#ذنبي_أني_ظلمت
الحلقه السادسه.
بعد طلعت نتائج التحاليل وأكتشف هشام أن أريج هيا نفسها البنت المسجونه ..روح وهو معصب للحوش وأول ماوصل ودخل لقاها تضم ف الصاله .
هشام:-
أريج لو سمحتي حطي اللي بيدك وتعالي نبيك بموضوع .
أريج بخوف:-
خير أن شاء الله شن في.
هشام:-
ليش كذبتي عليا وماصارحتيني وقلتي انك كنتي محبوسه .
أريج بأرتباك وخوف:-
أنت كيف عرفت .
هشام:-
أنا كنت شاك من لما شفت الحرق اللي بيدك...وكنت شاك من قبل اني شايفك بمكان بس ماكنت فاكر امتي ...طلبت منك اديري التحاليل وقارنتهم بالسجلات اللي عندنا بالمستشفي وتأكدت من انه انتي صح نفس البنت.
اريج وهيا تبلع ف ريقها:-
طيب دامك عرفت الحقيقه ..كلامك صح انا كنت محبوسه وقضيت 5 سنوات من عمري ف السجن ومن حوالي اسبوعين بس طلعت .
هشام وهو حاس بغصه:-
وشن التهمه اللي انحبستي بسببها.
أريج بدموع:-
جريمه قتل.
هشام بصدمه وعيون مفتوحه وهو مش قادر يصدق :-
جريمه قتل😡.
أريج ودموعها ينزلو ومش قادره ترد وبس هزت راسها .
هشام:-
قرب منها والغضب عاميه لانه بهاللحظه اتذكر زوجته وكيف ماتت مقتوله مسكها من كتافها وقعد يهز فيها" وتقولي فيها بصحه وجه وبكل وقاحه وكأنك قتلتي حشره مش بنادم ".
أريج بدموع وخوف :-
أنا ماكنت نقصد نقتله اقسم بالله ....
هشام بعصبيه أكثر ودفها طيحها ع الأرض :-
أسكتي ولا كلمه...نبيش نسمع صوتك ...اطلعي برا أنا مستحيلة نسمح لوحده متوحشه وقاتله زيك تربي بنتي وتتحمل مسؤوليتها.
أريج بصدمه ودموعها ينزلو وقفت ورفعت يدها بوجهه وقالتله بصوت كله عزت نفس:-
أنت مايحقلك تحكم عليا ولا توصفني بكل هالصفات السيئه وانت ماعشت ظروفي ولا سمعت أسبابي ...أنا قتلته من غير قصد لاني دخلت ولقيته ماسك امي ويبي يقتلها وبلحظه عماني الشيطان ومسكت السكين وطعنته من غير وعي مني ..ولاني بنت فقيره وماعندي سند ظلموني الناس وظلمني القانون وضاعو 5 سنين من عمري ف السجن ظلم وبسبب هالشي امي ماتت مقهوره ومن غير مانشوفها ...عشان هكي انت مايحقلك توصفني بأني قاتله ومتوحشه فاهم لأنك انت ماتعرفني ولا تعرف معاناتي.
هشام بعقل وتفكير مشوش:-
مع هذا هالعذر مايعطيك مبرر تقتلي نفس يملك ربي روحها ويحقله هو بس ياخذها فاهمه.
أريج باندفاع :-
أنا قتلك ان هالانسان اللي قتلته من غير قصد كان رح يقتل امي ..ولو ماقتلته ودافعت ع امي كان هو اللي قتلها ..لو كنت حاضر بيومها كنت عرفت كويس من المتوحش فينا.
هشام بلغه صارمه:-
أنا نكره القتله ونستحقرهم ع الاخر وبراي مش بشر ...لهذا اطلعي من حوشي ومانبيش نشوف وجهك تاني فاهمه.
