#ذنبي_أني_ظلمت
الحلقه الثالثه.
بالمول وتحديدا عند هشام :-
كان قاعد بالمطعم هو وأسراء وهزان ويتغدو وبينما هما يحكوا شوي وسمعوا صوت وراهم
أريج:-
لو سمحت
هشام:-
تفضلي ياأنسه
أريج:-
الصورة هذه تخصك ع ماأعتقد ..طاحت من محفظتك وقت جيت تخلص من غير ماتنتبه
هشام:-
مسك منها الصورة بتملك "شكرا هلباا ياأنسه".
أريج:-
كيف بترد بس شافت شخص صدمها "هالشخص هو حسام خطيبها السابق وكان معاه مرأه وبيبي بيدها".
هشام:-
أنتبهت لنظرتها الغريبه ف شي وراي كان عندي فضول نعرف شني تلفتت ولقيت ف راجل ومعاه مراه وطفل صغير.
.
.
حسام لزوجته:-
حبيبتي خلينا نمشوا نتغدو بمكان تاني.
أسماء زوجته:-
طيب ليش مش انت اللي اخترت هالمكان.
حسام:-
ولاشي مهم بس غيرت رايي وف بالي مكان تاني نمشولها ومسكها من يدها ومشي .
.
.
أريج:-
كنت نشوفلهم بالم وحزن كبير بداخلي ومن غير مانحس دموعي نزلو لحالهم
هشام:-
لما شفت دموعها حسيت ان في بينها وبين الرجل هذا شي وخصوصا ان نظراتها ليه كان مليانه ألم تنحنحت عشاان نلفت أنتباهها "شكرا ياأنسه مره تانيه لأنك رجعتيلي هالصورة ماتعرفيش قداشها مهمه وكنز بالنسبه ليا".
أريج:-
فقت لنفسي ورفعت يدي مسحت دموعي "مافي داعي للشكر مادرت شي أنا..عن أذنكم توا" ومشيت رجعت لطاولتي مع مريم وقعدت بكرسيا.
مريم:-
روجه فيك شي حبيبتي خيره عيونك فيهم دمعه.
أريج:-
ولاشي حبيبتي غير شفت حسام من شوي وكان معاه مراه الباين زوجته ومعاها طفل صغير وأول ماشافني مشي ع طول وكأنه شاف شبح.
مريم:-
حسام هذا اللي كان خطيبك صح.
أريج:-
هزت راسها ايه صح.
مريم:-
ماتزعلي حالك حبيبتي ولا تفكري فيه فوتيه بقوة.
أريج:-
اللي واجعني يامريومه مش انه سيبني وفسخ الخطبه ..اللي حارق قلبي انه وقت زارني بالسجن أتهمني اني انسانه مجرمه ومتوحشه ويحمد ف ربي ليل نهار أنه ربي خلصه مني..تخيلي كان ع طول يقولي نحبك واني نعمه ف حياته وفجأه نسي كل شي وماكلف نفسه حتي يوكلي محامي ..
مريم:-
ماتزعلي حبيبتي كل الرجاله زي بعض ..والحمد الله انك تفكيتي منه قبل لاتتورطي معاه بالزواج وهكي ع البر أحسن قاعده بنت ويجيك نصيبك احسن من مطلقه .
أريج وهيا تمسح ف دموعه:-
أنا نقدرش نلوم حسام ع تصرفه معاي او اني نظلمه ونقول انه كان لازم يستناني أساسا أنا من حالي كنت رح نقوله يشوف حياته وينساني ومايقعد يضيع 5 سنين من عمره ف جرتي لكن اللي صدمني ان كنت نتوقع انه يتعاطف معاي ويوقف بجنبي ولو معنويا مش ع طول تخلي عني وكأني هم ع صدره ونسي صداقتنا وحبنا قبل حتي مانكونو مخطوبين .
مريم:-
اللي فات مات ياقلبي أنسي وخلاص.
أريج:-
ع قولتك خلي ننمشي نطلب البيتزا لأني ماطلبتها وألتهيت انرجع ف صورة طاحت من صاحب الطاوله اللي بجنبنا
مريم:-
خلاص اقعدي انتي اهو تو نمشي انا .
أريج:-
تمام ...وقعدت تشوف يمين ويسار وبلحظه جت عينها بعين هشام ولاحظت انه كان يشوفلها فنحت عينها من عليه
