زوجوني عريس ختي 💍مكتملة 💍

الجزء 40💍

‎البارت 40
كانت خارجة كاضحك مع نور حتا وقفو عليهم الصحافة مجمووعيين عليها .. الصحفية1: سيدتي هل انتي زوجة السيد هارون ؟ الصحفية2: اذا كان الجواب بنعم فأين معشوقته السابقة؟؟ الصحفية3: الم تكن هي خطيبته كما وردتنا الاخبار ؟؟ الصحفي1: سيدتي هل يمكن ان نعرف لماذا لم يتم الاشهار بزوااجكما ؟؟ تلفووها بقاات غير كاتشوف حتا بانلها جااي بطنوبيلتوو ضربت فيهم ومشات طلعت حداه وهو غير رافع فيهم حاجب ..ديمارا مخلي موورااه العجااج .. تكاات على الكرسي مضورة راسها للسرجم واسئلتهم كااضوور فراسها هي بصااح ماعرفت باش تجااوب حيت معرفااش شكوون هي بالنسبة ليه ساطت بالجهد وهي كاترجع شعرها اللور ..وهو حاضيها غير بنص عين .. هارون: مالك ... اريناس:(بلاما ضور عندو) والو ... وصلو ونزلت وهي غير كاتجر فرجليها طايحوو ليها المراال حطت الكرتابل وهي تمشي كاتجري للحمام كاترد حتا قربت تحط مسارنها تبعها شاد ليها شعرها حتا كملت وغسلها وجها ... هارون؛ كاضرك شي حاجة نعيط ليك للطبيب.. اريناس(حركت راسها بنفي) لا بلاش انا مزيانة....غير حيت كليت بزااف فالغداا .. حرك راسو بيايجاب وطلع لبيتو وهي مشاات كلست وحااسة بالدووخة شادااهاا داايرة رااسها بين يديها...حتا حست براسها مزيان وطلعت بدلت عليها دخلت لعندو لقاتو كايهز شي ضواسا ... اريناس؛ خارج؟؟ هارون؛(عينيه على الضواسا) اه غادي للرباط عندي مؤتمر تما ..نتي مقرياش فالعشية ؟... اريناس(حركت راسها بنفي) لا وغادي ترجع ياك... حرك ليها راسو بيايجاب ..وهبط طلع فطنوبيلتو مديماري مشات حاضياه من البالكوون حتا غبر عليها ورجعت تلاحت فوق الناموسية ...عنقت وسادتوو كاتشم ريحتو .. اريناس: اوووف اوليي اناا اش كاايووقع لي علاش دغياا كانتوحشوو (غطست راسها فالوسادة) ممم الله على ريحة ... حيدت داك الحامل اللي هاز ليها يدها ..لاحتو وهي كاتحاول تحرك يدها ...هبطت للتحت مشات ديريكت للتلاجة جبدت الفريييز وقرعة ديال الشكلاط ومشات كلست ... البلازما؛ مرحبا سيدتي .. اريناس؛ سلام .. شعاتلها التلفازة كاتفرج وهي كاتغمس الفرييز فالشكلاط كتااكل وتبنن ... اريناس: اجي عندك مع الماط؟؟ البلازما؛ طبعا .. اريناس: حلفي ربييي ربيي البلازما: ماذا .. اريناس: ستانااي .. مشات جابت كرتابلها من الصالوون ورجعت جبدت ورقة اريناس: اوكي انااا انعطيييك معااادلااات ونتي تحليهم البلازما: حسنا .. بدات تفتي عليها ...مكادوزش دقيقة حتا كاتكون جاااوبتها وهي كاضحك وتسجل الحل وتفتيي عليها الاخرى مداازتش نص ساعة حتا كانو سالاو .. اريناس(كاتصفق بيديها) ياااااس هههه برااافووو علييك انااا راااضية عليك ... البلازما؛ هذا واجبي سيدتي .. شحاال ديال الوقت وهي مونسة بيهاا... كاتسولها على شي معلوومات والاخيرة كاتجاااوبها فكااااع المياااادييين ... بدااا اطيييح الضلام ..كان راااجع بالطنوبيل كايحك فلحيتو حاس براسو مدكدك...كاايفكر كيغاادي ادوز الحفلة اللي عاد كاتسنااه .. دخل للفيلا لقاها كلها مطلية بالشكلاط ونااااعسة نعسة مشرحة ...قرب منها مبتاسم على شكلها كلس جلسة القرفصااء كايشووف فيها وحيد الشعر اللي كان طااح على وجها وحط ادو على فمها كايمسح ليها الشكلاط حتا بدات كاتخسر ملامحها كاتستاعد تفيق ...حلت عنيها على وجهو وكلست كاتحك فعنيها .. اريناس:(بتاسمت)جيتي .. هارون(وقف كايرخف الكرافاطة) اه .. طلع بحالو اياااخد شي دووش باش اقدر اكمل الليلة وهي تبعاه.. اريناس:(كاتحرك يدها) كوون غير ديتيني نحيد الكبص راه بريت .. هارون:(لاح الفيستة) صافي غدا نمشيو .. كلست هي على الناموسية حاضياه دخل للدوش ..وتلاحت هي ناعسة على كرشها كاتبقشش فالتليفون حتا بانلها خرج وغادي اشوف مايلبس .. اريناس: غادي لشي بلاصة ؟؟ هارون: حفلة .. تحلوو عنيييهاا وقلشت راسها اريناس:حفلة (ناضت كلست) قلتييي حفلة .. هارون (كايهز حوايجو) وي.. اريناس:(ناضت موراه) دينيي معااك .. ضار عندها رافع حاجب ولا ضار كايلبس... اريناس: مالك اش فيها ياك قلتي حفلة هارون:(كايلبس القميجة) ماشي حفلة ديال المراهقين اريناس:(خنزرت فيه)دبا اناا مرااهقة .. هارون: وشووفي نتي (مشا قدام المراية) اريناس: وحشوووومة عليك علاش ديمااا حاكرني اش فيها الا مشييت معاااك علاش مكاااتبغيييش تخرجني معاك واش مرااضيش بيا ؟؟.. هارون(هز فيها عنيه من المراية).. الى الغد