منقذي و قاتلي

منَ أنا 1

السلام عليكم
قصة جديدة بعنوان
(منقذي و قاتلي)
بقلمي الكاتبة نجمة وكمر
القصة حقيقية ..
....

‏لم يعُد شيئاً مُبهرً
لقَد بَهّت كُل شيء ..🖤

الجو بارررد بشهر ال 1

صادف هذا اليوم
1/6

الدنيا

غبشة والنومة بعيني

أتذكر كان عمري بوقتها 13سنة

كاعدة اغسل ملابس بالمي البارد واني اطك عظم بعظم
تحت أمر زوجة خالي الوحيد
الي أنتقلت للعيش يمهم بعد أنفصال أبوية وامي

وزواج أمي
ما كان عندي ملجأ آخر ألتجأ الة
لا اب يرضى يتحمل مسؤليتي
ولا أخ عندي ولا أي شخص غير خالي الوحيد
خلتني أمي يمة أمانه حتى تكمل حياتها لأن زوجها مو راضي يتحملني

خالي كان نوعاََ ما زين وياي وماله شغلة بية

الا زوجته كانت تحب النظافة بشكل جنوني ومو طبيعي أبداََ

وهالقانون ما مطبق بس علية حتى على بناتها الوحيدات الي هنه 2 بس
بس يشتغلن وينظفن رغم صغر سنهن الا هيَ محملتهن مسؤلية البيت كلة
حتى الطبخ نطبخة احنا
اني وبنات خالي
نور وفاطمة

وأني أغسل بالملابس نزلت دموعي من النعاس اريد بس انام وارتاح
وفوكاها المي ثلج
ردت أموت
عفتهن وكمت وأني ارجف وأبجي

خــ خالة
شوية واكمل الملابس با ارد االمي حيل والله مااكدرلة

_لو تدرين بروحج شكد مابيج خير

_خ خ خالة والله باردة ونعسانة حيل

_نجبببي وامشيي ساعدي فاطمة بالمسح

_خالة مو بليل مسحنه حتى ما لحك يتوصخ والله

ما حسييت غير نجريت من شعري حييل

_بااووعو ام لساان الصلفة الوصخةة لجج شنو هاي طولة الللسان وياي
شهالترباية السزز
كفختني راشدي نيمتني بالكاع
حقجج منو يرربييج

استتتاذ محمد الي حاير يدور كح... لو عبير ام الرجوولة ام ال....

ضلت تغلط وتصيح على امي وأبوية

اني سحبت نفسي وطلعت من يمها

أجتني فطومة مسحت الدم من خشمي وعدلت شعري
ورجعنه نكرب

حتى هيَ دموعها كامت تجري
مدري على نفسها مدري علية

ضلينا نشتغل لحد وقت الغدا

مابقة شي ما سوينا

أجة خالي من الشغل تعبان

أول شغلة سواها ذب ملابسة بالكاع

شالتهن فطومة وراحت تغسلهن

واني اصب اكل

أجة أحَمد أبن خالي هم من المدرسة