سولفلي على روحك يابعد هالروح

بارت 36

((( بقلم الكاتبة رفل )))

( سولفلي على روحك يابعد هالروح )

وعيونج الماتت عليها الكحلة بيهن سحر لمعة وبرائة طفلة 💙

.

رزان : انت شتحجي ..

مهيوب : هسه راح تعرفين شنو احجي ..

رزان : مهييوب موو وقت مزحك رجعني هسه اهلي يدورولي مالي حيل مشاكل ..

مهيوب : لتخافين محد يدورلج بعدين شهد هناك تحل الموضوع .

رزان : ضربت ايدي ع الكشن شهد شهدد اخخخ منج شهدد بسيطة .

مشت شوي السيارة وصفت باخر المنطقة كدام باب

بيت اول مرا اشوفة مبين بناء جديد من الانارة .

حجيت احنة وين جايين ليش جبتني لهنا .

مهيوب : صفيت السيارة باب بيتي الي بنيتة باخر فترة نزلت وتوجهت لباب رزان وفتحتة حجيت تفضلي ست رزان نزلي ...

رزان : مااا ما انزل وين جايبي بيت منو هذا .

مهيوب : اووك براحتج لتنزلين

اني راح افوت والشارع مليان جلاب سايبة ضلي تونسي وياهم .

رزان : عززاا بس لاصدك هسه شسوي يممةةة اني اكثر شي اخاف منه بحياتي هي الجلاب جنت اذا اشوف جلب
وبينا مسافة 60 متر اضل ارجف بمكاني

عندي فوبيا كلش من الجلاب حته اذا سمعت صوتهم برا واني بالبيت اخاف احسهم راح يدخلون للبيت .

ماعندي حل ثاني غير انزل خلشوف بيت منو هذا ..

شفت مهيوب فاتح باب الحوش دايريد يدخل واني بعدني بالسيارة

عيطت دقيقة انتظرني جاية ..

مهيوب : اعرفها تخاف من الجلاب لهذا خوفتها ولا ماكان نزلت ابد .

دخلت للحوش وسمعت صوتها تصيحلي ابتسمت بنصر وحجيت تعايي انتظرج .

اجت تركض مثل طفل الخايف ضحكت على منظرها .

رزان : فتحت الباب وباوعت منا ومنا أمن الطريق خاف اكو جلب شي الحمدلله ماكان اكو شي بس

المنطقة فارغة وتخوف نزلت وسديت الباب قووي

ورحت ركض لمهيوب شفتة يضحك .

وكفت وعقدت حواجبي وصرت اعدل بالسترة مالتي وانفض ملابسي ورجعت عدلت القبعة وهوا لسه

صافن حركت أيدي هييوو وين صافن شكو جايين لهنا.

مهيوب : حركاتها لبسها ضوجتها خوفها ارتباكها كللها سحرتني ضليت واكف واصافن بتارسيم وجها بشعرها بالأناقة يربي كلشي بهل بنت يجذبني الها .