زوجوني عريس ختي 💍مكتملة 💍

الجزء 31💍

‎البارت 31
‎اليوم الموالي  ‎حلت عنيها لقات راسها مخشية فيه معرفاتش فووكااش طااحت وجات حدااه وهي الليل كلوو فوق ضهرو كاتمااصي ليه فاق على تحركاتها وناض كايرجع بيدو شعرو اللور ...دخل للحمام وهي باقا كالسة شادة رجليها بيديها كاتلعب فيهم بحال الطفلة وضور فعوينااتها... خرج كاينشف وجهو بالفوطة وكايشوف اشنو البس  ‎اريناس: هاروون .. ‎هارون(كايلبس) نعام  ‎اريناس: عفااااك ديرلييي خاااطريي هااد المرة  ‎هارون؛ اش كااين .. ‎اريناس: خليني نمشي الخطبة عفاااك وااخااا غير شويااا وهاااانتااا ديني نتاا وجيبني نتاا ولا بغيتي كووون معايااا كااع غير خليني نمشي نشوفهااا (غرغرو عنيها) توحشتها بزااف وهي اتكوون فرحاانة اللى كنت حداها فهاد الوقت عفاااك .... ‎هارون؛ (ساط بالجهد حتا تخلعت وتكمشت على راسها)يلااه نووضي تحركي .. ‎معاودتهااش معاه ضربتها بجرية دغيا للبيت جبدت كااع حوايجها كاتشوف شي حاجة تكوون مناسبة لقات واحد غوب فالاحمر مبينة تايتها لبساتها دغيا مع طالون فالفضي خلات شعرها مطلووق مع مكيااج خفيف هزات صاك طويل وخرجات لعندو لقاتو كايعقد سيور السبرديلة هز راسو فيها طلعها من رجليها حتال لراسها ولا حنا راسو وهو كايعقد .. ‎هارون؛ 3 دقايق تكوني بدلتي ومسحتي دااك الزبل من وجهك ولا ماكين خروج .. ‎اريناس: اا كيفاش ..علاش مالي  ‎ماردش عليها كتافتا انه اجبد تليفونو ..ريكل الكرونو ضورو لعندها وهي ضربتها بجرية مشافتش موراها خلاتو حابس الضحكة.. ناض قداام المراية رش برفانو وكايصاوب شعرو وهو عنيه على التليفون فالدقيقة 2:59 خرجات من البيت كاتجري تعكلت فسيوور السبرديلة اللي مزال ماعقدتهم ... طاحت عند رجليه كانت 3:00 دقايق تماماا.. ‎اريناس:(كاتنهج ) اوووووف هانااااا... ‎حرك راسو برضا وسبقها وهي ناضت كاتنفض حوايجها كانت لابسة سروال boyfreind مع قميحة بيضاء مدخلة نصها فيها ومخلية لاخر خارج مع سبرديلة بيضاء والشعر دارتلو كود شوفال تبعاتو ركبو فالطنوبيل وديمارا وقت قصير ...كان واقف قداام باب الدار وهي عنيها لمعو بالفرحة كااتشوووف فالحوومة اللي توحشت والجيران كايطلوو من السرااجم .. ‎هارون؛ جوج سواايع نلقااك فالباب.. ‎اريناس:خليهم تلاتة ابعدا.. ‎هارون هضرت.. ‎اريناس: صافي ماقلت والو .. ‎نزلت من الطنوبيل وهو ديمارا مخلي غير العجاج .. ‎دقات فالباب وهي متوترة حتا تفتحت الباب كانت مهاا اللي غوتت بالفرحة ... ‎الام:اريناااااااااس(­طارت عليها بتعنيقة) بنتيييييي (كاتبووس فيها) كيييدااايرة ابنتيي.. ‎اريناس بادلاتها العناق وهي كاتصنع الابتسامة .. ‎اريناس: حمد الله اماما  ‎كاتنطق هااد الكلمة وقلبها كايتقطع حييت كووون كااانت بصاااح ام كاانت اتووقف معاها وقت كانت محتاجااهاااا ... ‎دخلو وهي كاتشوووف فالداااااار فين عااشت حياااتهااا وفيين دوزت الحلوة والمرة حتاا بانت ليها سمر هابطة فالدرووج عنيها مغرغريين هااابطة بخطى ثقيلة مااعندهاااش الوجه االلي تشووف فيها .... بتاسمت ومشات لعندهاا ترمااات فدااااك الحضن اللي فتاقدااااا باش طلق كل وحدة العنااان لدموعها حتا بقااا اتسمع غير تنخصيصهم .. ‎سمر(كاتشد وجها بيديها) كيدااايرة اختي .. ‎اريناس: (كاااتحرك راسها بيايجااب) حمد الله.. ‎سمر(شدت فيدها) اجي نطلعو للبيت .. ‎وهي جاراها حتااا كاتسمع صوتو ‎الاب: جيتي ابنتي .. ‎اريناس( ضارت عندو ببرووود ) اه جيت ياكما مخااصش نجي .. ‎الاب: لا علاش كااتقولي هاكاا هادي راها داركم ‎اريناس:بصاااح اوا الله اكتر خييرك منين مزاال عااقل باللي انا بنتك وعندي الحق فهاد الدار  ‎سمر: صافي اختي اجي .