الله هارون؛ اش كاديري سمر: كانلبس حيت خارجة هارون؛ اه وفين بالسلامة سمر: غير للبحر مع صاحبتي ياك معليش هارون: واخا منين نسالي ندوز نرجعك سمر:اووكي... هارون:تهلاي فراسك سمر: واخا... قطع ورجع تليفون لجيبو ومشا اختار شنو البس بعد ماخدا دوش اخفف عليه لبس سروال دجين مع قميجة فالبيض وسبادرين حتا هوما فالبيض وخرج كايركب ساعتو اللي مواتية مع اللبسة .. وصل وقت خروجها هزت كرتابلها وخرجت بحالها تلاقات مع اكرام جاية فالطريق اكرام: (كاتمضغ المسكة) وااقوولي غير السلام مابناش ليك ... اريناس :لا مابنتلييش اكرام : هبطي شوياا كواااريك ونتي منفووخة غادي طرطقي اريناس(رجعات بخطوات للور راجعة لعندها ) نتنفخ ولا نتفش ونطرطق كاااع ماااشي سووقك .. مشات وخلاتها غير مخنزرة فيها ولات كملت طريقها خرجت عندها سمر تسلامو وشدو الطريق وهوما كايتعاودو .. فهاد الاثناء كان شخص راكب فالطنوبيل وكايشوف فالساعة من بعيد تعرفيه كايستنا شي حاجة بفارغ الصبر .. كان كالس فاجتماع دايريين بيه موضفيه وكلهم كايشوفو فاتجاه شخص واقف قدامهم كايشرح ليهم فكرة بروجيه وكايتقاتل مع خوفو حيت انك توقف امام هارون العلامي ..لحضة كلشي كايتمناااها ولكن بحد ماهي حلم هي مسؤوولية كبيرة فنفس الوقت .. كان هو كايلعب بالستيلو وداير يدو تحت ذقنو وتعابير وجهو صعييب تقرااهم هنا كاتكمن صعوبة الامر حتا سالا الشخص ووقف كاينتظر ردة فعلو وكلشي ساكت كان الصمت سيد الموقف عاد بتاسم ابتسامة جانبية بقدر ما هي اشاارة للفرح اقدر تكون اشارة هدوء قبل عاصفة ليه بعض المرات بدا اصفق وعاد تنهد الشخص بارتياح وبدا كلشي اصفق عليه ... حرك هارون راسو برضا عاد هضر هارون؛ مرحبا بيك الشخص: (قلبو غادي اطييير بالفرحة) شكرا شكرا اسيدي ليا الشرف والله ناض وقف ودار يدو فجيبو وخرج.. كلشي بارك ليه وتمنااو ليه حظ سعييد و هو مبتاسم خرجوو كاملين عاد كلس فكرسي كايلتاقط انفاسو الشخص: اووووف حمدتك ياااااربي وشكرتك دعوتك الواليدة مامشات باطل حمد الله ... وصلات قدام البحر وبتاسمت بارتياح سمر: الله على جو شحال زوين سرحت اديها وعلات راسها وشعرها كايطيرو الريح وهي مغمضة عنيها فهاد اللحضة عنين داك الشخص لمعو بالفرحة وهو كايشوف فيها ونزل باغي غير فوقاش اكون حداها ... اكرام كانت جامعة اديها لعندها حاضياها حتا شافتو جاي ودار ليها بيدو باش تمشي ..داكشي اللي دارت وقف حداها وهي مزالة معرفاش اش ضاير بيها حتا هضر الشخص: باقي كايعجبك البحر فهاد اللحضة قلبها تهز من بلاصتو وهي كاتسمع صوتو وحلات عنيها باش تشوف واش كاتخيل ولكن كان بصاح واقف قدامها بوقفتو المعهوودة ومبتاسم ليها رجليها حست بيهم مابقااوش قادرين اهزوها سمر: ا..ا.. اش...اشرف .. نرجعو عند داك الشخص اللي تقبل فالشاريكة جات عندو السكريتيرة وخبراتو باللي بغاه ... وحس بالخلعة رجعات ليه داتو لعندو دخل لقاه قالب الكرسي للجهة الاخرى كايهضر فالتليفون بقا واقف حتا سالا وضار عندو .. هارون: كلس كلس وهو كايفرك بيديه هارون: امين الوزاني العمر 20 سنة ابن درب سلطان اب متوفي وام في عمر 45 سنة اخ اخت وحدة فقط في عمر 17 سنة التحقتي بمعهد متخصص بالهندسة وتخرجتي فقط بعد سنتين .. جمع اديه وحطهم على المكتب .. هارون: هادشي اللي خلاني نقبل ضوسيك ونبغي نتعرف على هاد الشخص الطمووح اللي بغا اوصل بكري امين غير حال فمو فيه عرف كلشي عليه غير فمدة مابين انتهاء الاجتماع واستقبالو ليه .. هارون: بو البوسط ديالك هو المكلف بمراقبة التصاميم والمشرف على ذالك الشخص(عنيه لمعو) اه واخا هارون؛ يمكن ليك تفضل دبا امين: اا اه واخا شكرا خرج امين وهو رجع راسو اللور كايلعب بستيلو ولا هضر مع السكرتيرة باش توري ليه